MATÌÙT 1:16 - Ala Ane Wene Ket Mene Warogo Wo'ninapike Wene

¹⁶ Yakùp en Yùsùp, he Marìa agùn a'nogo, tatìk, he Marìa nen he, Yesùt nit en Karìsùt ìkì lago a'nogo tatìk, ero ba nen taginabìk wagaukwa.

MATÌÙT 1:16 ပူးပေါင်းရင်းမြစ်များ

MATÌÙT 27:17

apùnì apik atogoto kolek, at Pilatùt a'nogo eileken hìlìk he, “It yoma re, Yesùt oba ua palogo nenat wolok wagaika akìgì,” ìlùk, hùthasikesigat he, mel yogoisasike: “Hit hina'la nen he, ap etage sa hikalogo wo'nisoak akìkì lagep. Yesùt Parapat a? Ì a, at he, Yesùt etage aike Karìsùt egarek a'nogo a,” ìlùk, yogoisasikesik he,

YOHANET 4:25

Atì'nogo yogosikomo, at he a'nogo nen he, mel yogosike: “Apùnì telninabuagalùk Ala nen kain etage Karisùt atì lakhei wesigin. Lakhei waganem ebe wìrìk he, yì wene tì wene obogat nit yakùlnisìkì logogin ìlùk an nelu o,” ìlùk yogosike.

LUKAT 3:23

At Yesùt ebe umur 30 tahun agaikesik en, yì mene tì mene hagarìk nìkì logoigìlùk eki hùkasike. Nen, at ebe re, it apùnì nen Yùsùp aput ìlùk akasukwa. Nen, Yùsùp atì re, Eli aput.

MATÌÙT 27:22

Atì'nogo yogosukwama, at Pilatùt a'nogo nen he, “Halok he, Yesùt etage aike Karìsùt yì nìkì'nogo hagasik,” ìlùk yogoisasikomo, it amanogo nen he: “E ba menhìlìk wa'no o!” ìlùk yogosukwa.

LUKAT 4:22

it apùnì amanogo nen he, mel isukwa: “At yì ap Yùsùp aput a'nogo lek nogo? Arat o. Meneat he, at en wane hano motok yakùlnisike atì nayùk e,” ìlùk hogorasukwa.

LUKAT 2:48

Atì'nogo hogoratenem, it at agosa opase eperak en ebe arat herasukwasik he, “Nayùk e!” ìlùk hogorasukwa. Hogorasukwasik agosa nen he, mel yogosike: “Neak, hat yì'nogo haga'ninapen nenahalok. Hopase neperak ninalabut hìrìk herakhabìk nìkì lago yì heileken nisan,” ìlùk atì'nogo yogosikomo,

LUKAT 2:7

eak makusa abat takasike. Takalìk he, o apùnì ap pok mene nogo egarek oba motok peserek en he, su kain mene ba ìkìlogo, sang wam apùrùk nikerek oba ebe hesukwa.

MAREKÙT 6:3

At ebe re, he Maria eak o wùterek mene a'nogo lek? Agoromì opolik mene re, Yakobùt mel, Yoset mel, Yùrat mel, Simon mel, akìgì. Nen, erùgì re, nit ninom welago yoma lek?” ìlùk ina'la meathesukwa.

MATÌÙT 2:13

It ap hesagal ineileken nen wolok wagaukwa mene amanogo arat lagaukwama re, hùako at Yùsùp nogo ikenem malaikat pogot oba nen wagaikesik he, abì ba mel yogosike: “Yùsùp. Hat he, omalik tago arì agosa eperagat wogisek, o Mesit atoma hese lan o. Lìlìk he, atomaat logoino. Were'ma, an nen yogohetì halogat we'no. At kain Herotet a'nogo nen omalik tago arì wasigìlùk ìlì'logo o,” ìlùk yogosikomo abì hasike.

MATÌÙT 1:15

Elìùt en Eleasat tatìk, Eleasat en Matan tatìk, Matan nen Yakùp tatìk

MATÌÙT 16:16

at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

MATÌÙT 16:20

Atì'nogo yogosikesik, agoromì amanogo obogat mel yogoisasike: “Hit en an nebe hesik he, At atì Karìsùt, Ala nen telninabuagalùk lakhei wesigin, ìlùk abok yogonisasike a'nogoat o, ìlùk apùnì aike motok yogoisagùp o,” ìlùk inasuk wasike.