MAREKÙT 7:7 - Ala Ane Wene Ket Mene Warogo Wo'ninapike Wene

⁷ Wene apùnì inane meneat he, an nen isigi mene negen yakùlisìlì'lùgì atì nen he, we tùlemat an hogo'nabì'lùgì o, ìlùk isikomo Yesaya nen helal waganogo hesikomo werek atì, hit hesigat isike o.

MAREKÙT 7:7 ပူးပေါင်းရင်းမြစ်များ

MATÌÙT 15:9

Wene apùnì inane meneat he, an nen isigi mene negen yakùlisìlì'lùgì atì nen he, we tùlemat hogo'nabì'lùgì o, ìlùk isikomo, Yesaya nen helal waganogo hesikomo werek atì, hit hesik higit hogoat isike o,” ìlùk yogoisasike.

YAKOBÙT 1:26

Nen, sa nen, “An Ala awe a'ma logolìk higit hogo hagatì lagì,” ìlùk, akìkì logolìgat he, ane elùgùn ware'lek yùgùn-yagan ikerek halok, okawerek en lalìkì logolìk, Ala a'la hanorogo hagatì lagì salek, we tùlemat hagarì'logo o.

KOLOSE 2:22

Wene atì, apùnì nenat, yì mene tì mene nikenem lek agarek mene hesigat, “Yì'nogo hagatì logouok,” ìlùk wene palek hagat inasuk watìk, yakùlisìgìk, ìlì'lùgì atì.

MATÌÙT 6:7

Halok he, hit en sapan ìkì logolìk, it apùnì etakwe mene nen egarek hak ìkì logogùp o. It atì sapan ìkì logolìk, ina'la nen he, Uan-aban ìkì lagì atì nen, ninopase pogot oba mene asuk holigin o, ìlùk, lisìlì'-lasìlìk egarek atì.

TITUT 3:9

Mene re, apùnì inetaùken lek en wene serep agaikarek atì mel, inebe ta'larìk wagaukwa mene ero ba nen pìlìngìtarek atì mel, Ala nen ninasuk wasike wene a'nogo hesik, wene palharesik apùnì inom weak agaikarek atì mel, obogat atì ba hano asigin le'ma, we, tùlemat ìlì'lùgì ìlùk, hat en heraksìkì logoino.

ABÌKAKAN 22:18

An Yohanet en hit aike wene hobuk haga'lasigin wene an yogonete mene atì hinasuk holugun mene hinebe lopok, wene aike yì yogohisak: “Sa nen wene helal wanhì mene yì werek kolegat, wene hùnogo mene oba labelhe halok he, Ala nen apùnì ùkùm inoba hìlìk weagarinabigin ìlùk ike mene helal waganogo hìgì mene yì higit hogoat, Ala nen at atì ùkùm aike inom oba labelogo oba hìlìk ebe weagathegeinat o.

YAKOBÙT 2:20

Hat hebe kepù negen ìkì lagen atì rì! Ala eberogoat ìlùk atì mene nek akìkì logolìk, heki ba leberisìgì'lek halok, we tùlemat akìkì lagen ìlùk enagat hùthanogolùk wene yì yogohesik.

1 KORÌTÙT 15:14

At Karìsùt wa'lagaikesi'mo nen Ala nen elugutheilep le'ma re, nit en wene we tùlemat yogoisìkì logoilo. Nen, hit en hogo re, wene eberogoat ìlùk wanhigip atì re, we tùlemat wanilep o.

1 KORÌTÙT 15:58

Atì nenat, nerùgì nagaiya'lak. Hinebe netawì. Hinetaùken wurik hogo, hapuk hogo logoino. Ninoe Etagepogot ninom hutik logolìk he, at hesik yì mene tì mene hagatenem alema'lasigin lek o, ìlùk, hùkorogo hagato motok logoino o.