MAREKÙT 9:13 - Ala Ane Wene Ket Mene Warogo Wo'ninapike Wene

¹³ Atì'nogo isukwama werek meneat he, an nen aike yogohisak. At Elia ebe arat wagaike meneat he, at hesik, Tì'nogo hagasugun, ìlùk helal waganogo hesukwa higit hogo it apùnì nen atì'nogo hagasu walok enat weagathesukwa,” ìlùk yogoisasike.

MAREKÙT 9:13 ပူးပေါင်းရင်းမြစ်များ

MATÌÙT 11:14

hinetaùkenma tùkùm hogo wanhep halok he, ap Elia ebe wesigin, ìlùk abok isukwa a'nogo re, ebe Yohanet wagaike atìat o.

LAKSASIKE 7:52

It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

LUKAT 1:17

Ala Areagùn ap Elia atì a'la logolìk omamerogo hagarìk nìkì lagaike mene atì, at Yohanet atì oba louk ìlìk, yekerùgì inopaselak inom, lapuk hogo hisìgìk, wene inesako holùhùk mene it aike wene holìk higit hogo hagatarek mene inoabùt wanuagalùk hagarinapìk, inebe ninopase Etagepogot hesigat logouagalùk tegelogo hisìgìk, igìlùk, at tak ta'larìk atì'nogo hagarìk nìkì logogin o,” ìlùk yogosike.

MAREKÙT 9:12

Hinok wanhukwama, at en he, mel yogoisasike: “At Elia tak wìrìk he, yì hagatìk tì hagatìk tegeli wesigin, ìlì'lùgì atì eberogoat meneat he, an abat ta'lasi wagagi a'nogo hesik wene helal yì'nogo waganogo hesukwama werek: At ebe ninabìt, ìlùk, heraksìlìk, yì aik tì aik motok weak hagarogo hogoin o, ìlùk helal waganogo hesukwama werek atì nena hesik isukwa akegep.

MAREKÙT 9:14

Yesùt en wene atì'nogo yogoisìlìk agoromì ane wanhì lagaukwa mene he'nakìt amanogo inoba pi wagaukwa hak he, apùnì logolegat inera'lu he'na he'na atogorek logolìk, it ap Ala ane helal waganek esewerek mene amanogo inom wene palhenem ineileken isasukwa,