Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATÌÙT 11:11 - Ala Ane Wene Ket Mene Warogo Wo'ninapike Wene

11 Halok he, an nane eberogoat yogohisak. Apùnì obogat inagosalaken taginabìk wagaukwa meneat he, inetage lek enek o. Meneat he, at Yohanet ima pelaginaperek mene atì nek he, etagewerek o. Atì'nogo meneat he, at Ala awe a'ma hisikere'ma atoma, at Yohanet etage lek negen meneat he, it apùnì aike inetage lek mene atì, inetagewerek negeat o.

အခန်းကိုကြည့်ပါ။ ကော်ပီ




MATÌÙT 11:11
31 ပူးပေါင်းရင်းမြစ်များ  

Halok he, an nen wene aike yì yogohisak. Apùnì obogat inagosalak en taginabìk wagaukwa meneat he, inetage lek enek. Meneat he, Yohanet atì nek he, etagewerek o. Meneat he, Ala awe a'ma hisikere'ma atoma, at Yohanet etage lek negen meneat he, it apùnì aike inetage lek mene atì inetagewerek negenat o,” ìlùk yogoisasike.


Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.


Wene at ebe hesik Yohanet en mel yogoisasike: “An nopolik hobuk ap aike wesigin, ìlùk abok yogohisìgìrek a'nogo re, ebe yìat o. At yì hobuk an nopolik waga meneat he, ebe an oan ta'lagì'lek werek kolek, at alebat welagaike atì nen he, an nebe maben o. Kain he, arat o,” ìlùk, ane hùkorogo yogoisasike.


Halok he, sa nen Ala nen isike wene hamùlùk mene omakeat halok sebelogo hìlìk, it aike nen atì'nogo hagatì logouagalùk yakùlisike halok he, Ala awe a'ma hisikere'ma atoma, at atì etage yekerùgì negen ina'la meathìkì logogun o. Mene re, sa nen Ala ane atì higit hogo hagatì logolìk, it apùnì aike nen atì'nogoat hagatì logouagalùk yakùlisìkì logogin halok he, Ala awe a'ma hisikere'ma atoma, at atì etage weregat were'ma esinethìkì logogun o.


Atì'nogo yogoisasikesik aike mel yogoisasike: “Hit weak hagatì lagep mene heraksìlìk hinepe eberogoat hebelaga ìlùk, an nebe yekerek nomame lek mene nen we ima pelakhinapì lagì. Mene re, at kain omame apik mene hobuk wesigin o. At ebe kain omame apik atì nen he, an nebe yekerek mene nen esok agùt yelik mene wolok lasak meaat. At en ima pelakhinabu hak, Ala Areagùn inom, etu inom, hinoba pelakhei wesigin o.


it amanogo wene mel yogoisasike: “Hit hinekele'ma yoma at etage lek maben mene atìat ebe kain etagewerek asigin atì nen he, sa nen yekerek yì an hesik wanhe halok he, anat wo'nabigin o. Nen, sa nen an wo'napo halok he, at lakhani wagaike mene a'nogoat wanigin o,” ìlùk yogoisasike.


Ninebe hano'ninabigin wene atì re, alep it ap Ala ane yogoisìkì lagaukwa mene amanogo nen wene atì hesigat heratìk, hinok wanhìk, ìkì lagaukwa. Atì'nogo heratì logolìk, Ala oabùt hano a'nogo nen, “Hano hagarinapì logogin,” ìlùk ebe hit hano hagathinabì'logo atì hesigat oan werek kolek yogoisìkì lagaukwa atì.


Nit Yesùt en ninayoko hìlìk lakhinasike mene aike inetagewerek meneat he, an enek he, netage lek o. An nen Ala againapùrì atogotarek mene yì aik tì aik hagarinapì lagagi atì nen, an nen, “Nebe Yesùt en nayoko hìlìk lakhani wagaike mene,” ìlùk, usak he, mea o.


Ùkùm atì'nogo mene hinoba aga halok he, pìlìngìthìlìk ùkùm hinoba hìgìk, kotìk, uagalùk sanì inayoko hìkì lagep. Nit Ala againapùrì nen he, “It atì inoabùt weak,” ìlùk ogorek mene atì inayoko hìkì lagep a?


Atoma were'ma, apùnì apigat at oba wagaukwasik he, mel isukwa: “At Yohanet en elalin mene aike hagatì lagaike motok lek meneat he, at en ap yì abok ìkì lagaike a'nogo ane ebe nek agaike,” ìlùk isukwasik he,


Ap atì etagewerek asusak obaat etagewerek agìk, an netage lek asusak obaat, netage lek agìk, igin o,” ìlùk yogoisasike.


At Yohanet atì ebe re, esage kìalogo hikenem yararathikerek hak were'ma, hit en he, Esage yarogo ninoba hìkì logouak, ìlùk, elama hesigat hina'la hai hakìkì lagagip atì,


At atì ebe hobuk an nopolik waga meneat he, at ebe kain. An nebe yekerek atì nen he, at esok agùt hele homago mene atì, an nen hikalusak mea o,” ìlùk yogoisasike.


wene atì'nogo yogoisasike atì re, apùnì inetaùken at oba hìpìrethagarek mene hùgì inebe lopok Ala Areagùn wogisegein, ìlùk abok isike meneat he, atem sat, at Yesùt ebe hogorato kolek lagasike a'nogo oan lagagì'lek nogo nen he, Ala Areagùn oan pelabi wagì'lek werek kolek isike.


Alep nit obogat it hagarì'lùgì hagat hagatì lagagu. Ninoabùt apùnì inoabùt inesogat logolìk hagatarek hak hagatì logolìk, ninoba aiyage lagaikenem weak hagatìk, nina'la akalùk weak hagatìk, ìkì lagagu. Atem sat he, apùnì inoabùt inesogat logolìk hagatarek mene ninom higirat were'ma, Ala a'mage lagalìk he, weaga'ninabigìlùk welagaike.


Atì'nogo akasike mene hinago were'ma, hobuk Karìsùt Yessut telninapùkwe ebe weinam agaike atì ba enagat agaike atì. At ane hano wene atì ba, wa'lagwì ero atì mabenetsìgìk, wa'lagì'lek nineluk motok logogun mene atì, weinamethìgìk, isike.


Atì'nogo hagasukwasik oba nen he, at Yohanet ima pegalinapì lagaike mene a'nogo, o Yurea leimo apùnì le'ma atoma wagaikesik wene yakùlisìkì logolìk, yì'nogo ìkì lagaike:


At Ala nen mel isike: Naput e. Hat hobuk kwe legeinkwe, hakwe ebela yakhagakì logouagalùk, ap aike ayoko hìlìk alebagìk lakhegein, ìlùk isikomo helal waganogo hesukwa atì ebe re, at Yohanet hesigat isike.


At Yohanet ima pelaginapì laga atì hùlì nen he, yogotak ya hùlì, it inoabùt weak asialoksek mene nen, ninopase Ala nen awe a'ma hisikerek a'nogo inabìt en mabenetsùogolùk inomamerogo walhìlì'lùgì.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ