MATÌÙT 11:25 - Ala Ane Wene Ket Mene Warogo Wo'ninapike Wene

^25-26 Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

MATÌÙT 11:25 ပူးပေါင်းရင်းမြစ်များ

MATÌÙT 21:16

Yesùt mel yogosukwa: “It yekerùgì ìlì'lùgì atì hasuk holhì lagen a?” ìlùk, yo osukwama, at en he, “Ì o. Holhì lagì o. Nen, wene mel ìlùk helal waganek werek a'nogo hit en etage salhì'lek welagep nogo? It en Ala hogoratì logolìk he, Hat hebe katok hogo hogothapì logouagalùk, yekerùgì ketago mene mel, eilak oan nìlì'lùgì mene mel, motok yakùlisegenma hìgì, ìlùk isukwama, helal waganek atì hit en etage salhì'lek welagep nogo?” ìlùk yogoisasikesik,

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

2 KORÌTÙT 3:14

Mene re, it atì inetaùken abirethesikomo welagaukwa. Yogotak hogo re, Ala nen, “Tì'nogo hagathinabigin,” ìlùk wene inom wasukwa mene helal waganek mene atì, it en etage salhenem he, inetaùken kagalasusak lek abit agaikesik apumeke laberek werek. Atì'nogo laberek mene atì, at Karìsùt inom hùnetenem enek he, inetaùken apumeke laberek mene atì elok hukalagarek atì.

LAKSASIKE 17:24

Ala nenat he, o kweang yoma walhìgìk, yì mene tì mene obogat walhìgìk, isikesik he, pogot kweang esewerek kain welagarek atì. Ma re, tùgì hareken awì apùnì ineki nen wùtarek mene atoma a'la at Ala logousak mea o.

YOHANET 11:41

it en helep a'nogo lekalogo lakhesukwama re, Yesùt eileken pogot oba lìakhìlìk he, mel isike: “Ala nopase. An nane hasuk holhen atì nen he, hai wathapì lagì o.

LUKAT 22:42

mel isike: “Nopase e! Hat en hano akegen halok he, an weaga'nabugun mene atì telnabino,” ìlùk u hak, “Eken amusu hinago noagalùk wo'nesugun atì, hat en an noba nen wokhano. Mene re, an na'la akìkì lagì mene atì lek o. We, hat ha'la akegen mene atìat haga'nabino o,” ìlùk yogosikomo, [

LUKAT 23:34

Atì'nogo menhisasukwama logolìk, at Yesùt en Ala mel yogosike: “Nopase e! It yì inokot logolìk haga'nabì'lùgì yì re, ùkùm inoba hìgì'lek sagalogo heraksano o,” ìlùk yogosike. Nen, it ap tentara mene amanogo nen he, atì'nogo menhisìlìk, “At Yesùt asu nokolek amanogo sanì hak asugun,” ìlùk he, oageke lakhìgìk, wakhìgìk, isukwasik, oageke inoba agaike mene hùgì sùpùrogo helasukwa.

YOHANET 12:27

At Yesùt en wene atì'nogo yogoisasikaeik he, sapan aike mel isike: “Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase.

YOHANET 12:28

Halok he, nopase, hat hetage esinethakan o,” ìlùk yogotenem he, pogot oba nen ane ìkì logolìk, mel isike: “Arat esinethakìgìrìk he, hobuk esinethakegeinat o,” ìlùk yogotenem,

1 KORÌTÙT 2:10

Hinike mene atì, at Ala Areagùn nen yì mene tì mene peneterek atì nen, Ala a'la hinago welagarek mene atì inomat penetì logolìk, hukalogo yogonisasike o.