MAREKÙT 6:2 - Ala Ane Wene Ket Mene Warogo Wo'ninapike Wene

² Lagaukwasik he, ineki sabìt Oba Ala hesik welegat logolìk he, o apùnì Yahuri mene sapan egarek oba inebe logolegat were'ma inoba kìlìk, wene yakùlisasike. Yakùlisikenem, it inebe logolegat amanogo nen he, mel isukwa: “Egi! Nayùk e. Ap yì atì'nogo hagarìk niko atì re, koma nen yakùlhesik hagarì'logo. A'la motok kagalek atì, wene nena wene a'la logolìk yogonisìlì'logo. Eki hagisikenem elalinat hagarinabì'logo atì, nìkì'nogo hagarinabì'logo.

MAREKÙT 6:2 ပူးပေါင်းရင်းမြစ်များ

YOHANET 6:42

“At yì etage Yesùt, ap Yùsùp aput. Nen, at opase agosa ninelu meneat he, at en ìkì logolìk, An nebe re, pogot oba nen pi wagagi, ìlùk ike atì nìkì'nogo nen ike akegep,” ìlùk isukwama re,

YOHANET 7:15

Yakùlisikenem he, it ap kaintek Yahuri mene nen he, mel isukwa: “Egi! Nayùk e. Ap yì sekola hagatì'lek meneat he, yì wene tì wene yoma nìkì'nogo nen elu aga akegep,” ìlùk isukwama,

MATÌÙT 4:23

Lagaukwama re, at Yesùt o Kalilea tokwe o lopok atoma nìkì logolìk, apùnì Yahurì mene sapan egarek obakwe kìlìk he, wene hano wene hobuk ninopase Etagepogot awe a'ma hinegein a'nogo wene yogoisìgìk, yì ou tì ou hagarìnapik, ìkì lagaike.

MATÌÙT 7:28

Yesùt en wene atì'nogo ìlìk waga lagaikesik wene elùgùn warogo isikomo re, it apùnì apik amanogo nen he, “Egi! Wene ike atì, it ap Ala ane helal waganek esewerek mene nen yogonisagarek hake ìlì'logo lek o. We, at en he, wene ebe esewerek mene nen u hak ike atì, nayùk e!” ìlùk hogorasukwa.

LUKAT 4:15

Atì'nogo sak-pak iko kolek, at ebe atoma logolìk, o sapan egarek obakwe kìlìk wene yakùlisikenem apùnì atoma mene obogat en hogoratì lagaukwa.

MAREKÙT 1:39

Yogoisasikesik he, o Kalilea tokwe apùnì Yahuri mene sapan egarek obakwe kìlìk he, wene hano wene a'nogo yogoisìgìk, mokareke inoabùt weak mene apùnì ina'la kìlìk were'ma henogo wulaksìgìk, ìlùk laga lagaike.

MAREKÙT 10:1

At Yesùt en wene atì'nogo yogoisalùk, o atoma hebùlùk, o Yurea pisikesik, i Yoretan aik ìlì bakwe wùlìpike. Wùlìpikomo re, apùnì logolegat hobuk at oba atogosi wagaukwama re, wene ninhùp-nanhùp yakùlisìkì lagaike hagat yakùlisasike.

LUKAT 2:47

Atì'nogo ìkì logolìk, it en hinok wanhenem, at wene motok elu logolìk oko yogoisasike atì nen he, it ap atogorek welagaukwa mene amanogo obogat ane inasuk holhukwasik he, “Nayùk e!” ìlùk hogorasukwa.