MAREKÙT 7:34 - Ala Ane Wene Ket Mene Warogo Wo'ninapike Wene

³⁴ Atì'nogo hìlìk eileken pogot oba lìakhìlìk he, ane agaukwak a'marogo isikesik he, nit ninane ba: “Huak in,” u hak, it inane ba: “Epata,” ìlùk yogosike.

MAREKÙT 7:34 ပူးပေါင်းရင်းမြစ်များ

YOHANET 11:41

it en helep a'nogo lekalogo lakhesukwama re, Yesùt eileken pogot oba lìakhìlìk he, mel isike: “Ala nopase. An nane hasuk holhen atì nen he, hai wathapì lagì o.

MAREKÙT 6:41

Atì'nogo arat hù'larik lagaukwama re, at Yesùt en sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo horoti aremnogo kùrogo re, agoromì ane wanhì lagaukwa mene nen apùnì logolek amanogo sùpùrisoagalùk wogisasike. Nen, ikan pìre aremnogo atì'nogoat it obogat sùpùrisoagalùk kùrogo wogisasikeat.

MAREKÙT 5:41

Kisukwasik, eki hakìlìk he, nit ninane ba, “Hele yì, na'logo. Mela'nogolùk yogohetì lagi o,” ìlùk u hak, it inane ba: “Talita kum,” ìlùk yogosike.

LAKSASIKE 9:34

Eileken hìlìk he, mel yogosike: “Eneat nagaiyak. Yesùt Karìsùt en hagathape o. Halok, melarìk he, hebe talogo nogo ìkì lagen mene aroma ìkìlogo hein o,” ìlùk yogoto kolek, aremnogoat siak hogo melagaike.

YOHANET 11:33

it apùnì Yahuri mene Maria opolik wagaukwa mene amanogo inomat le aganem, at Yesùt en eileken isìlìk, it etawì nen etaùken hiselhikomo re, inoba hinok wogisìkì logolìk he, mel yogoisasike:

MAREKÙT 15:34

Mùm werek kolek, jam 3 arat asi lagaikomo re, at Yesùt en Ala mel yogosike. Nit ninane ba re, “Nopase Ala! Nopase Ala! An nahalok herakhanhen,” ìlùk u hak, it inane ba re, “Eloi! Eloi! Lama sabakhtani!” ìlùk ane hùkorogoat yogosike.

MAREKÙT 8:12

Yogosukwama re, at ane agaukwak a'marogo isikesik he, mel yogoisasike: “Hit apùnì o yogotak welagep yoma nen ìkì logolìk he: Nit en hùthagagùkwe hat en elalin mene aike hagasin he, ìlùk yogoneti lagep yoma re, nahalok. An nane eberogoat yogohisak: Hùthanuageip ìlùk an nen elalin mene aike hagasigin motok lek o,” ìlùk yogoisasike.

LAKSASIKE 9:40

Ìnùkhasukwama re, at Peterùt en ineba obogat wulaksìlìk, eitep awì yagasogo sapan isikesik en, elokwe hebek hogo warek a'nogo wogorìk he, “Tabita. Melame o,” ìlùk yogosike. Yogotenem, aremnogoat eileken hekenaìk he, Peterùt ebe eileken hìlìk melagaikesik alakwe yamuk hogo hù'lagaike.

YOHANET 11:43

hobuk ane hùkorogo Lasarùt mel yogosike: “Lasarùt. Wùlìbi me o!” ìlùk yogosikomo,

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

YOHANET 17:1

At Yesùt en wene atì'nogo yogoisasikesik he, at ot hìok hogo eileken pogot oba lìakhasikesik he, mel isike: “Nopase. An haga'nabugun a'nogo arat asi waga o. Hat en hageat apùnì aike wo'nesigin mene hùgì inebe lopok an haput en hagarinabumo ineluk motok logouagalùk apùnì obogat neki ba hesigin atì nen he, hat hebe esinethageik en, an haput esinethani me o, nopase.

YOHANET 11:38

Ati'mogo isukwama, at Yesùt etaùken hiselhikomo re, warek ebe amoulama aka holele'ma helep te'mek hogo hei lagaukwa ba atoma ha lagaike.

YOHANET 11:35

at le agaikeat.

LUKAT 19:41

At Yesùt en atì'nogo yogoisalùk horok hogo asi pisukwasik, at Yesùt eileken o kota Yerusalem a'nogo lakhìlìk he, ouak le agaike.

LUKAT 18:42

at Yesùt en he, mel yogosike: “Heileken mùm arì hano ame o. Hat hetaùken noba hipìrethegen atì baat hano agen o,”

LUKAT 7:14

yekerek warek e yerogo wolok wagaukwa a'nogo era'lu lìlìk he, eki hakasike. Eki atì'nogo hakikenem apùnì nen warek e ye'lùk wagaukwa mene amanogo melagaukwa. Melagaukwama re, at Yesùt en yekerek warek a'nogo yogotì logolìk he, mel isike: “Naput yì! Heluk ame ìlùk yogohetì lagì o,” ìlùk yogosikomo re,

MAREKÙT 1:41

Yogosikomo re, at Yesùt en, at ebe etawì arìk he, eki hakìlìk mel isike: “An nen hano hagathabigìlùk ìkì lagì. Halok he, hoba hano ame o,” ìlùk yogosike.

MAREKÙT 7:35

Atì'nogo yogoto kolek aremnogoat, esako a'nogo huak ìgìk, ane kut lùgùlùgì a'nogo higit agìk, isikesik he, ane hano isike.