MAREKÙT 8:13 - Ala Ane Wene Ket Mene Warogo Wo'ninapike Wene

¹³ Atì'nogo yogoisalùk he, it apùnì amanogo o atoma heraksalùk i so ba kìlìk he, so warogo hobuk i aik ìlì ba wùlùpukwa.

MAREKÙT 8:13 ပူးပေါင်းရင်းမြစ်များ

LAKSASIKE 18:6

Atì'nogo yogoisikenem he, it en he, “Weak ìkì lagen o,” ìlùk abok weak palhì lagaukwama re, at Paùlùt en he, “An wene noba selek o,” ìlùk u hak, asu etakwe mene alolong hesalogo pelaksìkì logolìk he, mel yogoisasike: “Hit hinokawerek en nong akegep halok he, hinoba lopok o. An noba lek o. Hùlì yogotak hùlì nen, an apùnì etakwe mene wene yogoisa legein o,” ìlùk yogoisasikesik he,

YOHANET 12:36

Hit hinebe an lìarinapìrek mane nagainapùrì asuageip en he, an ninom werek kolek yaat, nebe hù'nììlìk hinetaùken noba hìpìrethìkì logoni o,” ìlùk yogoisasike. Wene atì'nogo arat yogoisalùk, it atoma hisalùk, at Yesùt ebe wele'ma hina'lasi lagaike.

YOHANET 8:21

Atì'nogo kamo isukwama re, at Yesùt wene hobuk aike it amanogo mel yogoisasike: “An nebe hobuk legeinat o. Lìlìk atoma werek kolek, hit an hera'nabugun meneat he, o an legeinmo atoma hit lasak mea atì nen he, hit weak hagatì lagep mene ùkùm hinoba werek kolegat hinebe wa'lasugun o,” ìlùk yogoisasikomo,

LUKAT 8:37

Atì'nogo yogoisasukwama, it apùnì o kota Kerasa mene mel, o esakokwe mene mel, inebe obogat inayùk apik agaukwasik he, Yesùt mel yogosukwa: “Yesùt. Hat hebe ninom yoma logousak lek. Lan o,” ìlùk yogosukwa. Atì'nogo yogosukwama, at Yesùt i so a'la kìlìk warogo re, apotkwe wagaike.

MATÌÙT 15:14

Ineileken mùm logolìgat he, kwe lisìlì'lùgì atì hebisani o. At aike eileken mùm mene nen, at aike atì'nogo eileken mùmat mene yogotì logolìk he, Kwe yìkwe lù, ìlùk eki hagasogo wolok legein halok he, eperagat holugu i kaluk wagane'ma pile wo'laka pugun o,” ìlùk yogoisasike.

MATÌÙT 7:6

Atì'nogo yogoisasikesik he, aike mel yogoisasike: “Ala hesik hisagarek mene atì yeke wogotenem hobuk lagak hogo aik en lìbìlhinabinogo ìlùk, wogotùp o. Nen, hinalìlìke hano oko apik mene atì, wam wogotenem esok en lìlìbùk warogo laksanogo ìlùk, wogotubat o,” ìlùk yogoisasike.

MAREKÙT 8:12

Yogosukwama re, at ane agaukwak a'marogo isikesik he, mel yogoisasike: “Hit apùnì o yogotak welagep yoma nen ìkì logolìk he: Nit en hùthagagùkwe hat en elalin mene aike hagasin he, ìlùk yogoneti lagep yoma re, nahalok. An nane eberogoat yogohisak: Hùthanuageip ìlùk an nen elalin mene aike hagasigin motok lek o,” ìlùk yogoisasike.

MAREKÙT 8:14

I yekelek a'nogo aik ìlìbakwe wùlùbuogolùk he, Yesùt agoromì amanogo sùpùrùk horoti mene lì'mathùlùk omakeat enek i so a'la wolok wùlùpukwa.

LAKSASIKE 27:2

Atì'nogo inebe at eki ba hesukwama, i so ebe o Ateramìtìùm en wolok wagaukwasik were'ma, apùnì o propinsi Asia i so kikerek obakwe lopok pelaksìlìk wesuogolùk ikenem, ap Arisitarekùt, aua o propinsi Maketonia kota etage Tesalonika mane ninom, i so atì a'la kisugusik wagagu.