MATÌÙT 11:2 - Ala Ane Wene Ket Mene Warogo Wo'ninapike Wene

² At Yohanet ima pelaginapì lagaike mene a'nogo eki hele warek were'ma, apùnì nen he, “Karìsùt tì'nogo hagarì'logo,” ìlùk ikenem asuk holhikesik he, at agoromì ane wanhì lagaukwa mene Yesùt oba hinok wanuagalùk laksa wagaike.

MATÌÙT 11:2 ပူးပေါင်းရင်းမြစ်များ

MAREKÙT 6:17

Atì'nogo isike atì re, hageat at Herotet en agot Pilipùt agwe etage Herotiat atì wanhikomo re, at Yohanet en he, mel yogotì lagaike: “Hat en hagot agwe wanusak le'ma wanhen atì waganek logousak mea o,” ìlùk, hobugalep ekalì warogo yogotì lagaike atì nen, at en ap inayoko hesikomo Yohanet ebe hakhei lagaukwasik wolok wagaukwasik he, eki hele warogo o ineki hele warogo hisagarek oba kelakhesukwa.

MATÌÙT 14:3

At Herotet en Yohanet hageat wasike atì re, wene yì'nogo. At kain Herotet en he, agot Pilipùt agwe Herotìa atì telogo wanhike atì nen, at Yohanet en he, Herotet mel yogosike: “He Herotìa wanusak le'ma wanhen atì, waganek logousak mea o,” ìlùk yogosike atì nen he, Yohanet ebe eki hele warogo re, o eki hele warogo hisagarek oba kelakhesikesik wasigìlùk isike meneat he, it apùnì nen he, “Yohanet atì Ala ane yogoisikerek mene,” ìlùk egaresi'mo re, wasu ayùk agaike.

MATÌÙT 4:12

“At Yohanet a'nogo eki hele watama,” ìlùk isukwama, at Yesùt esuk holhìkesik he, o Kalilea tokwe lagai wagaike.

MATÌÙT 9:14

Atì'nogo yogoisasikesik oba nen he, it Yohanet agoromì ane wanhì lagaukwa mene Yesùt oba wagaukwasik he, mel yogosukwa: “Nit mel, it ap Parisi mene mel, sapan ninhùp-nanhùp uogolùk, sùpùrùk nìkì'lek welagorek meneat he, it ap hat hane wìlì'lùgì mene yoma nek he, atì'nogo hagarì'lùgì lek atì nahalok,” ìlùk yogosukwa.

YOHANET 4:1

Atì'nogo hagatì lagaukwama, it apùnì nen he, mel isukwa: “It apùnì inebe hamùlùlgat negen Yohanet agoromì asuogolùk awe a'ma waganem ima pelaginabì'logo meneat he, it aike inebe apigat Yesùt agoromì asuogolùk awe a'ma waganem ima pelaginabì'logo,” ìlùk ikenem, at Yesùt en he, “Wene ati, it ap Parisi mene inasuk holha hìgì,” ìlùk elu agaike.

LUKAT 3:19

Inasuk atì'nogo warìk nìkì logolìk he, at kain etagepogot Herotet atì nen agot agwe Herotia atì eki abusak wanhìk, weak tì weak apik hagatìk, hagarìk nìkì lagaike mene hesik, at inomat asuk wasikomo re,

MATÌÙT 1:17

Atì'nogo taginabìk wagaukwa atì re, ap Aberaham ta'lagike hùlì nen he, ap Taùt ta'lagaike atì hùlì ba inapu inopalak inebe 14 hùlì nen taginabìk wagaukwa. Nen, Taùt ta'lagaike hùlì nen he, apùnì Yahurì mene wogisek o Pabel lagaukwa atì hùlì ba inapu inopalak 14 hùlì nen hobuk taginabìk wagaukwaat. Nen, ap Yahurì mene o Pabel wogisek lagaukwa hùlì nen he, Karìsùt ta'lagaike atì ba, inebe 14 hùlì nen hobuk taginabìk wagaukwaat atì.

LUKAT 9:7

Atì'nogo hagarìk nìkì lagaukwama, at Herotet o Kalilea tokwe kain etagepogot welagaike mene atì, wene atì obogat asuk holhìke. It apùnì aike nen he: “Yohanet watama wa'laga a'nogo eluk agasik niko atì,” ìlùk ìkì lagaukwa.