MAREKÙT 9:23 - Ala Ane Wene Ket Mene Warogo Wo'ninapike Wene

²³ Atì'nogo yogosikomo re, at Yesùt en he, mel yogosike: “Hat en he, Elok hagasusak halok he, hagasin, ìlùk yogoneten atì nahalok. Apùnì inetaùken Ala oba hìpìrethìlìk yì mene tì mene elok hagasusak enek o,” ìlùk yogosikomo,

MAREKÙT 9:23 ပူးပေါင်းရင်းမြစ်များ

YOHANET 11:40

at Yesùt en he, mel yogosike: “An nen wene yogohetì logolìk, Hetaùken an noba hìpìrethegen halok he, Ala hogoratarek mene a'nogo aike hagatenem heileken hegeinat o, ìlùk, arat yogohetì'lek nogo? Yogohetìat o,” ìlùk yogosikomo,

IBERANI 11:6

Apùnì inetaùken Ala oba hìpìrethìgì'lek halok he, at a'la hanorogo hagasusak motok mea o. Nen, at oba wesuogolùk halok, it en he, “Ala eberogoat werek,” ìlùk akìgìk, “At ebe inelu asuogolùk hagasugun halok, at en oko ebe mene wogisikeregat,” ìlùk akìgìk, usak atì.

MAREKÙT 11:23

Sa nen a'la wenesùgì uan horo ebetì'lek, we, An igin yì higit hogoat haga'lasigin, ìlùk etaùken Ala oba hìpìrethìlìk, Tom yì he'nok hogo i laut yekele'ma pong hogo lan o, ilùk igin halok he, at igin mene higit hogoat Ala nen hagasigin o, ìlùk eberogoat yogohisìgì.

MATÌÙT 17:20

at Yesùt en he, “Hit hinetaùken tùkùm hogo noba hìpìrethìkì lagep lek atì nen o. Kìbì-kìbì eken magakelak mene heik lakhagarek atì hak, hinetaùken an noba hamùlùgat enek hìpìrethìlìk he, tom arì yogotì logolìk, Aroma nen hìgìlogo wele'ma atoma asi lan o, ìlùk gosugun halok he, atoma nen wele'ma atoma asi lasagat o. Hit en yì mene tì mene hagasumo re, aike mea agì'lek hano nek asigin, ìlùk eberogoat yogohisìgì. [Mene re, mokareke oabùt weak mene yì hake ina'la kìlìk were'ma re, sùpùrùk nìkì'lek sapan umo nek he, elok henogo wùlùbusak o,]” ìlùk yogoisasike.

LUKAT 17:6

at ninoe Etagepogot en he: “Kibi-kìbì magakelak mene heik lakhagarek atì hak, hinetaùken an noba hamùlùgat enek hìpìrethìlìk he, hit en, E yì yoma nen he'nok hogo re, i laut hùko yekele'ma a'loma ya'lasi lan o, ìlùk yogosugun halok he, hinane asuk holiginat o,” ìlùk yogoisasike.

LAKSASIKE 14:9

Hùrek logolìk Paùlùt en wene yogoisikenem asuk hologo were'ma, at Paùlùt en eileken oba lùrogo hìkì logolìk, a'la nen he, “Ap arì a'la nen he, Eberogoat haga'nabigin, ìlùk akikesik werek hìgì,” ìlùk a'la akasike.

MAREKÙT 9:22

At mokareke oabùt weak mene atì nen, yekerek yì ebe wasigìlùk he, etumo kelapìk, ima pelapìk, ninhùp-nanhùbat walhiko welagarek o. Mene re, hat en elok hagasusak halok he, hetawì arìk ou arì haga'nisan o,” ìlùk yogosike.

MAREKÙT 9:24

aremnogoat, yekerek a'nogo opase nen he: “Ì noe. Netauken o'moko Ala oba ebetìrek meneat he, netaùken o'moko oba ebetìrek lek atì re, hat en haga'nabin o,” ìlùk ane hùkorogo yogosike.

MATÌÙT 14:29

at Yesùt en he, “Eme o,” ìlùk yogosikomo, at Peterùt a'nogo so a'la nen wùlìpikesik he, i agùm obakwe Yesùt oba lagaike.