MAREKÙT 9:27 - Ala Ane Wene Ket Mene Warogo Wo'ninapike Wene

²⁷ Atì'nogo isukwa meneat he, at Yesùt yekerek a'nogo eki hagasogo menhesikomo melagaike.

MAREKÙT 9:27 ပူးပေါင်းရင်းမြစ်များ

LAKSASIKE 3:7

Atì'nogo yogosikesik he, eki ebekwe hagasogo menhesike. Menhikenem he, ap a'nogo esok wùt ware'ma re, esok agùt inom, akuli inom, aremnogoat omame agaike.

MAREKÙT 1:31

Yogosukwama re, he a'nogo era'lu horok hogo lìlìk he, eki hagasogo menhesike. Menhikenem he, oba ou agaken a'nogo lek agaike. Ou lek agaikomo re, at enat leberisìkì lagaike.

LAKSASIKE 9:41

Hù'lagaikomo, at Peterùt en eki hagasogo menhìlìk he, it Ala againapùrì aike mel, hìmì soge mene amanogo mel, waisasikomo kisukwama re, “At ebe eluk aga yì,” ìlùk wogisasike.

MAREKÙT 8:23

Yogosukwama re, at en ap atì eki hagasogo wolok o silimo nen legeta'ma wùlìpike. Wolok wùlìbìk he, wesi eileken oba hìlìk he, eki hakìkì logolìk mel yogosike: “Yogotak heileken yì mene tì mene aike lakhìkì lagen a? Lek a,” ìlùk hinok oba wokhasikomo re,

MAREKÙT 5:41

Kisukwasik, eki hakìlìk he, nit ninane ba, “Hele yì, na'logo. Mela'nogolùk yogohetì lagi o,” ìlùk u hak, it inane ba: “Talita kum,” ìlùk yogosike.

MAREKÙT 1:41

Yogosikomo re, at Yesùt en, at ebe etawì arìk he, eki hakìlìk mel isike: “An nen hano hagathabigìlùk ìkì lagì. Halok he, hoba hano ame o,” ìlùk yogosike.

MATÌÙT 9:25

Agato apik agaukwama re, inebe wulaksìlìk he, helekerek a'nogo welagaike ba kìlìk eki hagasogo menhesikomo eluk agaike,

MAREKÙT 9:26

mokareke oabùt weak mene a'nogo ane hùkoat ìlìk ìlìk yekerek a'nogo a'la kìlìk welagaike mene oak lei'-leigethìkì logolìk henogo wùlìpikomo re, yekerek a'nogo warek mene hake haga'lagaikomo, it apùnì logolek amanogo ina'la nen wa'laga salek, mel isukwa: “Ebe wa'laga yì,” isukwa.

MAREKÙT 9:28

Melagaikomo re, at Yesùt ouma kìlìk were'ma, at agoromì ane wanhì lagaukwa mene amanogo oba kìlìk, inom inaligat logolìk he, mel yogosukwa: “Nit en he, at mokareke oabùt weak mene atì henogo wulabusak mea atì nìkì'nogo nen,” ìlùk oba hinok wanhukwa.

LAKSASIKE 23:19

Atì'nogo yogosikomo, ap tentara inoe kain a'nogo nen ap elege a'nogo eki hak-hak wolok inalepma lagaukwasik mel yogosike: “Wene nena wene yogonesigìlùk wagen. Yogonom,” ìlùk hinok wokhasike.