MAREKÙT 6:30 - Ala Ane Wene Ket Mene Warogo Wo'ninapike Wene

³⁰ It ap Yesùt en inayoko hìlìk laksasike mene amanogo inapotkwe at oba atogosi wagaukwasik he, mel yogosukwa: “Nit en yì'nogo hagato, tì'nogo hagato. Wene yì'nogo yakùlisogo, tì'nogo yakùlisogo,” ìlùk motok pìlìngìrogo yogosukwa.

MAREKÙT 6:30 ပူးပေါင်းရင်းမြစ်များ

LUKAT 9:10

It ap Yesùt en inayoko hìlìk laksasike mene amanogo lìlìk inapotkwe wagaukwasik he, “Nit en yì'nogo hagato, tì'nogo hagato,” ìlùk pìlìngpalang hogo Yesùt yogosi wagaukwa. Atì'nogo yogosi wagaukwama re, at en it wogisek inalepma kek hogo o sili etage Pesaìra atì lagaike.

MATÌÙT 10:2

Ap inebe 12 nen atì, inetage yì: emakum he, Simon etage aike Peterùt ìgìk a'nogo agot Atereat eperak mel, Sepeteùt aput Yakobùt a'nogo agot Yohanet eperak mel,

LUKAT 22:14

Nasak oba arat asi wagaikomo re, at Yesùt en he, agoromì laksagalùk inayoko hesike mene he'nakìt aike inom lagaukwasik, inom nùogolùk hù'lagaukwa.

LUKAT 17:5

Atì'nogo isikomo, it agoromì laksasike mene amanogo nen he, “Noe e! Ninetaùken Ala oba hipìrethogo mene a'nogo wurik asuagalùk aike inom ninomame'ninabin,” ìlùk yogosukwama,

LUKAT 10:17

Hobuk it ap inebe 70 nen laksasike mene amanogo ina'la hai hakìlìk, inapotkwe wagaukwasik he, mel yogosukwa: “Ninoel Nit en mokareke oabùt weak mene atì, hat hetage palogo yogotenem he, ninane esuk holhì laga o,” ìlùk yogosukwama,

LAKSASIKE 1:26

Atì'nogo isukwasik he, “Ap yì menhouok a? Yì menhouok a,” ìlùk oageke sa oba higit asigin inetage salogo walhasukwama, Matìat oba higit agaike. Higit agaikomo, it ap Yesùt en inebe weteberogo inayoko hìlìk laksasike mene amanogo inebe 12 mene 11 agaikomo nen, 12 asuagalùk Matìat inom logouagalùk menhesukwa atì.

LUKAT 24:10

It hìmì amanogo inebe re, Maria awì Maktala mene a'nogo mel, Yohana mel, Maria Yakobùt agosa mel, hìmì he'nakìt amanogo inomat inebe obogat en pìlìngìrogo Yesùt agoromì laksagalùk inayoko hesike mene amanogo yogoisa lagaukwa.

LUKAT 6:13

O we isikomo re, at agoromì ane wanhì lagaukwa mene amanogo waisasikomo wagaukwama re, it mene inebe 12 nen weteberogo hisìlìk he, “Hinebe lakhikegein,” ìlùk menhisasike.

MAREKÙT 3:14

inebe 12 nen menhisìkì logolìk he, mel yogoisasike: “Hit an ninom motok logopik en he, hano wene yogoisìgìk, mokareke inoabùt weak mene apùnì ina'la kìlìk were'ma, an nomame wokhisamo henogo wulaksìgìk, hagarinabìk nìkì logouageip en lakhikegein o,” ìlùk menhisasike.

MAREKÙT 6:29

Atì'nogo hagasukwama, apùnì nen he, “Yohanet atì'nogo watama warek werek,” ìlùk isukwama, it Yohanet agoromì ane wanhì lagaukwa mene amanogo inasuk holìlùk ebe warek a'nogo wani wagaukwasik he, omoula warek hisagarek oba hei lagaukwasik were'ma nen, at Herotet en Yesùt abok holhìkesik, “Yohanet eluk agasik niko hìgì,” ìlùk isike atì.