MAREKÙT 7:15 - Ala Ane Wene Ket Mene Warogo Wo'ninapike Wene

¹⁵ Apùnì re, yì mene tì mene inapema nen ina'la pelaparek mene atì nen, weagarinabusak lek enek o. Weagarinaperek atì re, wene ina'la nen kagalogo lagai waganem egarek atì nek he, weagarinaperek o.

MAREKÙT 7:15 ပူးပေါင်းရင်းမြစ်များ

TITUT 1:15

Ala nen apùnì aike ina'la hanorinape mene hùgì, it hesik, yì mene tì mene wesa lek. Hano nek o. Atì'nogo meneat he, it aike inetaùken Ala oba hìpìrethìgì'lek logolìk, ina'la akìlì'lùgì mene mel, eberì'lùgì mene mel, weagat werek atì nen, it hesik yì mene tì mene hano lek. Weak enek o.

IBERANI 13:9

Atì'nogo logogin atì nen he, it apùnì aike nen yì wene ti wene hunigat mene ba lalhinabinogo. N en, it apùnì alebat inape nekarek mene hesik esinethìlìk hagatì lagaukwa atì ba hano agì'le'ma re, ninetaùken atì ba wurik asusak mea o. We, Ala oabùt hano nen wo'nisikerek atì ba ninetaùken hano wurik asusak o.

MATÌÙT 12:34

Hit hinebe walo nen tagokwe mene yoma sanì! Apùnì nen yì wene tì wene inapema nen egarek atì re, ina'la peserek logolìk kagalogo lagai waganem egarek atì nen he, hit he, hinoabùt weagat logolìk wene hano mene ìkì logousak nogo? Mea o.

1 KORÌTÙT 10:25

Ala ane helal waganogo hìkì logolìk he: “Kweang yì mel, yì mene tì mene kweangma welagarek mene mel, esewerek he, ninoe Etagepogot o,” ìlùk helal waganogo hesukwa atì nen he, yì wam tì wam kùrìk oko wanharek oba were'ma, Tì'nogo hagata mene, ìlùk hinok wokhìlìk hinetaùken ekin asinogo ìlùk hinoake yùgùn elok oko palogo nasak o.

LAKSASIKE 10:28

Eileken isìlìk, mel yogoisasike: “Nit apùnì Yahuri mene nen hit apùnì etakwe mene ninom hùnetìk, nit hinoba kìgìk, usak lek ilùk, wene palek welagarek atì, hinelu. Atì'nogo meneat he, at Ala nen, Apùnì aike mene atì, inom logousak he, wesa mage, ìlùk usak lek o, ìlùk yakùlnetomo re,

MATÌÙT 15:16

Atì'nogo yogosikomo, at Yesùt en he, “Hit hogo re, it hinom higirat wene atì oan hùthìgì'lek welagep a?

MAREKÙT 7:14

At Yesùt en, wene atì'nogo yogoisasikesik he, hobuk apùnì logolek amanogo waisasikomo wagaukwama, aike mel yogoisasike: “An wene igin yì, hit obogat hùthoageip en he, hinasuk hanorogo holini o.

MAREKÙT 7:16

Hinasuk holusak halok he, hanorogo holhì logoni o,” ìlùk yogoisasikesik,