MATÌÙT 12:16 - Ala Ane Wene Ket Mene Warogo Wo'ninapike Wene

¹⁶ “An nen hagathinapì yì re, nabok apùnì aike motok yogoisagùp o,” ìlùk inasuk warogo yogoisasike.

MATÌÙT 12:16 ပူးပေါင်းရင်းမြစ်များ

MATÌÙT 17:9

Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

MATÌÙT 9:30

Atì'nogo yogoisiko kolek aremnogoat ineileken a'nogo hano agaukwa. Hano agaukwama re, at Yesùt ane keirogoat yogoisìkì logolìk he, “An hagathinapì mene yi, apùnì inelu asinogo nen he, aike motok yogoisagùp o,” ìlùk yogoisasike.

MATÌÙT 8:4

Hano agaikomo re, at Yesùt en he, mel yogosike: “Hat en he, Yesùt en tì'nogo haga'nape, ìlùk, apùnì aike motok yogoisagùn o. We, ap Ala esewerek mene nen eileken heoak en oba lìlìk mel haga'no o. At Musa nen, ìkì logolìk he, Apùnì inoba hano arìk, Ala hesik tì'nogo hisasak o, ìlùk isike higit hogoat hisikenem hùtheoak en he, aike hisa lano o,” ìlùk yogosike.

MAREKÙT 7:36

Ane hano agaikomo re, at Yesùt en apùnì amanogo yogoisìkì logolìk he: “Hit en apùnì aike motok yogoisagùp o,” ìlùk inasuk hobugalep wato kolegat he, it en hobuk inane ebenageik hùkorogo yogoisìkì lagaukwa.

MATÌÙT 12:17

Atì'nogo hagasike atì re, at Yesaya Ala ane yogoisìkì lagaike mene a'nogo nen mel isike higit hogoat haga'lasuagalùk hagasike atì.

MAREKÙT 3:7

Atì'nogo haga'lùk, hobuk, at Yesùt agoromì ane wanhì lagaukwa mene amanogo inomat he, i Kalilea yekelek a'nogo esakoma lagaukwa. Lagaukwama re, apùnì nen he, “Yesùt yì'nogo hagarì'logo, tì'nogo hagarì'logo,” ìlùk abok ikenem, it apùnì o Kalilea tokwe mene logolegat inasuk holìlùk inopolik inopolik laganem, it apùnì o Yurea tokwe mene mel, o Yerusalem mene mel, o Irumea tokwe mene mel, o i Yoretan aik ìlì ba mene mel, o Tìrùt Siron mene mel, Yesùt oba atogosukwa.