MAREKÙT 8:34 - Ala Ane Wene Ket Mene Warogo Wo'ninapike Wene

³⁴ Wenagasikesik he, apùnì logolek amanogo inom, agoromì ane wanhì lagaukwa mene amanogo inom, waisasikomo wagaukwama re, mel yogoisasike: “At sa nen an nopolik nìkì logoigìlùk halok he, oabùt okawerek hesik hagaterek mene atì, Nabìt, ìlùk heraksalùk he, e ba menhisìlìk inoatarek mene atì ageiyo meneat wolok he, an nopolik nìkì logoigìlùkk wesuak o.

MAREKÙT 8:34 ပူးပေါင်းရင်းမြစ်များ

MATÌÙT 10:38

E ba menhisìlìk inoatarek mene a'nogo, hinageiyo lopok hinomolo ba wìlìk an nopolik wolok wagì'lek halok, an nagoromì asusak legat o.

YOHANET 10:27

Hit hina'la atì'nogo akegesep meneat he, it aike an nako topa mene halok, nane inasuk holharesik, it en an nebe inelu nogo nen he, nopolìk wagaikarek o.

KALATIA 5:24

Ninebe Karìsùt Yesùt agoromì mene hùgì, ninoabùt ninesogat logolìk, yì walok tì walok akìkì lagagu mene atì, Karìsùt Yesùt ebe e ba menhìlìk wasukwa atì ba warogo hesugu.

KALATIA 2:20

Nen, yogotak nebe neluk welagì yì re, nokawerek nomame ba welagì hùk. We, at Karìsùt at na'la logolìk eluk welagarek o. At ebe Ala apurat logolìk, nebe etawì nen an hesigat, “Noasuak,” ìlùk akasike ba ebe wasukwa atì. Nen, an netaùken at oba hìpìrìk were'ma re, at ebe na'la were'ma, neluk welagìrek atì.

1 YOHANET 3:16

At Karìsùt en tak nit etawì'ninapikesik, ebe nit hesik wa'lagaike atì nen, nit en it apùnì aike inetawìrinaparek wene atì, hùthìkì lago. Hùthìkì logolìk, at hagasike atì hak, nit ninerùgì ninagaiya'lak inebe ninetawì nen, ninebe it hesik wa'lasusak hanoat o.

MATÌÙT 16:24

Atì'nogo yogosikesik he, at agoromì ane wanhì lagaukwa mene amanogo aike mel yogoisaaike: “At sa nen an nopolik nìkì logoigìlùk halok he, oabùt okawerek hesik etaùken tùlem logolìk hagaterek mene atì, Nabìt, ìlùk heraksalùk, e ba menhisìlìk inoatarek mene atì ageiyo meneat wolok nopolik nìkì logoigìlùk wesuak o.

PILIPI 3:10

At Karìsùt yì aik tì aik hìlìk hìlìk wa'lagaike hak, neperak higit hogoat, an atì'nogoat aik hìlìk hìlìk, wa'lasusagat akìkì lagì. Ma re, at wa'lagaikesi'mo, Ala omame ba eluguthesike hak, an atì'nogoat wa'lari'mo, nelugu'nabìgìn, ìlùk, oba eberegat welagì.

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

LUKAT 9:23

Atì'nogo yogoisasikesik, wene aike it apùnì obogat mel yogoisasike: “Sa nen an nopolik nìkì logoigìlùk halok he, okawerek hesik hagaterek mene, Nabìt, ìlùk hebisalùk he, e ba menhisìlìk inoatarek mene atì, ageiyo meneat ninhùp-nanhùbat wolok he, an nopolik nìkì logoìgìlùk wesuak o.

KOLOSE 3:5

Ati nen he, hinoabùt hinesogat logolìk, hina'la nen yì walok tì walok akegesep mene atì warogo heraksìkì logoino. Hinoabùt atì re, pailak haksagarek atì mel, ina'la nen, walok ìlùk wesi nekarek atì mel, inetaùken nikeresik inoba aiyage lagaikerek atì mel, ineileken lagisìlìk ina'la nen walok akagarek atì mel, tùgì hareken oba hìpìrìk logou hak, ina'la nen, “Yì mene tì mene, an mene nek logoilep,” ìlùk akagarek atì mel, hinoabùt atì mene obogat warogo heraksìkì logoino.

PILIPI 3:7

An alep, atì'nogo hagatì logolìk, “Sabùrìkì lagì,” ìlùk akasìgì meneat he, yogotak he, Karìsùt ebe wanhìrik oba nen, “Alep hagatì lagagi atì, nong aga lagagimo hìgì,” ìlùk huthìkì lagì.

1 PETERÙT 4:1

Apùnì yì aik tì aik hìlìk, inebe wa'larìk, hobuk weak hagato logousak lek atì nen, at Karìsùt yì aik tì aik hìlìk hìlìk ebe wa'lagaike atì hak, hit hogo re, apùnì sing ìkìlik inepe hebelogo welagaikarek atì hak, at Karìsùt oabùt waganogo, yì aik tì aik hìkì logolìk hinomamerogo logoino o.

KALATIA 6:14

Mene re, an yì hesik tì hesik hogorakasak motok nabìt o. We, ninoe Etagepogot Yesùt Karìsùt e ba menhìlìk wasukwa mene a'nogo hesik enek hogorakamo, elok. At ebe wasukwa atì nen, apùnì kweangma inoabùt inesogat logolìk hagatarek mene atì arat mabenetsasike akìgì. Halok he, apùnì wa'larìk, yì mene tì mene hagasusak oba lì'ma agarek hak, apùnìl inoabùt inesogat logolìk hagatarek mene a'nogo li'matsasìgì atì.

1 KORÌTÙT 15:31

Nerùgì nagaiya'lak. Hinetaùken ninoe Etagepogot Karìsùt Yesùt oba hìpìrethìlìk ninom hutik welago atì nen, an hit hesik nalong agì ìlùk akìkì logolìk mel yogohisak. An he, ninhùp-nanhùp nebe noasuogolùk iko kolek nepe morogo welagì o.

ÙRÙM 6:6

Nit ninoabùt ninesogat logolìk weak hagatì lagagu mene atì mabenetsoagalùk he, Yesùt e ba menhìlìk ninomat ninoasukwa atì nen, nit ninoabùt alep mene atì atitigeke logousak lek o, ìlùk ninelu.

LUKAT 14:33

Ati hak he, hit aike hinagarok yì mene tì mene hebisìgì'lek logolìk an nagoromì asuogolùk awe a'ma ki wesusak mea o,” ìlùk yogoisasike.

1 PETERÙT 4:13

At Ala nen Karìsùt ebe weinam hogo lakhei waganem, hogorasugun atì like, waganem hina'la hai apik hakùogolùk, hina'la nen be, “At Karìsùt oba yì aik tì aik hìlìk hìlìk wa'lagaike hak, nit at ninom hutik logolìk atì'nogoat hìkì lago,” ìlùk hina'la hai hakìkì logoino.

TITUT 2:12

Nit ninoabùt alep Ala ebe ninobaken nene heraksìkì logolìk he, nina'la nen yì mene tì mene kweangma mene walok enek akìkì lagagu atì heraksìlìk he, yogotak ya ninoabùt ninetaùken uan logolìk Ala hesik higit hogo hagatì logouagalùk, at oabùt hano atì ha yakùlnisìlì'logo atì.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

LAKSASIKE 14:22

Alep ki laga logolìk, apùnì Yesùt ane yakùlisìlìk ki lagaukwama wanhukwa mene hobuk inoba ha'larìk wùlìbi waga logolìk, inetaùken ago warisìgìk, inasuk watìk, ìlìk wùlìbi waga logolìk, mel yogoisasukwa: “Wene eberogoat ìlùk hinetaùken Yesùt oba hìpìrethesigip mene atì, ning hogoat hìpìrìk logoino. Nit hobuk Ala awe a'ma motok logouogolùk he, ninoba yì aik tì aik hìkì logopik enat kugun o,” ìlùk yogoisìlìk wùlìbi wagaukwa.

LUKAT 18:22

at Yesùt asuk holhikesik he, mel yogosike: “Wene omakeat enek aike hagatì'lek welagen o. Hat hagarok atoma heleleng hogo it alke inoba abasi lano. Abarìk he, oko wokhesugun mene atì it apùnì aike inagarok lek inelageik mene atì motok sùpùrogo wogisano o. Atì'nogo arat wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

LUKAT 13:24

“It apùnì apigat, kwe hamùlùkkwe kuogolùk walhogoin meneat he, mea asigin atì nen he, hit kwe hamùlùkkwe atì ba kuageip en he, hinomamerogo hagatì logoiho, ìlùk yogohisìkì lagì.

MATÌÙT 27:32

Yesùt ebe wasuogolùk wolok, o silimo nen arat wùlìbi wagaukwasik, waganem, ap aike etage Simon, aua o Kirene mene inom apì agaukwasik he, inane keirogoat mel yogosukwa: “Yesùt e ba menhìlìk wasugun mene e yì hat woginabin o,” ìlùk yogosukwa.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.

IBERANI 13:13

Atì'nogo wa'lagaike atì nen, nit kweangma yoma motok logousak lek. We, nit hobuk o motok logogun mene heratì lago atì nen he, at Yesùt apùnì nen inane lì'nù tìng-taung hogo yogotì lagaukwa atì hak, nit atì'nogo yogonisiko kolek, at oba leget abel etakwe wùlìpi logouok o.

2 TESALONIKA 3:11

Wene atì'nogo yogohisasugu meneat he, it aike nen he, “Apùnì it mene aike inokawerek ineyabu meneat helìgì'lek logolìk, it aike inawene meneat talepogoke ìlìk nùgì,” ìlùk yogonisagama ninasuk holhosik en yogohisogo atì.

1 KORÌTÙT 9:19

An he, apùnì inatitigeke welagì hùk. Nalepma welagì meneat he, apùnì inebe apigat Karìsùt hesik woginabigìlùk he, apùnì obogat inatitigeke arik nìgìrek o.

1 KORÌTÙT 8:13

Halok he, nekarek mene atì ba nen an nagaiyak ebe weagatheinogo ìlùk he, at hesik he, an wam tùgì hareken ako warek mene kùrìk nìkì'lek motok herakhìkì logogin o.

YOHANET 19:17

Wolok wùlìbi wesuogolùk he, e Yesùt ebe menhìlìk wasugun mene a'nogo okawerek en wolok loagalùk omolo ba hesukwasik, tom nit ninane ba re, etage inùkùloak palek ùkùl oba u hak, it apùnì lberani mene inane ba re, etage Kolkota atì wùlìbi wagaukwa.

LUKAT 20:45

At Yesùt en wene atì'nogo yogoisikenem, apùnì obogat inasuk holek werek kolek, it at agoromì ane wanhì lagaukwa mene amanogo mel yogoisasike:

MAREKÙT 10:21

at Yesùt eileken oba hìlìk etawì arìk he, mel yogosike: “Hat he, wene omakeat enek aike hagatì'lek welagen o. Hat yoma nen lìlìk he, hagarok yì mene tì mene atoma obogat it aike inoba abasi lan o. Abarìk he, oko wokhesugun mene atì, it apùnì aike inagarok lek inelageik mene atì sùpùrogo wogisano. Atì'nogo wogisegen halok he, hat pogot oba mene hùkoat esewerek asigin o. Halok, atì'nogo arat sùpùrogo wogisalùk he, an nopolik nìkì logoinok en we'no,” ìlùk yogosikomo,

MAREKÙT 7:14

At Yesùt en, wene atì'nogo yogoisasikesik he, hobuk apùnì logolek amanogo waisasikomo wagaukwama, aike mel yogoisasike: “An wene igin yì, hit obogat hùthoageip en he, hinasuk hanorogo holini o.