MATÌÙT 11:6 - Ala Ane Wene Ket Mene Warogo Wo'ninapike Wene

⁶ Yogorìk he, sa nen etaùken pìre arìk herakhanhì'lek logogin halok he, a'la hai hakìkì logogin o, ìlùk yogosi lano,” ìlùk laksasike.

MATÌÙT 11:6 ပူးပေါင်းရင်းမြစ်များ

1 KORÌTÙT 2:14

Wene Ala Areagùn nen wo'nisikerek wene atì, it apùnì Ala Areagùn ina'la werek mene nek hùthagarek atì nen, it apùnì inoabùt inesogat logolìk, hùthagarek lek. Atì'nogo hùthagarek lek atì re, it en he, “Wene atì apùnì kepù mene nen egarek hake ìlì'lùgì,” ìlùk egarek atì nen, wene atì hùthìgì'lek werek o.

MATÌÙT 26:31

Tom Saitun oba lagasikesik, at Yesùt en he, “At Ala nen, At ap topa wam serogo welagarek mene atì ebe an nen watenem he, ako omakìma atogorek welagarek mene atì, hese pùgùlugun o, ìlùk isikomo, helal waganogo hesukwama werek atì nen, yogotak hùako yì, hit obogat an herakhanìlùk hese pùgùlugun o.

YOHANET 6:66

Wene atì'nogo yogoisìkì lagaikomo, at agoromì ane wanhì lagaukwa mene amanogo, inebe logolegat aike Yesùt heraksalùk pùgùlhukwasik he, hobuk opolik nìkì logouogolùk, oba wagì'lek kamo isukwa.

MATÌÙT 24:10

Atìgìnho kolek, it apùnì aike inetaùken Ala ba hìpìrethesukwa meneat he, inebe logolegat ina'la pùk arìk heraksalùk wùlìbìk he, at aike nen at aike wasuagalùk wolok lagìk, aike nen aike anini oba hìgìk, ugun o.

1 PETERÙT 2:8

Nen, aike mel isike: “Apùnì helep atì ba inesok a'lip temuk hogo warìlìk, tukwak hogo laga logogun o,” ìlùk isike. Atì'nogo tukwak hogo laga logogun atì re, it en hano wene atì, “Eberogoat,” ìlùk hùthogoin lek atì nen, Ala nen akasike hagat, warìlì'lùgì atì.

MATÌÙT 18:7

It apùnì kweang'ma mene yoma, it aike nen an kopologo herakhanuagalùk ina'la kagalumo motok weak asugun atì nen, netawì lak e. An kopologo herakhanuagalùk ina'la kagalhì logogun meneat he, it ina'la kagalugunwerek atì Ala nen motok weagarinabigin werek o.

KALATIA 5:11

Nerùgì nagaiya'lak. An nen, inogat inekalìma mene palharek wene atì hano ìlùk yakùlisìkì logoilema re, noba yì aik tì aik haga'nabì'lùgì atì haga'napì logoilep akegep? Motok lek o. An wene atì wene yakùlisìkì logoilema re, wene Karìsùt ebe e ba menhìlìk wasukwa wene atì yakùlisikenem apùnì inasuk holìk he, inesok helep oba temuk hogo waragarek hak, ina'la pùk arìk wene herakselep legat o.

LUKAT 2:34

Nen, at Simeon a'nogo nen, “Ala nen hanothinabuak,” ìlùk, ane agauk hogo yogoisìlìk he, omalik a'nogo agosa Maria yogorik he, mel isike: “Ala nen he, yekerek yì ba, it ap Isirael mene inebe logolegat, aike menhisìgìk, aike pelakhisìgìk, hagasuagalùk menhesike o. At yì apùnì obogat hùthoagalùk menhesike meneat he, it apùnì obogat en, Ninabìt o, ìlùk ìlì'lùgì a'nogo,

MATÌÙT 5:29

Halok he, heileken ebekwe nen weagathabusak haga'laga halok he, hemelogo laksano. Hebe abireke etu ai'mo po lakhageinogo nen he, hemelogo laksìlìk o'moko nek were'ma hano.

MATÌÙT 13:21

wene atì inetaùkenma omaken yatì'lek en he, hamùlùgat were'ma nen, apùnì aike nen Ala ane atì hesik yì aik tì aik inoba hìgìk, weagarìnapik, ikenem he, ina'la hageat pak agaresik, wene atì heraksalùk wùlùparek atìat o.

MAREKÙT 6:3

At ebe re, he Maria eak o wùterek mene a'nogo lek? Agoromì opolik mene re, Yakobùt mel, Yoset mel, Yùrat mel, Simon mel, akìgì. Nen, erùgì re, nit ninom welago yoma lek?” ìlùk ina'la meathesukwa.

LUKAT 7:23

Yogorìk he, Sa nen an abìt nììgì'lek logogin halok he, a'la hai hakìkì logogin o, ìlùk yogosi lane o,” ìlùk yogoisasike.

YOHANET 16:1

At Yesùt en wene atì'nogo yogoisasikesik he, hobuk aike mel yogoisasike: “Hit hina'la pùk arìk, At ninabìt, ìlùk, an nebe kobologo herakhaninogo ìlùk, wene atì obogat yogohisìkì lagì o.