MAREKÙT 9:29 - Ala Ane Wene Ket Mene Warogo Wo'ninapike Wene

²⁹ Hinok wanhukwama, at en he, mel yogoisasike: “Mokareke oabùt weak atì mene re, yì ba walhìgìk, tì ba walhìgìk, umo re, henogo wulabusak mea o. We, sapanat umo nek he, elok henogo wùlùbusak o,” ìlùk yogoisasike.

MAREKÙT 9:29 ပူးပေါင်းရင်းမြစ်များ

YAKOBÙT 5:15

It en inetaùken Ala oba hìpìrethìlìk, sapan ugun atì ba, ninoe Etagepogot en hinoba ou mene atì se asuagalùk hano hagathinapìk, hit aike weak hagatep mene werek halok, sagalogo legetsìgìk, ìgìn o.

MATÌÙT 17:20

at Yesùt en he, “Hit hinetaùken tùkùm hogo noba hìpìrethìkì lagep lek atì nen o. Kìbì-kìbì eken magakelak mene heik lakhagarek atì hak, hinetaùken an noba hamùlùgat enek hìpìrethìlìk he, tom arì yogotì logolìk, Aroma nen hìgìlogo wele'ma atoma asi lan o, ìlùk gosugun halok he, atoma nen wele'ma atoma asi lasagat o. Hit en yì mene tì mene hagasumo re, aike mea agì'lek hano nek asigin, ìlùk eberogoat yogohisìgì. [Mene re, mokareke oabùt weak mene yì hake ina'la kìlìk were'ma re, sùpùrùk nìkì'lek sapan umo nek he, elok henogo wùlùbusak o,]” ìlùk yogoisasike.

EPESÙT 6:18

Atì'nogo obogat hagatì logolìk he, Ala nen lebethikoagalùk sapan ìkì logoino. At Areagùn hina'la logolìk hina'la kagaligin hagat, ninhùp-nanhùp sapan Ala ayoko hìgìk, kìno yogotìk, iko motogat logoino. Atì'nogo ìkì logolìk he, hina'la pùk agì'lek, hinoabùt hebelek motok logoino. Atì'nogo logolìk he, Ala againapùrì obogat hesik sapan Ala ayoko hìkì logoinoat o.

2 KORÌTÙT 11:27

Yì hesik tì hesik seget kwìl-kwal hogo hagatìk, ninhùp-nanhùbat nogo neluk nogo ìgìk, sùpùrùk mel, i mel, lek en nele welagìk, ninhùp-nanhùbat sùpùrùk nìkì'lek kamo ìgìk, nasu lek en sogoi noatìk, o koma nogo u heat agìk, ìkì lagagisigat.

LUKAT 11:26

hobuk apotkwe wùlìbi lagaresik, mokareke aike at oabùt hake lek. At he, inoabùt motok weak mene inebe 7 nen inayoko lagaresik wogisek wìrìk, ap atì a'la kagaresik welagaikarek o. Atì'nogo kìlìk were'ma re, ap atì alep he, oabùt hano negen welagaike meneat he, hobuk oabùt motok weagat haga'lagarek o,” ìlùk yogoisasike.

1 KORÌTÙT 9:27

It apùnì aike hano asuagalùk hano wene yogoisìlìk nìkì lagì meneat he, nokawerek herakhanumo nong asinogo ìlùk, nokawerek en nebe wara hak, netaùken ning hogo sebelìgìk, apùnì inawe a'ma logolìk inane hologo welagaikarek hak, an nebe nane awe a'ma logoigìlùk nasuk warìgìk, ìkì lagì o.

LAKSASIKE 14:23

Atì'nogo yogoisìlìk wùlìbi waga logolìk he, o ya ta, Ala againapùrì atogotì lagaukwa lopok, inogogì hagisek logouagalùk menhisìlìk he, ineki aike sapan uogolùk sùpùrùk nìkìlek welegat logolìk sapan mel ìkì lagaukwa: “Yesùt ninoe. Hagainapùrì inetaùken hoba hìpìrìk werek mene yì, hagisek logoinok en ìlùk hat heki ba hogo o,” ìlùk sapan ìlìk wùlìbi wagaukwa.

MATÌÙT 12:45

hobuk apotkwe wùlìbi lagaresik, mokareke aike inoabùt at oabùt hake lek. At he, inoabùt motok weak mene inebe 7 nen, inayoko lagaresik, wogisek o a'nogo ki wagaresik, ap atì a'la kagaresik welagaikarek o. Atì'nogo kìlìk were'ma re, ap atì alep he, oabùt hano negen welagaike meneat he, hobuk oabùt motok weagat haga'lagarek. Atì hak he, hit apùnì o yogotak ya hinoabùt motok weak hagatì lagep mene yì, atì'nogoat hagasugun o,” ìlùk yogoisasike.

2 KORÌTÙT 6:5

Tùgì ninoatìk, nineki hele warogo o hele warek hisagarek oba hinìgìk, apùnì logolek en ninoba lìmamìt palìk palìk ninoasusak haga'lagìk, iko kolek welago. Yabu set apik hagatìk, nogo usak lek agìk, sùpùrùk nele agìk, ìkì logolìk hagatì lago.

MAREKÙT 9:28

Melagaikomo re, at Yesùt ouma kìlìk were'ma, at agoromì ane wanhì lagaukwa mene amanogo oba kìlìk, inom inaligat logolìk he, mel yogosukwa: “Nit en he, at mokareke oabùt weak mene atì henogo wulabusak mea atì nìkì'nogo nen,” ìlùk oba hinok wanhukwa.

MAREKÙT 9:30

Atì'nogo yogoisasikesik, at Yesùt en wene agoromì ane wanhì lagaukwa mene amanogo nek, kwe o Kalilea tokokwe laga logolìk yakùlisìlìk lagalùk, mel yogoisasike, “Yesùt a'nogo yì waga o, ìlùk, apùnì aike inelu asinogo nen he, yogoisagùp. Nabìt,” ìlùk yogoisasikesik, wene mel yakùlisìlìk lagaike: “An abat ta'lasi wagagi a'nogo re, ap en yoko lìlìk it ap aike ineki ba hanumo noasugun o. Atì'nogo noatenem he, neki pìre warek logopik en, aike nen neluk asigin o,” ìlùk yakùlisìlìk lagaike meneat he,