MAREKÙT 7:37 - Ala Ane Wene Ket Mene Warogo Wo'ninapike Wene

³⁷ Atì'nogo yogoisikenem he, it en apik hogoratì logolìk he, mel ìkì lagaukwa: “At en, yì mene tì mene hano nek hagatì logolìk, apùnì hagarinapenem he, inesako togùm mene huak ìlìk inasuk holhìk, inane lek mene inane hano agìk, ìlì'lùgì atì nayùk e!” ìlùk apik hogorasukwa.

MAREKÙT 7:37 ပူးပေါင်းရင်းမြစ်များ

MAREKÙT 6:51

Atì'nogo yogoisasikesik he, i so a'la inoba kisikomo re, sogoi a'nogo palagaike. Palagaikomo, it en he: “Egi! Nayùk e,” ìlùk apik hogorasukwa.

MAREKÙT 5:42

Atì'nogo yogoto kolek aremnogoat, helekerek a'nogo ebe ta'lagaikesik oba nen, mo lagagìk, pìgìk, iko kolek, 12 tahun haga'lagaikesi'mo nogo nen he, ebe melarìk, o hùlùkwe lagìk, wagìk, isike. Atì'nogo hagasikomo, it apùnì amanogo ineileken hasukwasik, “Egi! Nayùk e,” ìlùk apik hogorasukwa.

MAREKÙT 4:41

inayùk apik agaike. Inayùk apik arìk he, it-it ìkì logolìk mel isukwa: “Egi! Ap yì sa akegep. Sogoi mel, i ha'labu mel, at ane ikenem hologo lek aga atì, nayùk e!” ìlùk hogorasukwa.

MAREKÙT 2:12

Atì'nogo lakhesikomo re, ap a'nogo mel agaikesik he, aremnogoat alit a'nogo helalùk it apùnì amanogo obogat ineilhanem wùlìpike. Atì'nogo hagasikomo, it apùnì amanogo obogat en he, mel isukwa: “Egi! Nayùk e. Nit yoma alebat apùnì aike nen yì'nogo aike hagatenem hogorek lek mene hagate yì nayùk e,” ìlùk Ala hogorasukwa.

LAKSASIKE 14:11

At Paùlùt en atì'nogo hagasikomo re, it apùnì logolek amanogo ineileken hasukwasik he, it apùnì o Likaonia mene inane ba mel isukwa: “Ap yì inebe walhobak meneat he, apùnì hake haga'larìk en, alì'luk hogo ninoba pi wagaika yì,” ìlùk inane amì'mìt hùkorogo sup isukwa.

LUKAT 23:41

Nit he, weak hagatì lagoma ninoabùt oba ninoasusak higit hogoat ninoata meneat he, at yì nek he, weak aike atì'nogo hagatì'lek o,” ìlùk yogosikesik,

MAREKÙT 1:27

Wùlìpikomo re, it apùnì amanogo nen mel isukwa: “At ane ike atì nìkìnìk. Wene atì ket hùnogoat wene esewerek en yakùlnisìlì'logo hìgì. At en mokareke oabùt weak mene wenagisikenem he, at ane inasuk hologo hagarì'lùgì atì nayùk e!” ìlùk hogorasukwa.

MATÌÙT 9:32

O atoma nen wùlùpenem he, it apùnì aike nen ap aike mokareke oabùt weak mene a'la kisikomo ane lek motok welagaike mene Yesùt oba wolok wagaukwa.

MAREKÙT 7:36

Ane hano agaikomo re, at Yesùt en apùnì amanogo yogoisìkì logolìk he: “Hit en apùnì aike motok yogoisagùp o,” ìlùk inasuk hobugalep wato kolegat he, it en hobuk inane ebenageik hùkorogo yogoisìkì lagaukwa.

MAREKÙT 8:1

Atì'nogo hagasukwama nen ineki hamùlùgat aike welagaukwasik en, apùnì logolegat hobuk Yesùt oba atogosi wagaukwa. Atì'nogo wagaukwasik sùpùrùk motok lek agaikomo re, nena mene na heat haga'lagaike. Atìnogo haga'lagaikomo re, at Yesùt en agoromì ane wanhì lagaukwa mene amanogo waisasikomo wagaukwama re, mel yogoisasike: