MATÌÙT 11:20 - Ala Ane Wene Ket Mene Warogo Wo'ninapike Wene

²⁰ Atì'nogo yogoisasikesik he, apùnì inawì sili lopok at en hagasusak lek mene elalinat hagatenem ineileken hìkì lagaukwa meneat he, ina'la hùthìgì'lek logolìk, yì weak tì weak hagatì lagaukwa mene hebisìgì'lek welagaukwa mene wenagisìkì logolìk he, mel yogoisasike:

MATÌÙT 11:20 ပူးပေါင်းရင်းမြစ်များ

ABÌKAKAN 2:21

At he atì, pailak hakhouagalùk hagarì'logo mene atì heraksìlìk oabùt hebelasuagalùk serogo welagì mene re, at hagarì'logo mene atì, heraksìlìk oabùt hebelasusak he, abìt o.

ABÌKAKAN 16:11

inoabùt inesogat logolìk weak hagatì lagaika mene heraksìlìk, inoabùt hebelagì'lek logolìk, it en he, “Ala ebe nìkìna'lep he,” ìlùk Ala pogot oba mene etage weagatoat welagaika isìgì.

ABÌKAKAN 16:9

Atì'nogo aik en halì negen inoba hùkorogo nikenem heinet watì logolìk, Ala a'mage inoba hìlìk weagarinabusak higit hogoat weagarinapì laga meneat he, at ebe hogorasuogolùk weak hagatì lagaika mene heraksìlìk, inoabùt hebelagì'lek logolìk, it en he, “Ala ebe nìkìna'lep e,” ìlùk, etage weagatoat welagaika isìgì.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

MAREKÙT 16:14

Atì'nogo hagarìk waga lagaikesik, ebe hobuk he, it at Yesùt agoromì inebeo 11 nen amanogo hùrek sùpùrùk niko were'ma, “Ineileken neoak,” ìlùk inoba kisikesik inelokoma melagaikesik mel yogoisasike: “Hit yoma hina'la nen he, eberogoat ìlùk akìgì'lek hina'la pùgat yoma rì! Ala nen an nebe arat nelugu'napomo were'ma, it aike nen ineileken neegasik yogohisa wagaika meneat he, hina'la nen eberogoat ìlùk akìgì'legat yoma rì!” ìlùk wenagisasike.

MAREKÙT 9:19

Yogosikomo re, at en it apùnì amamogo mel yogoisasike: “Hit apùnì o yogotak welagep mene yì re, hinetaùken noba hìpìrethìgì'lek welagep yì rì! An nepe morogo neki mìren oba ninom logogun nogo. Yekerek arì an noba wolok we'ni o,” ìlùk yogoisasikomo oba wolok wagaukwa.

MATÌÙT 12:41

At Yùnùt atì nen it apùnì o Niniwe mene atoma Ala ane yogoisìkì lagaikomo re, inoabùt hebelarìk, yì weak tì weak hagatì lagaukwa mene heraksasukwa o. Mene re, at Yùnùt atì etage lek negen. We, an yoma welagì yì nek he, esinat nogo nen he, o elùgùn oba Ala nen apùnì ùkùm inoba hìgìk, kotìk, igin atì sat he, apùnì o Niniwe mene atoma inebe melarìk, hit apùnì o yogotak welagep mene yì mel yogohisogoin: Hit weak, hinekalì, ìlùk yogohisogoin o.

2 KORÌTÙT 12:21

Atì'nogo hagatenem, an waganem he, nopase Ala nen hit hinoabùt hagatì lagep atì hesik hit hineilhanem nekalì warogo nebe horothanusak atì nayùk. It apùnì hit mene aike logolegat en hìmì inagonì werek mene, ap inagagwì werek mene nen pailak haksìgìk, he salisik, ap salisik en pailak haksìgìk, inekalì lek weak motok hagatìk, o hageat en hagatarek mene heraksìlìk inoabùt hebelagì'lek motok welagaikarek atì hesik, le asi wesi nogo ìlùk nalabut hìrìk welagì o.