MAREKÙT 6:34 - Ala Ane Wene Ket Mene Warogo Wo'ninapike Wene

³⁴ Lagaukwasik he, at Yesùt so a'la nen inoba wùlìpikesik, eileken apùnì logolek amanogo lagisìlìk etawìrinabìk, mel isike: “It yoma wam topa wam konharek hak, ap koninabu mene inebe lek en werek yì, netawìlak e,” ìlùk yì wene tì wene apigat yakùlisasike.

MAREKÙT 6:34 ပူးပေါင်းရင်းမြစ်များ

MATÌÙT 9:36

Atì'nogo hagarinabìk nìkì logolìk he, apùnì apik eileken lagisìlìk he, “Wam topa warn konharek hak, it yoma koninabu mene lek en yùgùnat sak-pak hogo set yagalek nùgì yoma netawì lak e,” ìlùk etawìrinapike.

LUKAT 9:11

Atoma inalepma kek hogo lagaukwa meneat he, apùnì nen he, “At Yesùt a'nogo o atoma laga o,” ìlùk ikenem, apùnì apik inasuk holhukwasik he, inebe logolegat opolik lagaukwa. Lagaukwama re, at Yesùt en hai warogo woginapikesik he, Ala awe a'ma hisikerek wene a'nogo yogoisìgìk, inoba ou werek mene hagarinapìk, isike.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

MATÌÙT 14:14

It alebagìk lagaukwasik were'ma, at Yesùt i so warogo laga lagaikesik, so a'la nen inoba wùlìpikesik, eileken lagisìlìk etawìrinabìk he, it aike ou weak mene hùgì hagarinapike.

IBERANI 2:17

Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.

MATÌÙT 15:32

Atì'nogo hagasukwasik oba re, at Yesùt en at ane wanhì lagaukwa mene amanogo waisasike. Waisasikomo wagaukwama re, at en he, “Nagoromì yì sanì. It apùnì logolek yoma re, ninom motok logolìk nineki hinagan oba nogo ogosi'mo nogo nen he, inapùrùk motok lek agama nena mene nogoin heat werek atì nen, netawì nen netaùken hiselhe. Sùpùrùk motok nìkì'le'ma atì nen he, ebekwe laganem ya koranga ta koranga lanogo ìlùk, an nen laksasak nabìt hake,” ìlùk yogoisasikomo re,

MAREKÙT 6:33

Laganem he, lt apùnì logolegat ineileken lagisìlìk he: “It a'nogo atì hìgì,” ìlùk hùtsasukwa. Hùtsìlìk he, it inawì sili lopok obogat en i aik obakwe humusegat alebagìk inelokoma atogosi lagaukwasik were'ma, it Yesùt lak amanogo hobuk lagaukwa.

MAREKÙT 6:35

Yakùlisiko kolek, o lìok isikomo re, at agoromì ane wanhì lagaukwa mene amanogo oba wagaukwasik he, mel yogosukwa: “Nit o yoma apùnì inareng le'ma were'ma, o arat lìok ike yì.

MAREKÙT 8:1

Atì'nogo hagasukwama nen ineki hamùlùgat aike welagaukwasik en, apùnì logolegat hobuk Yesùt oba atogosi wagaukwa. Atì'nogo wagaukwasik sùpùrùk motok lek agaikomo re, nena mene na heat haga'lagaike. Atìnogo haga'lagaikomo re, at Yesùt en agoromì ane wanhì lagaukwa mene amanogo waisasikomo wagaukwama re, mel yogoisasike:

MAREKÙT 8:2

“Nagoromì yì sani. It apùnì logolek yoma ninom nineki hìnagan oba nogo ogosi'mo nogo nen he, inapùrùk motok lek agama, nena mene nogoin heat haga'lagama werek atì nen, netawì nen netaùken hiselhe.