MAREKÙT 6:31 - Ala Ane Wene Ket Mene Warogo Wo'ninapike Wene

³¹ Atì'nogo yogotenem, apùnì apik atoma lagìk, wagìk, ikenem he, sùpùrùk nìkì'nogo na heat haga'lagaikomo re, at Yesùt en agoromì mel yogoisasike: “Set hamùlùgat halok waloageip en he, o apùnì inareng le'ma ninalepma kek hogo lùok o,” ìlùk yogoisasike.

MAREKÙT 6:31 ပူးပေါင်းရင်းမြစ်များ

MAREKÙT 3:20

Atì'nogo menhisalùk apotkwe aua pi wagaikomo re, apùnì logolegat hobuk oba atogosi wagaukwama re, Yesùt agoromì inom inapùrùk nìkì'nogo na heat haga'lagaike.

MAREKÙT 1:45

Atì'nogo yogosike meneat he, at a'nogo nen apùnì yùgùnat yogoisìkì logolìk he: “Yì'nogo haga'nape o,” ìlùk abok hano wìagararìk lagaike atì nen he, at Yesùt o kota ya ta atoma kìlìk ebe weinam hogo nìkì logousak mea agaikomo re, leimo apùnì le'ma lagaikesik welagaike. Atì'nogo welagaike meneat he, apùnì o ya ta atoma nen oba atogosi waga lagaukwa.

YOHANET 6:1

Hobuk he, at Yesùt i moge Kalilea, etage aike Tiberiat egaregat atì, aik ìlì bakwe wùlìpike.

MAREKÙT 3:7

Atì'nogo haga'lùk, hobuk, at Yesùt agoromì ane wanhì lagaukwa mene amanogo inomat he, i Kalilea yekelek a'nogo esakoma lagaukwa. Lagaukwama re, apùnì nen he, “Yesùt yì'nogo hagarì'logo, tì'nogo hagarì'logo,” ìlùk abok ikenem, it apùnì o Kalilea tokwe mene logolegat inasuk holìlùk inopolik inopolik laganem, it apùnì o Yurea tokwe mene mel, o Yerusalem mene mel, o Irumea tokwe mene mel, o i Yoretan aik ìlì ba mene mel, o Tìrùt Siron mene mel, Yesùt oba atogosukwa.

MATÌÙT 14:13

Apùnì aike nen he, “Herotet en Yohanet wate,” ìlùk isukwama Yesùt asuk holhikesik, o atoma hebùlùk he, i so warogo aligat kek hago o apùnì inareng le'ma atoma lagaikomo, apùnì inebe motok apik inasuk holìlùk he, inawì sili lopok en i aik obakwe nen opolik lagaukwa.