MATÌÙT 10:22 - Ala Ane Wene Ket Mene Warogo Wo'ninapike Wene

²² Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.

MATÌÙT 10:22 ပူးပေါင်းရင်းမြစ်များ

MATÌÙT 24:13

Meneat he, sa nen epe morogo motok logogin halok he, o wùrep oba Ala nen teligin o.

YAKOBÙT 1:12

Hit aike Ibilit en hina'la kagaligìlùk yì ùkùm tì ùkùm hinoba aga kolek, hinepe morogo logogun halok, hina'la hai hakogoin o. Atì'nogo hinepe morogo logogun halok, Ala nen he, “An nebe hinetawì mene hùgì hineluk motok logogun mene wokhisegein o,” ìlùk, abok yogonisasike a'nogo hit hinoabùt palogo nenat wokhisegein o.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.

MAREKÙT 13:13

Nen, apùnì obogat en an netage ìlìk. Hit he, at agoromì, ìlùk hinebe inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o,” ìlùk yogoisasike.

MATÌÙT 10:39

Sa nen okawerek ebe elele helegein halok he, ebe wa'larìk nong asigin o. Meneat he, sa nen an hesik wa'lasigin halok he, ebe elele helegein o,” ìlùk yogoisasike.

1 YOHANET 3:13

Halok, nerùgì nagaiya'lak e. Apùnì kweangma mene nen, hit inabìt motok hagathinapo halok he, “Nayùk e,” ìlùk hinalabut hìtùp o.

MATÌÙT 24:9

“Atì sat he, apùnì inùkùl etage lopok en, an netage ìlìk, Hit he, at agoromì, ìlùk hinebe inabìt motok hagathinabìk he, hinebe hakhìkìlik, it aike nen tùgì hinoatìk, hinebe motok hinoatìk, uagalùk inoba wokhisek laga logogun o.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

IBERANI 6:11

Nerùgì nagaiya'lak. Nit nina'la walok he, hit hina'la nen he, “Ala nen nit hano'ninabigin,” ìlùk hina'la hai hakìkì lagep mene atìat akìkì logopik, hùlì elùgùn oba ese asuageip en he, hagatì lagep atì hagat hinebe lopok hinomamerogo hagato motok logousak walok akìkì lago o.

YOHANET 17:14

Hat hane a'nogo it arat yogoisìgì. Nen, an nebe apùnì kweangma mene yoma inagot lek atì hak, it atì'nogoat inebe apùnì kweangma mene inagoromì lek atì nen he, it apùnì kweangma mene nen inabìrat motok hagarinabì'lùgì o.

KALATIA 6:9

Halok he, ninomame lek agì'legat hano mene hagatì logogun halok he, yì mene tì mene yakhìlìk higit asi laganem, ebe palharek hak, hobuk elùgùn oba ebe hano mene helogoin atì nen he, ninaberalì agì'legat hagatì logouok o.

LUKAT 6:22

Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

2 KORÌTÙT 4:11

At Yesùt wa'lagaikesik eluk agaikesik nit ninebe wa'lagorek mene yì nina'la eluk welagarek atì enagat asuagalùk, nit yogotak nineluk werek kolek, at Yesùt hesik ninhùp-nanhùp ninoasuogolùk ikenem telninaperek atì.

MATÌÙT 5:11

Hit oan werek kolek, hageat it ap Ala ane yogoisìkì lagaukwa mene weagarinapì lagaukwa hagat, hit an nebe hesik, it apùnì aike nen wenakhisìgìk, weagathinapìk, inapeliak enat hinabok ìkì logolìk, yì weak tì weak hinoba hìgìk, iko halok he, hina'la hai hakìkì logousak o. Hobuk ninopase pogot oba mene nen hùko mene wo'nisegein ìlùk, hina'la hano agìk, hai hakìgìk, hùkorogo ìkì logoino,” ìlùk yogoisasike.

ABÌKAKAN 2:17

“Wene yogoisìgì atì, Ala Areagùn nen it Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “Sa nen omame asigin mene halok, sùpùrùk etage manna abùrarek mene melagatìk, etage ket mene salogo helep mola mene ba helal waganogo wogotìk, igin o. Etage waganek atì re, it aike inokot. We, at etage helal waganek helegein mene atì nek elu asigin mene wogosigin, ìlùk obogat yogoisìgì mene atì, helal waganogo inoba lakheino o,” ìlùk yogonete.

YOHANET 7:7

It apùnì kweangma mene nen hit halok he, inabìt motok hagathinabì'lùgì lek meneat he, an nen, It hagatarek atì weak motok, ìlùk ìgìrek atì nen he, anat inabìt motok haga'nabì'lùgì o,” ìlùk yogoisasikesik,

LUKAT 8:15

Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

ABÌKAKAN 3:21

“An arat nomame agagimo, nopase kain welagarek obùlùk oba neperak welago yì hak, sa nen omame asigin halok, an kain welagìrek nobùlùk oba neperak logouogolùk menhegein o,

ABÌKAKAN 2:7

“Wene ìgì mene atì, at Ala Areagùn nen Ala againapùrì o yì awì tì awì atogotarek mene yogoisìlì'logoat atì, hinasuk holusak halok he, hanorogo holino o. “At sa nen omame asigin halok he, Ala eyabumo eken inelugurinaperek mene noagalùk melagasigin o, ìlùk wene obogat yogoisìgì mene atì, helal waganogo inoba lakheino o,” ìlùk yogonete.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

ABÌKAKAN 2:26

“Sa nen an walok mene hagato motok hùlì o elùgùn oba omame asi legein halok he, an nopase nen apùnì inùkùl etage lopok, an nen hagisek logouagalùk menhanìlìk esewerek hanhike atì hak, at omame asi legein mene atì atì'nogoat hagisek logouagalùk menhìlìk esewerek houmo, apùnì nen sìge lùk posie omaken mene ba kweang harogweak mene tamuk-tamak hogo hagatarek atì hak, at ane omamerogo yogoisìkì logolìk, hagisek logogin o.

LAKSASIKE 9:16

Atì'nogo ayoko hìgìrì'mo re, at en netage atì'nogo yogoisìlìk nikenem, at yì aik tì aik hìkì logousak obaat hìkì logogin mene, an nen yogosigin werek o,” ìlùk yogosike.

ABÌKAKAN 2:3

Nen, apùnì nen an hesik yì aik tì aik hagathinapo kolegat, hit en he, At ninabìt, ìlùk, herakhanhì'lek hinepe morogo welagasebat.

LUKAT 21:17

Nen, it apùnì obogat en he, an netage ìlìk, Hit he, at agoromì, ìlùk hinebe inabìt motok hikogoin.

LUKAT 21:19

Halok he, hinetaùken hapuguthakìlìk he, hinepe morogoat logogun halok he, nabùlal-habùlal helogoin o,” ìlùk yogoisasike.