MATÌÙT 10:41 - Ala Ane Wene Ket Mene Warogo Wo'ninapike Wene

⁴¹ Nen, sa nen, Ap yì Ala ane yogoisikerek mene, ìlùk ebe wanigin halok he, it ap Ala ane yogoisagarek mene oko helagarek higit hogoat helegein o. Nen, Ap yì higit hogo hagaterek mene, ìlùk ebe wanigin halok he, it higit hogo hagatarek mene oko helagarek hagat helegeinat o.

MATÌÙT 10:41 ပူးပေါင်းရင်းမြစ်များ

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

2 YOHANET 1:8

Nen, nit en hit hagathikìkì lagagu a'nogo hesik, hit aike oko wanhì'lek nong asinogo ìlùk, obogat wanuageip en he, hinoabùt hebelogo logoino. Logolìk he, Ala nen, “Hit oko wokhisegein,” ìlùk wene wa'nisasike a'nogo, hit aike nong agì'lek obogat heloageip en he, hinomamerogo hagatì logoino o.

1 KORÌTÙT 9:17

An atì'nogo yogoisìlìk nìkì lagì atì, an na'la nen kagalogo yogoisìlìk nìkì logoilema re, neki oko wo'netenem, wanhì logoile o. Mene re, an na'la nen kagalhì'lek were'ma, Ala nen nayoko hìlìk esewerek hanhike atì nen oko lek yogoisìlìk nìgìrek atì.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

ÙRÙM 16:23

At Kayùt en an nebe wo'napìk, Ala againapùrì obogat at aua atogotì logouak en woginapìk, ike mene atì nen hai wathinapeat o. At Erasìtùt o kota yoma hesik uang hisikenem hesogo welagarek mene atì nen hai wathinapeat o. Nen, ninagaiyak Kawarìtùt en hai wathinapeat o. [

MATÌÙT 6:6

Meneat he, hit sapan uogolùk halok he, hinaua kwe yagarogo kìlìk, hinopase Ala pogot oba mene ebe ineileken hagarek lek mene a'nogo nen wokhisoagalùk kìno yogotì logoino. Hit en hinagasogo kìno yogosugun mene atì, at eileken hinago mene hikeresi'mo nogo nen he, wokhisegein o.

LAKSASIKE 16:15

Wene atì'nogo wanhikomo re, at ebe mel, it apùnì at aua omakìma welagaukwa mene mel, ima pelaginapukwa. Pelaginapukwama, at Lìrìa nen he, “An hesik hit hina'la nen, At etaùken ninoe Etagepogot oba eberogoat hìpìrethike hìgì, ìlùk hina'la akegep halok he, an ninom logouok en, ninom lùok o,” ìlùk ane keirogo yogonisasikomo re, ninom lagagu.

MATÌÙT 6:4

Hinagasogo wogisamo re, hinopase Ala pogot oba mene apùnì hinagasogo hagatarek mene eileken isikerek atì nen oko wokhisegein o,” ìlùk yogoisasike.

MATÌÙT 6:1

Atì'nogo yogoisasikesik he, aike mel yogoisasike: “Ala nen, Tì'nogo hagatì logoino, ìlùk isikomo, hit en higit hogo hagatì lagep mene atì, apùnì nen ineileken hisìkì logouagalùk sele'ma hagatì logogùp o. Ineileken hisìkì logouagalùk hagatep halok he, hinopase pogot oba mene oko wokhisegein motok lek o. Hit ina'la ebe'ni!

MATÌÙT 25:44

Atì'nogo yogoisikenem, it en he, Eige! Noe! Hat sùpùrùk nele were'ma, i nele were'ma, ap pogat were'ma, hasu laberek lek were'ma, ou warek were'ma, heki hele warek were'ma, o mera nen lebethììgì'lek kamo ìkì lagagu nogo, ìlùk, yogonetenem,

MATÌÙT 25:45

an nen he, Hit en apùnì aike inetage lek mene halolotsìkì lagagip atì re, anat halolothanhì lagagip o, ìlùk yogoisìlìk he,