MAREKÙT 6:48 - Ala Ane Wene Ket Mene Warogo Wo'ninapike Wene

⁴⁸ O hi isikesik he, hùako re, sogoi inelokokwe nen hunha wagaikomo re, it so aninirogo watenem, Yesùt eileken lagisasike. Eileken lagisalùk he, o we ìgìlùk etawiì wekelho kolek, at esok i agùm obakwe hìlìk inoba wagaikesik he, inera'lukwe kwanìrogo pìkìt wesigìlùk negen isike.

MAREKÙT 6:48 ပူးပေါင်းရင်းမြစ်များ

LUKAT 24:28

Atì'nogo yogoisasikesik, o Emailt wesuogolùk wagaukwa a'nogo arat asi wagaukwasik he, at Yesùt kwe pìkìrat wesigìlùk negen hagasike.

LUKAT 12:38

“Atì'nogo hagasigin atì re, at ebe o hùbeken tùlem wesigin he a? O etawì wekelho kolek wesigin he a. It serogo were'ma hisa waganem, ina'la hai apik hakogoin o.

YOHANET 1:13

Eserinapikomo, at againapùrì agaukwa atì re, apùnì inagainapùrì taka walok en holelinabìk mep mene logalogo taginaparek atì hak hùk. We, at Ala nenat taginapike o.

MATÌÙT 14:24

Werek kolek, agoromì amanogo i so warogo walegat i eken tùlem asi wagaukwasi'mo nen, sogoi aninirogo inelokokwe nen hunha wagaikomo, i ha'labu hunalogo apik lagakì logolìk, i so a'nogo abel eten-haten hogo hagatì lagaike.

MATÌÙT 24:43

Nen, ap awì esewerek mene aike a'la nen he, O yogotak hùako re, jam tì ba an naua yoma ap aike yogot wanigìlùk kì wesigin, ìlùk, elu logoilepma re, at ebe aua atì kagalek motok were'ma, o pin talogo yogot wani kilep lek, ìlùk, hineluat akìgì.

MAREKÙT 6:47

Lagasikesik he, at aligat punu ba werek kolek, at agoromì amanogo i so warogo i yekelek a'nogo tùlem asi wagaukwa hak, o arat hi isike.

MAREKÙT 6:49

Atì'nogo ikenem be, it obogat en at esok i agùm obakwe hìlìk waganem ineileken lakhìlìk mokat salek ina'maken lìlìk inayùk en inane ngai-wai isukwa. Atì'nogo ikenem aremnogoat, at Yesùt en he, mel yogoisasike: “Nagoromì, hinagùt a'ma. An nebeat waga lagì. Halok, hinayùk agùp o,” ìlùk yogoisasike.

MAREKÙT 13:35

Ati hak, hit hineileken hanorogo logoino, ìlùk yogohisìgì atì, hinoe Etagepogot awì esewerek mene a'nogo apotkwe wesigin atì mera wesigin. O sebe-pebe wesigin a? Hom nogo iko kolek wesigiìn a? Hùp pùlem wesigin a? Sùe ane iko kolek wesigin a. Hit hinokot.