MATÌÙT 12:23 - Ala Ane Wene Ket Mene Warogo Wo'ninapike Wene

²³ Atì'nogo hagasikomo re, it apùnì era'lu atogorek welagaukwa mene nen he, “Egi! Taùt aput wesigin ìlùk ìkì lagaukwa a'nogo ebe yì he a,” isukwa.

MATÌÙT 12:23 ပူးပေါင်းရင်းမြစ်များ

MATÌÙT 9:27

At Yesùt o atoma nen laganem ap inebe pìre ineileken mùm mene opolik laga logolìk inane hùkorogo mel yogosukwa: “Ap Taùt en tagokwe mene noe a! Hetawì'ninabin o,” ìlùk yogosukwa.

YOHANET 4:29

“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike.

MATÌÙT 21:9

Atì'nogo hìlìk laga logolìk he, at Yesùt ebe tùlemethìlìk, it aike ebalep agìk, it aike opolik agìk, laga logolìk he, inane hùkorogo mel ìlì k lagaukwa: “Taùt tagokwe mene, noe wa! wa! wa!” ìlùk u hùk, “Hosana! Ninopase Etagepogot Ala nen lakhagei wagama wagen yì, at enat hanothabuak o. Ala esin pogot oba welagarek mene nopase wa!” u hak, “Hosana!” ìlùk a'mìt sup hogo ìlìk ìlìk, o Yerusalem kisukwa.

MATÌÙT 9:33

Wolok wagaukwama re, at Yesùt en mokareke oabùt weak mene ap a'nogo a'la kìlìk were'ma henogo wulaksasikomo, ap a'nogo ane huak hogo isike. Atì'nogo hagasikomo re, it apùnì apik welagaukwa mene nen Yesùt hogoratì logolìk he, mel isukwa: “Nit apùnì Isirael mene aike nen yì'nogo hagatenem nineileken hisogorek lek mene nayùk e,” ìlùk hogorasukwa.

MATÌÙT 15:22

Lagai waganem he, he aike o Kana'an atoma awìwerek mene Yesùt oba wagaikesik ane hùkorogo mel yogosike: “Taùt en tagokwe mene noe. An neak helekerek mene mokareke oabùt weak mene a'la kikesik weak werek. Halok he, hetawì nean o,” ìlùk yogosike meneat he,

MATÌÙT 7:28

Yesùt en wene atì'nogo ìlìk waga lagaikesik wene elùgùn warogo isikomo re, it apùnì apik amanogo nen he, “Egi! Wene ike atì, it ap Ala ane helal waganek esewerek mene nen yogonisagarek hake ìlì'logo lek o. We, at en he, wene ebe esewerek mene nen u hak ike atì, nayùk e!” ìlùk hogorasukwa.