MATÌÙT 10:25 - Ala Ane Wene Ket Mene Warogo Wo'ninapike Wene

²⁵ Mene re, it yekerùgì atì inopase guru atì inom higit haga'lagìk, nen, it inatitigeke mene atì inopaselak inom higit haga'lagìk, umo re, higirat o. It apùnì inoe o esewerek mene atì weak ìlùk etage Peelsepùl iko halok, it at agoromì inom omakìma mene atì, atì'nogoat inetage weak hùkoat ìkì logogun o,” ìlùk yogoisasike.

MATÌÙT 10:25 ပူးပေါင်းရင်းမြစ်များ

LUKAT 11:15

Atì'nogo hogorasukwa meneat he, it aike nen, mel isukwa: “At Yesùt atì mokareke inoabùt weak mene inoe kain etage Peelsepùl a'nogo omame ba mokareke at agoromì negen inoabùt weak mene apùnì ina'la kìlìk were'ma henogo wulaksìlì'logo,” ìlùk ikenem,

MATÌÙT 12:24

Atì'nogo ikenem, it ap Parisi mene amanogo inasuk holhukwasik he, mel isukwa: “Ap yì mokareke oabùt weak mene inoe kain etage Peelsepùl a'nogoat at oba louksek were'ma nogo nen he, mokareke at agoromì negen inoabùt weak mene apùnì ina'la kìlìk were'ma henogo wulaksìlì'logo,” ìlùk ikenem he,

MATÌÙT 9:34

Atì'nogo hogorasukwa meneat he, it ap Parisi mene amanogo nen he, mel isukwa: “At Yesùt en Ibilit agoromì inoe kain a'nogo omame ba mokareke oabùt weak mene apùnì ina'la kìlìk were'ma henogo wulaksìlì'logo,” ìlùk isukwa.

YOHANET 7:20

it apùnì apik amanogo nen he, mel yogosukwa: “A! Hat mokareke oabùt weak mene ha'la kikesik sìnì'nùk agatik ìkì lagen a? Sa nen hoasigìlùk ìlì'logo nen ìkì lagen,” ìlùk yogosukwama,

MAREKÙT 3:22

It waga kolek, it ap Ala ane helal waganek esewerek mene o Yerusalem en lagai wìrìk he, mel isukwa: “Peelsepùl mokareke inoabùt weak mene inoe kain a'nogo Yesùt oba louksek werek o. Atì'nogo were'ma nogo nen he, at omame ba mokareke at agoromì negen inoabùt weak mene apùnì ina'la kìlìk were'ma henogo wulaksìlì'logo o,” ìlùk isukwa.

YOHANET 8:48

At Yesùt en wene atì'nogo yogoisasikomo, it ap Yahuri mene amanogo nen he, mel yogosukwa: “Hat hebe ap Samaria mene yì rì! Mokareke oabùt weak mene ha'la kikesik werek o, ìlùk ìkì lago a'nogo eberogoat yogohetì lago hìgì,” ìlùk yogotì lagaukwama re,

YOHANET 10:20

Atì'nogo mìkìlhukwasik, it inebe hùkokwe nen he, mel isukwa: “At yì mokareke oabùt weak mene a'la kikesik ebe sìnì'nùk agasik wene iko kolegat he, hit at ane holhì lagep atì nenahalok,” ìlùk isukwa.

YOHANET 8:52

it up Yahuri mene amanogo nen he, mel yogosukwa: “Ap Aberaham mel, up Ala ane yogoisìkì lagaukwa mane amanogo mel, arat wa'larìk lagaukwa meneat he, hat en ìkì logolìk, Sa nen an nane hologo hagatì logogin halok, wa'lagì'lek eluk motok logogin o, ìlùk egen atì nen he, mokareke oabùt weak mane eberogoat ha'la kikesik werek, ìlùk, hùthagago o.

MATÌÙT 12:27

An nen Peelsepùl atì omame ba, at agoromì inoabùt weak mene apùnì ina'la kìlìk were'ma henogo wulaksìkì lagì halok he, hit hinagoromì nen mokareke inoabùt weak mene it aike ina'la kìlìk were'ma henogo wulaksìlì'lùgì atì, sa omame ba henogo wulaksìlì'lùgì akegep. Hinagoromì nen atì'nogo hagarì'lùgì atì ba, it en he, Wene at Yesùt hesik egep atì re, kolo egep o, ìlùk ùkùm hinoba hou hak hagarì'lùgì o.

LUKAT 11:18

Mene re, hit en an yogonetì logolìk he, Mokareke inoabùt weak mene inoe etage Peelsepùl atì hoba louksek were'ma at omame ba mokareke oabùt weak mene aike apùnì ina'la kìlìk were'ma henogo wulaksìkì lagen, ìlùk yogonetì lagep atì, at Ibilit atì okawerek agoromì inom hùlìthakìlìk inom weak a'lepma re, at agoromì hagisek welagarek mene nìkì'nogo omame logoilep. Mea o.

LUKAT 11:19

Ati hak, an nen mokareke inoabùt weak mene inoe etage Peelsepùl atì omame ba mokareke inoabùt weak mene aike apùnì aike ina'la kìlìk were'ma henogo wulaksìkì lagì halok he, hit hinagoromì nen sa omame ba mokareke henogo wulaksìlì'lùgì akegep. Hinagoromì nen atì'nogo hagarì'lùgì atì ba, it en he, Wene at Yesùt hesik egep atì re, kolo egep o, ìlùk ùkùm hinoba hou hak hagarì'lùgì o.

MAREKÙT 10:39

it en he: “Elok nasagat o,” ìlùk yogosukwama, at en he, mel yogoisasike: “An yì aik tì aik haga'nabugun atì hak, hit atì'nogoat hagathinabugun o. Nen, ima pelaginaparek hak, an pelakhanugun atì re, hit atì'nogoat pelakhikogoinat o.