MATÌÙT 11:4 - Ala Ane Wene Ket Mene Warogo Wo'ninapike Wene

⁴ at Yosut en he, mel yogoisasike: “Hit he, an yì'nogo tì'nogo hagatenem hineileken nììgìk, wene ikenem hinasuk holhìk, egep mene atì, at Yohanet sekek hogo yogosi lano o.

MATÌÙT 11:4 ပူးပေါင်းရင်းမြစ်များ

MATÌÙT 11:3

Laksa wagaikomo wagaukwasik he, “Ap aike wesigin ìlùk ìkì lagaukwa a'nogo re, harat a? Ì a, at he, hùnogoat mene aike serogo logogun a?” ìlùk gosukwama re,

MATÌÙT 11:5

Ineileken mùm mene hekenogo hano agìk, inawe wùt warek mene kwe lagìk, inoba henako hake inayùk mene were'ma hagarinapenem hano agìk, inesako togùm mene inasuk huak hogo holhìk, warek mene inelugurinapìk, it aike inagarok lek mene hano wene yakùlisìgìk, ikenem hineileken neegep a'nogo sekek hogo yogosi lano o.

YOHANET 5:36

an nebe hùthanuagalùk, at en nabok pìlìngìrogo yogohisìkì lagaike meneat he, mea negen. At he, an nopase nen, Neyabu ato hìgì'lek heleleng hogo haga'no, ìlùk, nayoko hesikomo hagatì lagì atì ba nek he, apùnì nen, At ebe opase nen lakhei wagaikomo, ìlùk nabok ikenem inasuk holìk nebe hùthanu hagat hùthanusak o.

MATÌÙT 8:3

Atì'nogo yogosikomo re, at Yesùt en ap a'nogo eki hakìlìk he, “An nen hano hagathabigìlùk ìkì lagì. Halok he, hoba hano ame o,” ìlùk yogoto kolek aremnogoat oumo henako hake inayùk mene a'nogo motok lek arìk ebe hano agaike.

MATÌÙT 15:30

Hù'lagaikesik were'ma re, apùnì inebe apik at oba waga logolìk, inesok wùt warek mene mel, ineileken mùm mene mel, ineki inesok hapelek mene mel, inane lek mene mel, it he'nakìt inoba ou mene apigat mel, wogisek Yesùt oba wagaukwasik at awe a'ma hisìkì lagaukwama re, at en motok hano hagarinapike.

MATÌÙT 21:14

Atì'nogo yogoisasikesik he, apùnì ineileken mùm mene mel, inesok wat warek mene mel, Yesùt oba Ala awì wùrì'mo atoma wagaukwama re, at en hano hagarinapike.

YOHANET 14:11

An nenat nopase neperak hutik, nen, nopase nen an neperak hutik, welagorek ìgì atì, eberogoat ìlùk, hit hùtheni o. Atì hùthasak mea halok he, an hagatì lagì mene atì hineileken hìlìk, hùthanini o.