MATÌÙT 11:5 - Ala Ane Wene Ket Mene Warogo Wo'ninapike Wene

⁵ Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

MATÌÙT 11:5 ပူးပေါင်းရင်းမြစ်များ

LUKAT 4:18

“It apùnì inagarok motok lek inelageik mene atì hano wene yì yakùlisìkì logouagalùk menhanhikomo nogo nen he, nopase Etagepogot Areagùn pelakhei wagama an noba louksek werek o. Nen, nayoko hìkì logolìk mel yogonesike: It apùnì ineki hele homago mene hele hikalinabigin wene inom, ineileken pùk mene hano asuagalùk hagarinabigin wene inom, yogoisìgìk, it apùnì inawe a'ma negen sebelogo hebisìlì'lùgì mene telogo inalepma hisìgìk,

YAKOBÙT 2:5

Nerùgì nagaiya'lak. Hinebe netawì e. An wene igin yì hinasuk holino. It apùnì kweangma inagarok lek mene atì, Ala nenat wenaginapì logolìk he, “Inagarok apik hogo logou hak, inetaùken an noba hìpìrìk logouak. Nen, it an nebe inetawì mene hùgì, o an nen nawe a'ma hisikenem logogun oba atoma esewerek asugun ìlùk wene warisasigi mene atì, irat esewerek asuak,” ìlùk wenaginapike.

MATÌÙT 21:14

Atì'nogo yogoisasikesik he, apùnì ineileken mùm mene mel, inesok wat warek mene mel, Yesùt oba Ala awì wùrì'mo atoma wagaukwama re, at en hano hagarinapike.

YOHANET 10:38

Meneat he, an nen hagato kolegat, hit eberogoat ìlùk hinetaùken an noba hìpìrethousak hinabìt atì o. Atì'nogo hagatesep atì re, an nen nopase neperak hutik, nen at en an neperak hutik, welagorek atì, hinelu arìk en eberogoat ìlùk hùthoageip en he, an hagatì lagì mene atì eberogoat ìlùk hùtheni o!” ìlùk yogoisìkì lagaikomo,

YOHANET 10:25

at Yesùt en he, mel yogoisasike: “An arat yogohisìkì lagì meneat he, hit en eberogoat ìlùk akìkì lagep lek o. An nopase nen nayoko hesikomo hagatì lagì atì, an nabok pak hogo yogohisa hagat hagatì lagì meneat he,

YOHANET 5:36

an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 2:23

Atì'nogo isukwasik werek kolek, o Yerusalem it apùnì Yahuri mene wam topa wam warogo pesta Paskah niko kolek, at Yesùt atoma inom logolìk ebe hùthoagalùk, elalin mene hagarìk lagaike atì nen he, apùnì apik ineileken hasukwasik inetaùken at oba hìpìrethesukwa.

MAREKÙT 9:25

Yagotenem, apùnì aike humusegat oba atogosi waganem, at Yesùt eileken lagisìlìk he, mokareke oabùt weak mene a'nogo wenagasike. Wenagatì logolìk he: “Hat mokareke hoabùt weak mene yì nen, yekerek yì ane lùgùlùgìthìgìk, esako togùmethìgìk, ìkì lagen atì, a'la nen henogo wùlìbi lan. Wùlìbi lìlìk he, hobuk a'la ki wesusak motok lek o, ìlùk yogohetì atìat o,” ìlùk wenagasikomo re,

MAREKÙT 7:37

Atì'nogo yogoisikenem he, it en apik hogoratì logolìk he, mel ìkì lagaukwa: “At en, yì mene tì mene hano nek hagatì logolìk, apùnì hagarinapenem he, inesako togùm mene huak ìlìk inasuk holhìk, inane lek mene inane hano agìk, ìlì'lùgì atì nayùk e!” ìlùk apik hogorasukwa.

MATÌÙT 10:8

It apùnì ou inoba werek halok hagarinapìk, wa'lagaika halok inelugurinapìk, henako hake inayùk mene inoba werek halok hagarinapìk, mokareke oabùt weak mene ina'la kìlìk were'ma henogo wulaksìgìk, ìlìk nìkì logoino. An nen oko lek wokhisìgì atì hak he, hit en atì'nogoat oko lek wogisìlìk lano.

MATÌÙT 9:30

Atì'nogo yogoisiko kolek aremnogoat ineileken a'nogo hano agaukwa. Hano agaukwama re, at Yesùt ane keirogoat yogoisìkì logolìk he, “An hagathinapì mene yi, apùnì inelu asinogo nen he, aike motok yogoisagùp o,” ìlùk yogoisasike.

MATÌÙT 5:3

“Apùnì ina'la nen he, An he, Ala eilhanem, ebe mene hesik nelageik welagì, ìlùk akagarek mene atì, Ala awe a'ma hisikere'ma atoma esewerek irat atì nen he, ina'la hai hakìkì logousak o.

LAKSASIKE 2:22

Mene re, hit Isirael mene nerùgì nagaiya'lak. An nane igin yì holini. Yesùt aua Nasaret mene a'nogo Ala nen ayoko hesikomo, ninom logolìk, wane hùthoagalùk hagasusak lek mane Ala nen eki omamerogo elalinat hagatì lagaike atì re, ebe Yesùt enat hagatì lagaike. Halok he, Yesùt Ala nen lakhei wagaikomo, ìlùk enagat agaike atì hinelu.

MATÌÙT 11:4

at Yosut en he, mel yogoisasike: “Hit he, an yì'nogo tì'nogo hagatenem hineileken nììgìk, wene ikenem hinasuk holhìk, egep mene atì, at Yohanet sekek hogo yogosi lano o.

MATÌÙT 12:13

Atì'nogo yogoisasikesik he, ap a'nogo mel yogosike: “Heki kothan,” ìlùk yogosikomo, eki a'nogo kothikenem he, eki o'moko eperak higirat hano motok agaike.

YOHANET 9:7

Atì'nogo labulhesikesik he, ap a'nogo mel yogosike: “Helokoken i Siloam moge a'lì ba sobali lan o,” ìlùk yogosike. I atì nit ninane ba re, lakhesike u hak etage Siloam were'ma yogosike. Atì'nogo lakhesikomo, at a'nogo lagaikesik, elokoken sobalhikomo eileken hano agaikomo apotkwe wagaike.