MAREKÙT 7:23 - Ala Ane Wene Ket Mene Warogo Wo'ninapike Wene

²³ Yì weak tì weak atì, obogat ina'la nen kagalogo lagai waganem wulaparek atì nenat inebe weagarinaperek o,” ìlùk yogoisasike.

MAREKÙT 7:23 ပူးပေါင်းရင်းမြစ်များ

MAREKÙT 7:15

Apùnì re, yì mene tì mene inapema nen ina'la pelaparek mene atì nen, weagarinabusak lek enek o. Weagarinaperek atì re, wene ina'la nen kagalogo lagai waganem egarek atì nek he, weagarinaperek o.

TITUT 1:15

Ala nen apùnì aike ina'la hanorinape mene hùgì, it hesik, yì mene tì mene wesa lek. Hano nek o. Atì'nogo meneat he, it aike inetaùken Ala oba hìpìrethìgì'lek logolìk, ina'la akìlì'lùgì mene mel, eberì'lùgì mene mel, weagat werek atì nen, it hesik yì mene tì mene hano lek. Weak enek o.

1 KORÌTÙT 3:17

Hit hinebe, at Ala awì wùrìk welagep atì, at meneat welagep o. Halok, hit en Ala awì wùrìk atì weagathoumo re, at en hit weagathinabiginat o.

YURAT 1:8

Atì'nogoat he, it apùnì atì inabì hìlì'lùgì salek inetaùken palek logolìk he, inokawerek inebe weagathakìgìk, ninoe Etagepogot ina'la meathìgìk, pogot oba hogorinaparek mene atì inabok weak ìgìk, ìlì'lùgì atì.

MAREKÙT 7:18

Hinok wanhukwama re, at en he, mel yogoisasike: “Hit hogo re, it hinom higirat wene atì hùthìgì'lek welagep a? Yì mene tì mene inapelekwe kelabìk ina'la pelapenem weagarinabusak lek o, ìlùk hùthìgì'legat welagep hìgì.

MAREKÙT 7:20

Wene atì'nogo yogoisìkì logolìk, aike mel yogoisasike: “Wene ina'la nen kagalogo lagai waganem wulaparek atì nenat inebe weagarinaperek o. Atì'nogo ina'la nen weak mene ebetì logolìk hagatarek he, yì: hìlìmìkìrugì pailak haksìgìk, yogot wanhìk, apùnì inoatìk, ap inagagwi mene pailak haksìgìk, ina'la nen, Apùnì aike inagarok mene an mene nek logoilep, ìlùk akìgìk, yì weak tì weak aike hagatìk, lalinapik, inekalì lek hagatìk, ua palhìk, inabok wiik-weak palhìk, inokawerek en hogorakìgìk, inetaùken lek hagatìk, egarek atì.

MAREKÙT 7:24

At Yesùt en wene atì'nogo yogoisalùk o atoma nen he, o Tìrùt lagai wagaikesik ouma kìlìk, apùnì mel yogoisasike: “It aike inokot logouak eh he, At wagasik, ebe o atoma werek, ìlùk yogoisagùp o. An nabìt,” ìlùk wene palhike meneat he, ebe nìkì'nogo hinago logou heat haga'lagaike.