MAREKÙT 9:25 - Ala Ane Wene Ket Mene Warogo Wo'ninapike Wene

²⁵ Yagotenem, apùnì aike humusegat oba atogosi waganem, at Yesùt eileken lagisìlìk he, mokareke oabùt weak mene a'nogo wenagasike. Wenagatì logolìk he: “Hat mokareke hoabùt weak mene yì nen, yekerek yì ane lùgùlùgìthìgìk, esako togùmethìgìk, ìkì lagen atì, a'la nen henogo wùlìbi lan. Wùlìbi lìlìk he, hobuk a'la ki wesusak motok lek o, ìlùk yogohetì atìat o,” ìlùk wenagasikomo re,

MAREKÙT 9:25 ပူးပေါင်းရင်းမြစ်များ

LAKSASIKE 16:18

At helekerek atì hobuk ninhùp-nanhùp ane atì'nogoat ìkì lagaike. Ìkì logolìk, ane Paùlùt oba sabelhì lagaikomo re, at elokwe hebek hogo mokareke oabùt weak mene atì mel yogosike: “Mokareke hoabùt weak mene yì. Hele arì a'la welagen atì, henogo wùlìbi lanogolùk, Yesùt Karìsùt etage palogo yogohetì lagì o,” ìlùk yogosikomo re, aremnogoat a'la nen henogo wùlìpike.

LUKAT 9:42

Yogasikomo, yekerek a'nogo Yesùt oba horok hago wolok waga kolek aremnogoat mokareko oabùt weak mene a'nogo nen yekerek a'nogo kweangma tukwak hogo potsikenem he, eki esok senep pùk-pùk hagasike. Atì'nogo hagasikomo, at Yesùt en mokareke oabùt weak mene a'nogo wenagasikesik he, yekerek a'nogo hano hagarogo opase wogosike.

MAREKÙT 9:15

Ineileken isikenem he, it apùnì logolek amanogo nen ineileken aremnogoat isalùk he, Yesùt hogorarìk humusegat hai wasi wagaukwa.

MATÌÙT 17:18

yekerek a'nogo wolok wagaukwama mokareke oabùt weak mene a'la kìlìk were'ma Yesùt en wenagasikomo re, henogo wùlìpikomo aremnogoat hano agaike.

YURAT 1:9

At Mikael, malaikat Ala nen yoko pelaksa wagarek mene inoe kain atì nen, it ap atì hagarì'lùgì atì hak hagasu ayùk welagaike. At he, Musa ebe warek hesik, Ibilit eperak wene palhì logolìk, ane ning hogo wenagarìk ùkùm oba housak elok meneat he, ayùk hogo, mel yogosike: “Ninoe Etagepogot en wenakhesuak o,” ìlùk yogosike.

LUKAT 11:14

Ineki aike sapùl he, at Yesùt en ap aike a'la mokareke oabùt weak mene kisikomo ane motok lek agaikesik welagaike mene ap atì a'la nen henogo wulakhesikomo re, ane huak hogo isike. Atì'nogo isikomo apùnì apik en he, “Egi! Nayùk e,” ìlùk hogorasukwa.

LUKAT 4:41

Atì'nogo hagarinapikomo, it he'nakit inebe logolegat, mokareke oabùt weak mene ina'la kìlìk welagaukwa mene nen mel yogosukwa: “Ala aput harat o,” ìlùk inane ngai ìlìk ìlìk wùlùpukwa meneat he, it ina'la nen he, “Karìsùt Ala nen, telninabuagalùk menhìlìk lakhei wesigin isike a'nogo ebe yìat o,” ìlùk, inelu nogo nen he, Yesùt en inane legat wùlùbuagalùk wenagisasike.

LUKAT 4:35

at Yesùt en wenagatì logolìk he, “Hane. Ap yì a'la nen henogo wùlìbi lan o,” ìlùk yogosikomo re, mokareke oabùt weak mene a'nogo nen ap a'nogo ebe tukwak hogo apùnì apik amanogo inekele'ma laksìlìk he, ap ebe weagathìgì'lek wùlìpike.

MATÌÙT 12:22

Atì'nogo hagasikesik oba nen, hobuk ap aike mokareke oabùt weak mene a'la kisikomo nen eileken mùm agìk, ane lek agìk, isike mene Yesùt oba wolok wagaukwama re, at en hanorogo hagasikomo eileken mùm mene hano agìk, ane lek mene huak ìgìk, isike.

MAREKÙT 9:24

aremnogoat, yekerek a'nogo opase nen he: “Ì noe. Netauken o'moko Ala oba ebetìrek meneat he, netaùken o'moko oba ebetìrek lek atì re, hat en haga'nabin o,” ìlùk ane hùkorogo yogosike.

MAREKÙT 9:26

mokareke oabùt weak mene a'nogo ane hùkoat ìlìk ìlìk yekerek a'nogo a'la kìlìk welagaike mene oak lei'-leigethìkì logolìk henogo wùlìpikomo re, yekerek a'nogo warek mene hake haga'lagaikomo, it apùnì logolek amanogo ina'la nen wa'laga salek, mel isukwa: “Ebe wa'laga yì,” isukwa.