MATÌÙT 1:1 - Ala Ane Wene Ket Mene Warogo Wo'ninapike Wene

¹ At Yesùt Karìsùt Aberaham en, Taùt en, tagomakwe a'nogo apu opalak ero ba nen taginabìk wagaukwa mene inetage yì o.

MATÌÙT 1:1 ပူးပေါင်းရင်းမြစ်များ

MATÌÙT 1:18

At Yesùt Karìsùt ta'lagaike atì ebe yì'nogo ta'lagaike Agosa Marìa atì, ap Yùsùp ebe wanhì'lek, we, lopolek were'ma re, Ala Areagùn nen omalik a'mathesike.

MATÌÙT 1:2

At Aberaham en Isak tatìk, Isak en Yakùp tatìk, Yakùp en Yehura agoromì inom taginapìk,

MATÌÙT 15:22

Lagai waganem he, he aike o Kana'an atoma awìwerek mene Yesùt oba wagaikesik ane hùkorogo mel yogosike: “Taùt en tagokwe mene noe. An neak helekerek mene mokareke oabùt weak mene a'la kikesik weak werek. Halok he, hetawì nean o,” ìlùk yogosike meneat he,

MATÌÙT 3:16

ima pelakhesikomo re, yegelogo lagai wesigin ha'ma re, pogot healogo Ala Areagùn sùe pel hùke mene ot oba labok i pi waganem eileken hasike.

MATÌÙT 9:27

At Yesùt o atoma nen laganem ap inebe pìre ineileken mùm mene opolik laga logolìk inane hùkorogo mel yogosukwa: “Ap Taùt en tagokwe mene noe a! Hetawì'ninabin o,” ìlùk yogosukwa.

LUKAT 1:33

Yakùp en tagokwe mene amanogo inoe Etagepogot at atìat awe a'ma ane hologo motok logogun o. Atì'nogo hagisek logolìk ebe hù'lagì'lek Etagepogot motok logogin o,” ìlùk atì'nogo yogoisikomo,

YOHANET 7:42

Apùnì telninabigin mene Ala nen lakhei wesigin isike mene atì re, ap Taùt en tagokwe mene, at Taùt okawerek awì eroma welagaike ba, o Pe'lehem atoma ta'lasigin, ìlùk Ala ane ba helal waganogo hesukwama werek a'nogo lek?”

LAKSASIKE 2:30

At Taùt ebe Ala ane yogoisìkì lagaike mene nogo nen he, Ala nen hopuk palogo wene mel ìlùk waresike mene eluat welagaike: Hat kain welagatek atì hak logouagalùk, ap hat en tagokwe mene aike hobùlù'mo menhegein o, ìlùk wene waresike.

ÙRÙM 1:3

Wene helal waganogo hesukwa atì, ebe re, Ala aput ninoe Etagepogot Yesùt Karìsùt hesigat o. Apùnì ta'lagaikarek hak he, ebe Taùt en tagokwe mene nen ta'lagaike. Meneat he, ebe wa'lagaikesi'mo nen, Ala Areagùn omame ba eluguthesike atì ba, Ala apurat o, ìlùk enagat agaike atì.

ÙRÙM 4:13

At Ala nen he, Aberaham mel yogosike: “Kweangma o yì awì tì awì obogat he, hat mel, hat en tagokwe mene mel, hinom esewerek asugun o,” ìlùk abok yogoisasike. Atì'nogo yogoisasike atì re, wene at en ninasuk wasike wene a'nogo hologo higit hogo hagatì lagaukwa ba yogoisasike hak. Lek o. We, at etaùken Ala oba hìpìrethesikomo, at Ala nen he, “Ùkùm hoba mene korogo wokhìgìrìk, hapotkwe neperak hùnogo hagagì,” ìlùk yogosike atì ba kweang abok yogoisasike atì.

ÙRÙM 9:5

Nit ninopalak he, it en tagokwe mene. At Karìsùt ebe nit apùnì ta'lagorek hak ta'lagaike atì, it mene nen tasukwa mene re, ebe Ala meneat o. Yì mene tì mene obogat he, a'ma negen meneat he, at enek he, abel pokwe hesaksek atì nen he, at enek hogoratì logogun atì, ebe asuak, ìlùk u hak, “Amin,” ìkì logouok.

KALATIA 3:16

Wene atì hak he, at Ala nen Aberaham yogotì logolìk he, “Hat tì'nogo wokhetìk, nen, hat en tagokwe mene aike tì'nogo wogotik, ìgìn o,” ìlùk, abok yogosike atì. Inebe apigat hesik u hak he, “Hat en tagokwe mene aike tì'nogo wogisegein,” ìlùk, ìgì'lek. We, ap ebe omakeat mene hesik, “Hat en tagokwe mene aike tì'nogo wogosigin,” ìlùk, abok yogosike atì ebe re, Karìsùt mene hesik isike.

1 TIMOTÌÙT 2:5

Ala ebe omakeat o. Nen, Ala ninom nit apùnì ninom hùlisanem logolìk lapulninabì'logo mene ap ebe Yesùt Karìsùt atì omakeat o.

2 TIMOTÌÙT 2:8

An hano wene yogoisìlìk nìgìrek atì re, Yesùt Karìsùt, at Taùt en tagokwe meneat ebe wasukwama, Ala nen eluguthesike wene atì, ha'la eberek motok logoino.

ABÌKAKAN 22:16

Aìi'nogo yogonetesik, at Yesùt enat hobuk yogonetì logolìk he, “Yì wene tì wene yì abok, an nagot malaikat en hit nagainapùrì o yì awì tì awì atogotesep mene obogat yogohisoagalùk hinoba lakhei wagì atì re, an Yesùt enat o. Nen, e aku hulelherek atì hak, ap Taùt en tagokwe mene a'nogo re, an nebeat o. Nen, hesagal wap o mo yegelogo lagai wagarek higit en, lìabi wagarek mene apopok apik a'nogo re, anat o,” ìlùk yogonete.