MATÌÙT 11:10 - Ala Ane Wene Ket Mene Warogo Wo'ninapike Wene

¹⁰ At Ala nen mel isike: Naput e. Hat hobuk kwe legeinkwe, hakwe ebela yakhagakì logouagalùk, ap aike ayoko hìlìk alebagìk lakhegein, ìlùk isikomo helal waganogo hesukwa atì ebe re, at Yohanet hesigat isike.

MATÌÙT 11:10 ပူးပေါင်းရင်းမြစ်များ

MATÌÙT 11:11

Halok he, an nane eberogoat yogohisak. Apùnì obogat inagosalaken taginabìk wagaukwa meneat he, inetage lek enek o. Meneat he, at Yohanet ima pelaginaperek mene atì nek he, etagewerek o. Atì'nogo meneat he, at Ala awe a'ma hisikere'ma atoma, at Yohanet etage lek negen meneat he, it apùnì aike inetage lek mene atì, inetagewerek negeat o.

MATÌÙT 11:3

Laksa wagaikomo wagaukwasik he, “Ap aike wesigin ìlùk ìkì lagaukwa a'nogo re, harat a? Ì a, at he, hùnogoat mene aike serogo logogun a?” ìlùk gosukwama re,

MATÌÙT 3:3

Atì ìkì lagaike atì re, at Yesaya Ala ane yogoisìkì lagaike mene a'nogo nen yogoisìkì logolìk he, “Ap aike o leimo apùnì le'ma atoma ane wai ìkì logolìk he, Eiga! Ninoe Etagepogot wesiginkwe, kwe hanorogo tegelhìk, kolo mene higit hogo yatìk, ìkì logoni o, ìlùk waisìlì'logo,” ìlùk Yesaya nen ìkì lagaike a'nogo, at Yohanet ebeat wagaike atì.

MAREKÙT 1:2

Wene atì re, ero ba re, at Yesaya Ala ane yogoisìkì lagaike mene a'nogo nen helal waganogo hesike hagat haga'lagaike. Atì'nogo helal wanhì logolìk mel isike: “At Ala nen he, Naput e. Hat hobuk kwe legeinkwe, hakwe yakhagakì logouagalùk ap aike ayoko hìlìk alebagìk lakhìgìma o.

LUKAT 1:76

Nen, hat naput yì nen, ninoe Etagepogot wesiginkwe yatì logouagalùk, hat ebalebagìk yoko laga logolìk apùnì yì weak tì weak hagarì'lùgì mene Ala nen ùkùm inoba mene sagalogo legetsìlìk telinabigin atì wene hat en yakùlisamo inelu asigin atì ba, hat habok ìkì logolìk, Esin welagarek mene ane yogoisìlìk niko a'nogo ebe yì, ìlùk ìkì logogun.

YOHANET 1:23

Atì'nogo yogosukwama re, at Yohanet en he, mel yogoisasike: “At Yesaya Ala ane yogoisìkì lagaike mene a'nogo nen, mel isike: Ap aike o leimo apùnì le'ma atoma ane wai ìkì logolìk he, Ninoe Etagepogot wesiginkwe hanorogo yatì logoni o, ìlùk, ìkì logogin, ìlùkisikomo helal waganek werek a'nogo re, nebe anat o,” ìlùk yogoisasike.