MAREKÙT 7:9 - Ala Ane Wene Ket Mene Warogo Wo'ninapike Wene

⁹ Atì'nogo yogoisìlìk, wene aike mel yogoisasike: “Hit hinetaùken motok kagalek yì nayùk e! Hinapu hinopalak hagatì lagaukwa mene atì ning hogo hesogo logouogolùk he, wene Ala nen ninasuk wasike wene atì sagalogo heraksìkì lagep atì hano hìgì,” ìlùk inekalì wasike.

MAREKÙT 7:9 ပူးပေါင်းရင်းမြစ်များ

KALATIA 2:21

Ala oabùt hano nen hano'ninaperek wene atì an nen sagalogo heraksìgìrek lek. Wene Ala nen ninasuk wasike wene a'nogo ba, ùkùm ninoba mene korogo wokhìlìk ninom ninapotkwe hùnogo hinanilepma re, Karisùt wa'lagaike atì we tùlemat alemarogo wa'la'lep o.

MAREKÙT 7:13

Ati'nogo ìkì lagep atì ba, hinapu hinopalak hagatì lagaukwa wene wanhigisip he, Ala ane sagalogo heraksìkì lagep atì. Ati hak, wene aike apigat hagatì lagep mene weregat o,” ìlùk yogoisasike.

MAREKÙT 7:3

Ineileken atì'nogo isasukwa atì re, apùnì Parisi mene inomat, Yahuri mene aike inomat, inebe obogat he, inapu inopalak inawene hesogo logolìk, ineki bakwe horatì'lek sùpùrùk nasak motok lek ìlùk ìkì logolìk ineileken isasukwa atì.

2 TESALONIKA 2:4

At atì ebe weinam arik, Ala awì wùrì'mo melasi kìlìk, okawerek en hogorakìkì logolìk he, “Apùnì nen, yì mene tì mene oba hìpìrìk logolìk hogoratarek mene mel, Ninopase ebe yì, ìlùk egarek mene atì obogat mel, mea enek meneat he, esin Ala nebe anat o,” ìlùk ìkì logogin atì.

ÙRÙM 3:31

Halok he, ninetaùken at oba hipirethìkì logolìk he, wene Ala nen ninasuk wasike wene a'nogo sebelhì lago he a? Lek o. At ane atìat omamethìkì lago.

MAREKÙT 7:5

Atì'nogo egarek atì nen he, it Parisi mene mel, Ala ane helal waganek esewerek mene mel, inom en, Yesùt mel yogosukwa: “Yesùt It ap hat hagoromì hane wìlì'lùgì mene yoma nen, ninapu ninopalak hagatì lagaukwa higit hogo hagatì'lek yùgùnat hagatì logolìk ineki bakwe horatì'lek sùpùrùk yùgùnat nìlì'lùgì atì nahalok,” ìlùk yogosukwa.

2 KORÌTÙT 11:4

It aike hinoba wìrìk he, nit en hano wene Yesùt hagasike wene yogohisasugumo wanhigip hak, yogohisìgì'lek. We, hùnogo mene yogohisikenem he, Ala Areagùn wanhigisibat he, hobuk aike mene areagùn wanhìk, hano wene wanhigisibat he, hobuk wene hùnogoat mene wanhìk, hina'la hairogo wanhì lagep hisìkì lagì o.

KALATIA 1:14

Wena nit Yahuri mene ninopalak en yakùlnisasukwa mene a'nogo hesogo logolìk he, it an nagaiya'lak ninom higit mene nen wene ina'la seram hogo hagato kolek, an enek he, ekin hogoat hagatì lagagi atì.