MATÌÙT 10:19 - Ala Ane Wene Ket Mene Warogo Wo'ninapike Wene

¹⁹ Hinanema atì'nogo wanuagalùk wokhisek lagaika halok he, hit en oko yogoisogoin mene atì sat Ala nenat hina'la kagaligin. Halok he, oko kì'nogo yogoisogoin ìlùk hinalabut hìtùp o.

MATÌÙT 10:19 ပူးပေါင်းရင်းမြစ်များ

2 TIMOTÌÙT 4:17

Atì'nogo meneat he, an nen ebe wene tùkùm hogo yogoisikenem, it etakwe mene inebe obogat inasuk holuagalùk, ninoe Etagepogot an nera'lilu logolìk, nomame'napesik, singa lo yeke hake anini weak mene a'nogo apema were'ma telnabu hak, noasusak mene telnape atì.

LUKAT 12:11

Hit hinanema wanuagalùk, apùnì nen it apùnì Yahuri mene sapan egare'ma atoma mel, it ap pemerintah mene ineilhanem atoma mel, it ap inetagepogot ineilhanem mel, wokhisek hika lago halok he, hina'la nen he, Nit ninogat telogo wene oko kì mene ugun, ìlùk hinalabut hìtùp o.

YAKOBÙT 1:5

Mene re, at Ala oabùt hano nen apùnì obogat etawì logolìk wenagisìgì'lek wogisikerek atì nen, hit aike hina'la kagale'lek halok, at kìno yogosumo hina'la kagaliginat o.

MATÌÙT 6:31

Halok he, hit hinalabut hìrogo wenesùgì uan horo ebetì logolìk, Ninapùrùk mel, ninagei mel, kì mene nogoin. Nen, ninasu kì mene laberogoin, ìkì lagep atì usak motok lek o.

MATÌÙT 6:25

An nen atì'nogo yogohisìgì atì nen, hit hina'la nen he, Nineluk logouogolùk he, sùpùrùk mel, i mel, kì mene nogoin. Nen, ninebe su kì mene laberogoin, ìlùk hinalabut hìrogo wenesùgì uan horo ebetì logoinogo ìlùk yogohisìgì. Nekarek mene atì esin nogo? Hineluk welagep atì esin akìgì. Su labetarek mene atì esin nogo? Hinebe atì esin akìgì.

PILIPI 4:6

Yì mene tì mene hesik wenesùgì uan horo ebetì'lek, obogat hesik Ala ayoko hìkì logolìk hai warogo kìno yogotì logoino.

LAKSASIKE 6:10

Atì'nogo wenagasukwa meneat he, at Sitepanùt Ala Areagùn a'la kìlìk logolìk, wene higirat kagauk hogo ikenem, it inane oko nìkì'nogo yogosu heat haga'lagaike.

MATÌÙT 6:34

Halok he, hit he, hùen hesik hinalabut hìrogo wenesùgì uan horo ebetap o. Yogotak weak arì'logo mene werek kolegat he, hùen weak asigin mene ebesusak lek o,” ìlùk yogoisasike.

MATÌÙT 10:18

Atì'nogo hagathinabugun atì, ero an nebe hesigat, ap inetagepogot mene mel, kaintek mene mel, inoba wokhisek laganem, hit en it ap atì ineilhanem an hagatenem hineileken niìkì lagep mene a'nogo pak hogo it yogoisìgìk, apùnì etakwe mene yogoisìgìk, yogoisoagalùk hanoasuak hinanema wanugun a'naga o.

LUKAT 12:12

Atì sat he, hit en wene oko uagalùk Ala Areagùn nen, Yi'nogo ini o, ìlùk, hina'la kagalìgìn mene werek o,” ìlùk yogoisasike.