MATÌÙT 10:23 - Ala Ane Wene Ket Mene Warogo Wo'ninapike Wene

²³ O sili aike nen weagathinabuogolùk iko halok he, hese o sili aike lano. It apùnì Isirael mene inawi sili he'nakìt oan wene yogoisìgì'lek werek kolegat he, an abat ta'lasi wagagi a'nogo hobuk wesigin o, ìlùk, nane eberogoat yogohisìgì.

MATÌÙT 10:23 ပူးပေါင်းရင်းမြစ်များ

MATÌÙT 16:28

Nen, hit metek welagep yoma mene aike wa'lagì'lek logolìk, an abat ta'lasi wagagi a'nogo kain Netagepogot logoìgìlùk apùnì obogat nawe a'ma hisa waganem hineileken neogoinat o, ìlùk eberogoat yogohisìgì,” ìlùk yogoisasike.

LAKSASIKE 17:10

Atì'nogo wulaksasukwama, o hi isikomo re, it Ala againapùrì nen Paùlùt Silat eperak o Perea laksa wagaukwa. Laksa wagaukwama wìrìk he, o apùnì Yahuri mene sapan ìkì lagaukwa ba kisukwa.

LAKSASIKE 8:1

At Sitepanùt ebe motogat wasukwa atì, at Saùlùt a'la nen hano akasike. At Sitepanùt ebe wasukwa atì likeat he, it Ala againapùrì o Yerusalem atogotì lagaukwa mene inebe yì aik tì aik weak hogo hagarinapo kolek be, it ap Yesùt en inebe weteberogo inayoko ìlìk laksasike mene amanogo nek, o Yerusalem werek kolek he, Ala againapùrì aike inebe hùkokwe obogat pùgùlogo re, o propinsi Yurea Samaria ya ta atoma mùk hogo wulaksasukwa.

MAREKÙT 13:26

Ati sat he, an abat ta'lasi wagagi a'nogo nomamerogoat ohena a'la pi waganem he, apùnì ineileken nììlìk, apik hogo'nabugun o.

LUKAT 21:27

Atì sat he, an abat ta'lasi wagagi a'nogo nomamerogo ohena a'la pi waganem, ineileken nììlìk apik hogo'nabugun o.

LUKAT 18:8

Lek o. Hepok-hepok elele woginabigin o, ìlùk eberogoat yogohisìgì. Atì'nogo hagarinabigin meneat he, an abat ta'lasi wagagi a'nogo hobuk wesipik he, apùnì kweangma mene yoma aike inetaùken noba hìpìrìk were'ma isa wesigin a? Lek he a,” ìlùk yogoisasike.

YOHANET 7:1

Wene atì'nogo arat yogoisalùk he, it ap kaintek Yahuri mene nen, Yesùt ebe wasuogolùk weim abok ìkì lagaukwa atì nen he, at ebe o Yurea pìlìk nìkì logou abìt en he, a Kalilea tokwe atoma nìkì lagaike.

MATÌÙT 26:64

at Yesùt en he, “Hat en egen atìat o. Mene, wene yì an nen hit obogat yogohisak. Hùlì yogotak en he, an abat ta'lasi wagagi a'nogo, at Ala omame apik yì mene tì mene hagasusak enak a'nogo neperak era'lu eki ebekwe kainat logopik he, hobuk pogot oba atoma nen ohena a'la pi waganem hineileken neogoin o, ìlùk yogohisìgì,” ìlùk yogosikomo,

MATÌÙT 24:30

Atì'nogo hagato kolek, an abat ta'lasi wagagi a'nogo arat wesigin ìlùk, apùnì inetaùken wekelogo hùthùgùkwe pogot oba aike haga'larìk oba nen, apùnì inùkùl etage lopok le aga kolek nomamerogoat ohena a'la pi waganem, ineileken nììlìk apik hogo'nabugun o.

LAKSASIKE 17:14

Atì'nogo isukwama, Silat Timotìùt eperak, o atoma kamo iko kolek, it Ala againapùrì amanogo nen, Paùlùt enek, “Hepok lanok,” ìlùk wolok i laut hùko yekelek aik oba wagaukwa.

MATÌÙT 25:13

Yesùt en atì'nogo yogoisasikesik he, “Atì hak, an wesigin atì, hit en, O tì sat, jam tì ba wesigin, ìlùk, hinokot atì nen he, se'narek logolìk hinepe hebelogo logoino o,” ìlùk yogoisasike,

MATÌÙT 24:48

Meneat he, at atitigeke mene atì, oabùt weak halok he, a'la nen he, Noe a'nogo hepok wìrì'logo lek. Logopik en wesigin hìgì, ìlùk,

MATÌÙT 24:27

Atì re, an abat ta'lasi wagagi a'nogo, wesigin he, o eilabùt o mo lìabi wagarek a'loma nen omake hesik yegelogo, o mo kikerek higit lakhei wagarek atì hak wesigin o,” ìlùk atì'nogo yogoisasikesik he,

MATÌÙT 23:34

Halok hinasuk hanorogo holini. An nen ap Ala ane yogoisagarek mene mel, ina'la kagalek mene mel, Ala ane helal waganek esewerek mene mel, laksa wesigin mene atì, hit en he'nakìt e ba menhisìlìk inoatìk, he'nakìt o hit sapan egesep obakwe kìlìk tùgì wiik-weak hogo inoatìk, he'nakìt mùk hogo mak hogo o kota aike nen o kota aike laksìgìk, hagarinabugun o.

MATÌÙT 4:12

“At Yohanet a'nogo eki hele watama,” ìlùk isukwama, at Yesùt esuk holhìkesik he, o Kalilea tokwe lagai wagaike.

MATÌÙT 2:13

It ap hesagal ineileken nen wolok wagaukwa mene amanogo arat lagaukwama re, hùako at Yùsùp nogo ikenem malaikat pogot oba nen wagaikesik he, abì ba mel yogosike: “Yùsùp. Hat he, omalik tago arì agosa eperagat wogisek, o Mesit atoma hese lan o. Lìlìk he, atomaat logoino. Were'ma, an nen yogohetì halogat we'no. At kain Herotet a'nogo nen omalik tago arì wasigìlùk ìlì'logo o,” ìlùk yogosikomo abì hasike.

LAKSASIKE 20:1

O kota Epesùt inane apik sagalhì lagaukwa a'nogo lek agaikomo, at Paùlùt en he, it apùnì Yesùt ane wanhukwa mene hùgì waisìlìk inasuk wasike. Inasuk warogo hai warinaplùk he, ebe o propinsi Maketonia wagaike.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

MATÌÙT 23:36

Hit yogotak welagep mene yì re, ùkùm yì obogat hirat hinoba ekin logogin, ìlùk, eberogoat yogohisìgì o,” ìlùk yogoisasike.

MATÌÙT 24:34

Yì'nogo haga'lasigin, tì'nogo haga'lasigin, ìlùk yogohisìgì atì, apùnì o yogotak werek mene inebe aike lek agì'lek oan werek kolegat ebe obogat haga'lasigin o, ìlùk, eberogoat yogohisìgì.