MATÌÙT 11:18 - Ala Ane Wene Ket Mene Warogo Wo'ninapike Wene

¹⁸ At Yohanet atì sùpùrùk mel, anggur eken amusu mel nìkì'lek herakhìlìk welaga atì hesik, it apùnì nen he, At atì mokareke oabùt weak mene a'la kikesik werek o, ìlùk ìlì'lùgì.

MATÌÙT 11:18 ပူးပေါင်းရင်းမြစ်များ

MATÌÙT 3:4

Wagaikesik, leimo apùnì le'ma atoma logolìk, wam unta esi mene ìkogo re, asu laberìgìk, ogat mene nokologo agauak hagarogo re, pagaluk ìkìgik, ìkì logolìk sùpùrùk na hak he, pulue mene nìkìk, kin amusu ekama mene nìkìk, ìkì lagaike.

YOHANET 10:20

Atì'nogo mìkìlhukwasik, it inebe hùkokwe nen he, mel isukwa: “At yì mokareke oabùt weak mene a'la kikesik ebe sìnì'nùk agasik wene iko kolegat he, hit at ane holhì lagep atì nenahalok,” ìlùk isukwa.

YOHANET 8:48

At Yesùt en wene atì'nogo yogoisasikomo, it ap Yahuri mene amanogo nen he, mel yogosukwa: “Hat hebe ap Samaria mene yì rì! Mokareke oabùt weak mene ha'la kikesik werek o, ìlùk ìkì lago a'nogo eberogoat yogohetì lago hìgì,” ìlùk yogotì lagaukwama re,

YOHANET 7:20

it apùnì apik amanogo nen he, mel yogosukwa: “A! Hat mokareke oabùt weak mene ha'la kikesik sìnì'nùk agatik ìkì lagen a? Sa nen hoasigìlùk ìlì'logo nen ìkì lagen,” ìlùk yogosukwama,

MATÌÙT 10:25

Mene re, it yekerùgì atì inopase guru atì inom higit haga'lagìk, nen, it inatitigeke mene atì inopaselak inom higit haga'lagìk, umo re, higirat o. It apùnì inoe o esewerek mene atì weak ìlùk etage Peelsepùl iko halok, it at agoromì inom omakìma mene atì, atì'nogoat inetage weak hùkoat ìkì logogun o,” ìlùk yogoisasike.

1 KORÌTÙT 9:27

It apùnì aike hano asuagalùk hano wene yogoisìlìk nìkì lagì meneat he, nokawerek herakhanumo nong asinogo ìlùk, nokawerek en nebe wara hak, netaùken ning hogo sebelìgìk, apùnì inawe a'ma logolìk inane hologo welagaikarek hak, an nebe nane awe a'ma logoigìlùk nasuk warìgìk, ìkì lagì o.

LAKSASIKE 26:24

At Paùlùt ebe elelerogo wene atì'nogo isikesik aike igin ha'ma re, at Pesetùt en ane hùkorogoat he, “Paùlùt. Lùgùlùgì palhen hìgì. Hat en yì wene tì wene logolegat yakùlhì lagen atì nen lùgùlùgì paluagalùk hagathapomo hìgì,” ìlùk yogosike.

MATÌÙT 9:34

Atì'nogo hogorasukwa meneat he, it ap Parisi mene amanogo nen he, mel isukwa: “At Yesùt en Ibilit agoromì inoe kain a'nogo omame ba mokareke oabùt weak mene apùnì ina'la kìlìk were'ma henogo wulaksìlì'logo,” ìlùk isukwa.

MATÌÙT 11:17

Nit etawì wathikùogolùk elùgùn wulapo meneat he, hit en hunike lagì'lek. Nen, le asuogolùk, le wùnì elùgùn wulapo meneat he, hit en le ebe agì'lek, ìlùk egarek a'nogo hagat hagarì'lùgì o.

MAREKÙT 3:22

It waga kolek, it ap Ala ane helal waganek esewerek mene o Yerusalem en lagai wìrìk he, mel isukwa: “Peelsepùl mokareke inoabùt weak mene inoe kain a'nogo Yesùt oba louksek werek o. Atì'nogo were'ma nogo nen he, at omame ba mokareke at agoromì negen inoabùt weak mene apùnì ina'la kìlìk were'ma henogo wulaksìlì'logo o,” ìlùk isukwa.

YOHANET 8:52

it up Yahuri mene amanogo nen he, mel yogosukwa: “Ap Aberaham mel, up Ala ane yogoisìkì lagaukwa mane amanogo mel, arat wa'larìk lagaukwa meneat he, hat en ìkì logolìk, Sa nen an nane hologo hagatì logogin halok, wa'lagì'lek eluk motok logogin o, ìlùk egen atì nen he, mokareke oabùt weak mane eberogoat ha'la kikesik werek, ìlùk, hùthagago o.