MATÌÙT 10:17 - Ala Ane Wene Ket Mene Warogo Wo'ninapike Wene

¹⁷ Apùnì nen it ap wene ero pìlìngìtare'ma inoba wokhisek lagìk, o sapan egare'ma atoma nen tùgì hinoatìk, ugun a'naga re, hinepe hebelogo logoino o.

MATÌÙT 10:17 ပူးပေါင်းရင်းမြစ်များ

MAREKÙT 13:9

Atì'nogo hìkì logolìk, hit he, hinoabùt hebelogo logoino. Apùnì aike nen he, hineki hele warogo ap kaintek en hinanema wanuagalùk inoba wokhisek lagìk, o apùnì Yahuri mene sapan egarek oba nen tùgì hinoatìk, ugun o. Atì'nogo ìlìk he, It yì Yesùt agoromì, ìlùk, it ap pemerintah mene kaintek inom, inetage pogot inom, ùkùm hinoba houagalùk inelokoma menhikamo, atì sat hanoasuak, an hagatenem hineileken nììkì lagep mene pak hogo yogoisogoin.

MATÌÙT 23:34

Halok hinasuk hanorogo holini. An nen ap Ala ane yogoisagarek mene mel, ina'la kagalek mene mel, Ala ane helal waganek esewerek mene mel, laksa wesigin mene atì, hit en he'nakìt e ba menhisìlìk inoatìk, he'nakìt o hit sapan egesep obakwe kìlìk tùgì wiik-weak hogo inoatìk, he'nakìt mùk hogo mak hogo o kota aike nen o kota aike laksìgìk, hagarinabugun o.

LAKSASIKE 26:11

Atì'nogo ìkì logolìk he, an o apùnì Yahuri mene sapan egarek obakwe lopok kìlìk, it inetaùken Yesùt oba hìpìrìk welagaukwa mene hebisoagalùk nane keirogo yogoisìgìk, yì aik tì aik hagarinapìk, ìkì logolìk, na'mage apik lagakì logolìk he, it aike o walegat esako-esako atoma mene mùgisek laga lagagiat,” ìlùk yogosike.

YOHANET 16:2

Apùnì nen o sapan egare'ma nen hit hineki lisogo wulakhikogoinat o. Nen, hobuk it apùnì hit hinoasugun mene inebe lopok ina'la nen he, Ala hesik hano inoato, ìlùk, ugun mene weregat o.

LUKAT 12:11

Hit hinanema wanuagalùk, apùnì nen it apùnì Yahuri mene sapan egare'ma atoma mel, it ap pemerintah mene ineilhanem atoma mel, it ap inetagepogot ineilhanem mel, wokhisek hika lago halok he, hina'la nen he, Nit ninogat telogo wene oko kì mene ugun, ìlùk hinalabut hìtùp o.

MATÌÙT 5:22

Mene re, an nen wene aike yì yogohisak. Hat sa nen hagaiyak hesik ha'mage lagaiko halok he, wene aike hoba hegein werek o. Nen, hat sa nen hagaiyak aike yogotì logolìk he, Hat he, hebe kepù yì rì! ìlùk iko halok he, it ap wene ero pìlìngìtare'ma atoma wokharek lìlìk, ùkùm hoba hogoinat o. Nen, hat sa nen, Hat he, hetaùken motok lek yì rì! ìlùk iko halok he, wene hoba hìlìk etu aik api'mo lakhagagin o.

LAKSASIKE 22:19

Atì'nogo yogonesikomo, an nen he, Noe. An o sapan egarek obakwe ya kìgìk, ta kìgìk, laga logolìk he, apùnì inetaùken hat hoba hìpìrìk welagaukwa mene hùgì, ineki hele watìk, tùgì inoatìk, hagarìk nìkì lagagi a'nogo, it motok inelu o.

IBERANI 11:36

Nen, aike re, apùnì inane lì'nù tìng-taung hogo yogoisìgìk, tùgì inoatìk, ineki hele warogo kelaksìgìk,

2 TIMOTÌÙT 4:15

At atì ebe wene nit en yakùlisìkì lago mene ninane sagalogo heraksìlìk hagatì lagama atì nen, hat hoabùt hebelogo logoino.

PILIPI 3:2

It apùnì aike inoabùt yeke lo yeke oabùt hake atì nen, yì hesik tì hesik weak hagatì logolìk, “Hinogat hinekalìma mene palogo laksano,” ìlùk hina'la kagali wesinogo nen hinepe hebelogo logoino.

YOHANET 11:47

Atì'nogo yogoisa lagaukwama re, it ap Ala esewerek inogogì kaintek mel, Parisi mene mel en he, it ap wene Ala hesik ero pìlìngìtarek mene waisasukwama wagaukwama re, mel yogoisasukwa: “At ap atì ebe hùthoagalùk elalin mene apik hagarì'logo atì re, nit en nìkì'nogo hagasuok akegep.

MAREKÙT 13:12

Nen, agaiyak aike nen he, okawerek agaiyak wasuagalùk wolok lagìk, opase nen he, aput wasuagalùk wolok lagìk, inagainapùrì nen he, inopase inagosa inoasuagalùk inabok palhìk, ugunat o.

MATÌÙT 26:59

Hùrek werek kolek, it ap Ala esewerek inogogì kaintek mel, wene Ala hesik ero pìlìngìtarek mene obogat mel en, at Yesùt wasuogolùk, mel isukwa: “Apùnì at weak hagatenem ineileken haga mene uak en heraginabini,” ìlùk, inapeliak enat ùkùm oba houagalùk heraginapukwa mene re,

LAKSASIKE 17:14

Atì'nogo isukwama, Silat Timotìùt eperak, o atoma kamo iko kolek, it Ala againapùrì amanogo nen, Paùlùt enek, “Hepok lanok,” ìlùk wolok i laut hùko yekelek aik oba wagaukwa.

MATÌÙT 20:19

Ùkùm noba hìlìk he, it ap etakwe mene nen inane kerethìgìk yogonetìk, tùgì labìsake noatìk, ìlìk he, nebe e ba menhanìlìk noasuagalùk wogisogoin o. Nen, arat noatenem, neki pìre warek logopik en he, Ala nen nelugu'nabigin o,” ìlùk yogoisasike.

MATÌÙT 10:18

Atì'nogo hagathinabugun atì, ero an nebe hesigat, ap inetagepogot mene mel, kaintek mene mel, inoba wokhisek laganem, hit en it ap atì ineilhanem an hagatenem hineileken niìkì lagep mene a'nogo pak hogo it yogoisìgìk, apùnì etakwe mene yogoisìgìk, yogoisoagalùk hanoasuak hinanema wanugun a'naga o.

LAKSASIKE 9:2

“Noe. An o Tamìsìk lapik he, it apùnì aike Yesùt ane wanhì logolìk opolik nùgì mene aike werek halok, hìmì lek, ap lek, heraginabìk he, ineki hele warogo wogisek o Yerusalem yoma hisa wesik en he, it apùnì Yahuri meme o kota Tamìsìk atoma o sapan egarek obakwe lopok atogorì'lùgì mene hesik surat aike waganogo wo'nom o,” ìlùk yogosike.