MAREKÙT 7:28 - Ala Ane Wene Ket Mene Warogo Wo'ninapike Wene

²⁸ Atì'nogo yogosikomo, at he a'nogo nen he, mel yogosike: “Ì noe. Eberogoat egen. Mene re, yekerùgì nen sùpùrùk e meja talek oba nìkì logolìk eken weagarogo nen pelapenem he, yeke meja a'ma logolìk nikeregat o,” ìlùk isikomo re,

MAREKÙT 7:28 ပူးပေါင်းရင်းမြစ်များ

ÙRÙM 10:12

It apùnì Yahuri mene hùnogoat, nen, apùnì Yunani mene hùnogoat, usak lek. Nit obogat ninopase Etagepogot he, Ala omakeat o. Nen at, en wogisoagalùk ayoko hagarek mene hùgì inebe obogat, hùkorogoat wogisikerek o.

ÙRÙM 3:29

At Ala re, nit apùnì Yahuri mene nek ninopase nogo? It etakwe mene ninomat ninopase lek nogo? Eberogoat apùnì etakwe mene ninomat ninopase a.

EPESÙT 3:8

Ala againapùrì mene obogat inetagewerek werek kolegat he, an netage lek, mea mene, at Ala oabùt hano nen, hano wene pìlìngìrogo usak mea mene, Karìsùt en wogisikerek a'nogo apùnì etakwe mene yogoisìlìk nìkì logouagalùk nayoko hìlìk neyabu atì wo'nesikomo welagì.

MATÌÙT 15:27

Atì'nogo yogosikomo, at he a'nogo nen he, “Ì, noe. Eberogoat egen meneat he, at ayeke esewerek atì sùpùrùk e meja talek oba nikenem, eken weagarogo kweangma pike halok he, yeke atì nen nikeregat o,” yogosike.

MAREKÙT 7:27

Ayoko hesikomo at Yesùt en he, mel yogosike: “Sùpùrùk he, yekerùgì tak inalabut ning hogo nasak. Yekerùgì inapùrùk mene wìlìk he, yeke noagalùk lagasusak mea o,” ìlùk yogosike.

MAREKÙT 7:29

at Yesùt en he, mel yogosike: “Hane higit egen atì ba nen, mokareke oabùt weak mene heak a'la nen he, arat henogo wùlùpomo werek atì. Halok haua lan o,” ìlùk yogosike.