MAREKÙT 8:2 - Ala Ane Wene Ket Mene Warogo Wo'ninapike Wene

² “Nagoromì yì sani. It apùnì logolek yoma ninom nineki hìnagan oba nogo ogosi'mo nogo nen he, inapùrùk motok lek agama, nena mene nogoin heat haga'lagama werek atì nen, netawì nen netaùken hiselhe.

MAREKÙT 8:2 ပူးပေါင်းရင်းမြစ်များ

MATÌÙT 9:36

Atì'nogo hagarinabìk nìkì logolìk he, apùnì apik eileken lagisìlìk he, “Wam topa warn konharek hak, it yoma koninabu mene lek en yùgùnat sak-pak hogo set yagalek nùgì yoma netawì lak e,” ìlùk etawìrinapike.

IBERANI 5:2

Atì'nogo menhisikenem, it inomame lek mea meneat nogo nen he, it apùnì aike atì'nogoat wene inokot logolìk nong-hong hogo hagatarek atì, hùthìlìk he, inebe inetawìrinabìk it hesik inoba heanerogo elok hagatarek atì.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

LUKAT 15:20

Atì'nogo akìlìk, o welagaike ba a'nogo hebisalùk he, opase a'nogo oba wesigìlùk oan waganem, at opase a'nogo nen walegat waga kolek eileken lakhìlìk he, etaùken abolok ìlìk, humusek lìlìk he, oake holuk hogo hai ape saluk-saluk wasike.

LUKAT 7:13

eileken lagisasike. Lagisìlìk he, ninoe Etagepogot en he, he soge a'nogo eileken hìlìk he, etawì arìk he, mel yogosike: “Nerei. Le aga hùk o,” ìlùk yogosikesik he,

MAREKÙT 9:22

At mokareke oabùt weak mene atì nen, yekerek yì ebe wasigìlùk he, etumo kelapìk, ima pelapìk, ninhùp-nanhùbat walhiko welagarek o. Mene re, hat en elok hagasusak halok he, hetawì arìk ou arì haga'nisan o,” ìlùk yogosike.

MAREKÙT 6:34

Lagaukwasik he, at Yesùt so a'la nen inoba wùlìpikesik, eileken apùnì logolek amanogo lagisìlìk etawìrinabìk, mel isike: “It yoma wam topa wam konharek hak, ap koninabu mene inebe lek en werek yì, netawìlak e,” ìlùk yì wene tì wene apigat yakùlisasike.

MAREKÙT 5:19

at Yesùt en he, mel yogosike: “Lek o. Haua lano o. Lìlìk he, ninoe Etagepogot a'nogo nen etawì nììlìk he, yì'nogo haga'nape, ìlùk hogogi hagoromì yogoisa lano,” ìlùk asuk warogo lakhesike.

MAREKÙT 1:41

Yogosikomo re, at Yesùt en, at ebe etawì arìk he, eki hakìlìk mel isike: “An nen hano hagathabigìlùk ìkì lagì. Halok he, hoba hano ame o,” ìlùk yogosike.

MATÌÙT 20:34

Atì'nogo yogosukwama re, at Yesùt en etawìrinabìk he, eki ineileken oba hagisasikomo re, aremnogoat hano agaukwasik, Yesùt opoligat lagaukwa.

MATÌÙT 14:14

It alebagìk lagaukwasik were'ma, at Yesùt i so warogo laga lagaikesik, so a'la nen inoba wùlìpikesik, eileken lagisìlìk etawìrinabìk he, it aike ou weak mene hùgì hagarinapike.

IBERANI 2:17

Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.

MAREKÙT 6:32

Atì'nogo yogoisasikesik he, at ebe inom inaligat i so warogo, o apùnì inareng le'ma lagaukwa.

MAREKÙT 8:3

It sùpùrùk welegat inaua laksamo, it he'na inaua walegat en wagaikasi'mo re, ebekalem laganem ya koranga ta koranga lanogo,” ìlùk yogoisasike.