MATÌÙT 10:16 - Ala Ane Wene Ket Mene Warogo Wo'ninapike Wene

¹⁶ Atì'nogo yogoisasikesik he, aike mel yogoisasike: “An nen, hit he, hinoabùt wam topa wam oabùt hake mene, it apùnì inoabùt yeke lo yeke oabùt weak mene hake mene inekele'ma heak hogo lakhikegeinmo atì re, hinoabùt walo oabùt hibik-hebek hogo hagaterek atì hak hagatìk, sùe pel oabùt enago welagarek atì hak welagìk, ìkì logoino.

MATÌÙT 10:16 ပူးပေါင်းရင်းမြစ်များ

MATÌÙT 24:25

Wene atì oan haga'lagì'lek werek kolek hùsipi tak yogohisìgì atì hanorogo hùthìkì logoino o.

MATÌÙT 24:45

At Yesùt en atì'nogo yogoisasikesik he, hobuk aike mel yogoisasike: “Ap kain mene aike againapùrì serisek logolìk inapùrùk wogisasak higit hogo wogisìkì logouagalùk, at atitigeke mene ayoko hikenem, at a'la kagalek logolìk oabùt oe ane igin mene higit hogo hagaterek atì sa akegep. At atì oe atì nen menhùlùk lagarek o.

MATÌÙT 25:2

It inebe 10 atì, 5 o'moko re, inetaùken werek. Nen, 5 o'moko re, inetaùken lek mene welagaukwa.

MATÌÙT 25:4

Nen, it inetaùken werek mene aremnogo nek he, lampu mel, sogoloak aike minyak hinago mel, wolok lagaukwa.

MATÌÙT 25:9

it hìlìmìkìrùgì inetaùken werek mene amanogo nen he, Lek o. Ato mìkìlogo hit wokhisìgìk, aike nit helìgìk, umo re, lek asigin o. Halok he, oko palì'lùgì ba atoma aike oko pala lani o, ìlùk yogoisasukwama,

LUKAT 10:3

Atì'nogo yogoisasikesik he, “Hit lani o. An nen hit he, hinoabùt wam topa wam oabùt hake mene it apùnì inoabùt yeke lo yeke oabùt weak mene hake mene inekele'ma heak hogo lakhikegein o.

LAKSASIKE 20:29

Mene re, yeke lo yeke anini weak mene nen wam herakhìgì'lek motok nikerek atì hak, an nebe lìlì'mo nen, it aike nen Ala againapùrì hit en serisek welagep mene atì weagarinabi ki wesugun mene werek o, ìlùk an nelu.

1 KORÌTÙT 14:20

Nerùgì nagaiya'lak. Wene hina'la ebetì lagep atì re, yekerùgì ina'la ebetarek hak ebetì logogùp. We, omalik ketago mene nen weak hagato inokot welagaikarek hak logolìk, hinetaùken inalùge inetaùken hake wurik hogo logoino.

2 KORÌTÙT 1:12

Nit hogorakìkì lago atì, ebe yì'nogo nen. Nit it apùnì kweangma mene aike ina'lakwe ina'lakwe logolìk, it hesik hagatì lago re, hamùlùgat negen. Mene re, hit hesik enek he, esin hogo hagatì lago. Atì re, apùnì kweangma mene ina'la kagalek mene hagatarek hak hagatì'lek. We, at Ala oabùt hano a'nogo nen, ninetaùken hano omakeat logolìk hagatì logouagalùk ninoabùt wo'nisasikomo hagatorek mene atì nina'la ebetì logolìk, “Nit hano hagatì lagoma,” ìlùk hogorakìkì lago atì.

2 KORÌTÙT 11:14

It hagarì'lùgì atì elalinat hagarì'lùgì hùk. Inopase Ibilit okawerek apeliak en he, malaikat lìa wene wolok wagaikarek hak hagarogo wagarek hak hagarì'lùgì o.

2 KORÌTÙT 11:3

Atì'nogo meneat he, alebat at Walo a'nogo oabùt lagakse'ma re, he Hawa lalhike hak, hit hinetaùken omakeat Karìsùt oba hìpìethìlìk at hesik tegelek welagep mene it aike nen lalhinabusak atì, nayùk arì'logo.

2 KORÌTÙT 8:20

Apigat hisìlì'lùgì mene atì, nit en atogorogo wìlìk laganem, it apùnì aike nen ninabok weak palinogo ìlùk he, ninetawì wekelogo motok hagatì lago.

KOLOSE 1:9

Hinabok atì'nogo ikenem ninasuk holhosik he, nit en hit hesik sapan ìgìk, Ala ayoko hìgìk, kamo ìgì'lek iko motogat welago. Atì'nogo ìkì logolìk Ala Areagùn nen hina'la kagalhenem, hina'la motok kagalogo wene hùthìlìk he, at Ala a'la walok akikerek mene atì hit en, tùkùm hogo hinelùrogo logouageip ìlùk ayoko hìkì lagoat.

KOLOSE 4:5

It apùnì Ala ane inokot mene hesik he, hit hina'la motok kagalek logolìk, “Nit Ala againapùrì hagasusak mene hanoasuak ya baat hagatì logouok,” ìlùk atì meneat hagatì logoino.

1 TESALONIKA 2:10

Nit hit wene eberogoat ìlùk wanhìgip mene hùgì ninom logolìk he, apùnì nen, “It weak hagata,” ìlùk, ùkùm ninoba housak legat tegelek logolìk, higit hogo nek hagatì lagagu a'nogo, hit Ala hinomat hinelumo re, “Ati eberogoat,” ìlùk usak atì.

1 TESALONIKA 5:22

weak mene yì weak tì weak halok, obogat hagatì'lek logoino.