MAREKÙT 8:15 - Ala Ane Wene Ket Mene Warogo Wo'ninapike Wene

¹⁵ Wùlùpukwasik he, Yesùt en inasuk warogo mel yogoisasike: “It ap Parisi mene mel, at Herotet mel, eken sùpùrùk horoti mene hisuagalùk a'la pelaparek a'nogo mene hake werek atì ba weagathinabinogo ìlùk, hinepe hebelogo logoino,” ìlùk inasuk wasike.

MAREKÙT 8:15 ပူးပေါင်းရင်းမြစ်များ

MATÌÙT 16:6

at Yesùt en mel yogoisasike: “It ap Parisi mene mel, ap Saluki mene mel, eken sùpùrùk horoti mene hisuagalùk a'lakwe pelaparek atì hake mene hesogo werek atì ba weagathinabinogo ìlùk, hinepe hebelogo logoino o,” ìlùk yogoisasike.

MAREKÙT 12:13

Hobuk he, it ap kaintek amanogo nen he, Yesùt eil warogo ane igin oba eken hìlìk ùkùm oba houogolùk, it en it ap Parisi mene aike mel, it ap Herotet werekwe mene aike mel, inom en Yesùt anema wanuagalùk oba laksa wagaukwa.

1 TIMOTÌÙT 6:13

Ala apùnì ninebe mel, yì mene tì mene mel, obogat ninelugu'ninaperek mene a'nogo eilhanemat, Karìsùt Yesùt apùnì nen ap Potìùt Pilatùt oba wolok lagaukwama, ane eberogoat pak hogo yogosike a'nogo eilhanemat, wene yì hasuk warogo yogohesigin.

MATÌÙT 14:1

O atem higit he, at Herotet o Kalilea tokwe kain 14 etagepogot welagaike mene atì, Yesùt en hagatì lagaike mene abok holhikesik he,

2 TIMOTÌÙT 2:14

Wene yogohetì mene atì obogat it aike ina'la eberogo yogoisìkì logoino. Yogoisìkì logolìk, we, inane mene hesigat serep arì'lùgì atì Ala eilhanem inasuk hanorogo watì logoino. Ati'nogo serep arì'lùgì atì ba, hano haga'lasigin lek o. We, it aike inasuk holìk, weak asugunat o.

1 TIMOTÌÙT 5:21

Wene yogohetì mene atì, hat en he, apùnì aike helokoma hisìgìk, aike hapotma hisìgìk, ìgì'lek higit hogo yogoisìkì logoino, ìlùk Ala mel, Karìsùt Yesùt mel, ineilhanemat, malaikat Ala nen wenaginapikesik yoko pelaksa wagarek mene mel, ineilhanemat yogohetì atì.

LUKAT 12:15

apùnì apik amanogo mel yogoisasike: “Apùnì inagarok apik welagarek atì ba ineluk welagaikarek lek o. Yì mene tì mene an mene nek logoilep, ìlùk ina'la akìkì logoinogo ìlùk hinepe hebelogo logoino o,” ìlùk atì'nogo yogoisasikesik he,

MATÌÙT 14:3

At Herotet en Yohanet hageat wasike atì re, wene yì'nogo. At kain Herotet en he, agot Pilipùt agwe Herotìa atì telogo wanhike atì nen, at Yohanet en he, Herotet mel yogosike: “He Herotìa wanusak le'ma wanhen atì, waganek logousak mea o,” ìlùk yogosike atì nen he, Yohanet ebe eki hele warogo re, o eki hele warogo hisagarek oba kelakhesikesik wasigìlùk isike meneat he, it apùnì nen he, “Yohanet atì Ala ane yogoisikerek mene,” ìlùk egaresi'mo re, wasu ayùk agaike.

MATÌÙT 14:6

Meneat he, o at Herotet atì ebe ta'lagaike ha higit asi wagaikomo re, pesta hagatì logolìk, at he Herotìa eak salisik mene atì, apùnì apik inekele'ma nen etawì ouak sogop holok hogo lagagìk pìgìk watenem he, at kain Herotet atì a'la hai hakasike.

MAREKÙT 8:14

I yekelek a'nogo aik ìlìbakwe wùlùbuogolùk he, Yesùt agoromì amanogo sùpùrùk horoti mene lì'mathùlùk omakeat enek i so a'la wolok wùlùpukwa.

MAREKÙT 8:16

Inasuk atì'nogo wasikomo re, it-it ìkì logolìk, mel isukwa: “Nit sùpùrùk horoti mene lek atì nen ike hìgì,” ìlùk ìkì lagaukwama re,