MAREKÙT 5:43 - Ala Ane Wene Ket Mene Warogo Wo'ninapike Wene

⁴³ Atì'nogo hogorasukwa meneat he, at Yesùt en he, mel yogoisasike: “An hagatenem hineileken neegep mene atì, apùnì aike motok yogoisagùp o,” ìlùk inasuk wasikesik he: “Hele arì apùrùk aike noak en wogo, ni o,” ìlùk yogoisasike.

MAREKÙT 5:43 ပူးပေါင်းရင်းမြစ်များ

MATÌÙT 8:4

Hano agaikomo re, at Yesùt en he, mel yogosike: “Hat en he, Yesùt en tì'nogo haga'nape, ìlùk, apùnì aike motok yogoisagùn o. We, ap Ala esewerek mene nen eileken heoak en oba lìlìk mel haga'no o. At Musa nen, ìkì logolìk he, Apùnì inoba hano arìk, Ala hesik tì'nogo hisasak o, ìlùk isike higit hogoat hisikenem hùtheoak en he, aike hisa lano o,” ìlùk yogosike.

MAREKÙT 7:36

Ane hano agaikomo re, at Yesùt en apùnì amanogo yogoisìkì logolìk he: “Hit en apùnì aike motok yogoisagùp o,” ìlùk inasuk hobugalep wato kolegat he, it en hobuk inane ebenageik hùkorogo yogoisìkì lagaukwa.

MAREKÙT 1:43

Hano agaikomo re, at Yesùt en ebe lakheigìlùk ane keirogo asuk watì logolìk,

MATÌÙT 9:30

Atì'nogo yogoisiko kolek aremnogoat ineileken a'nogo hano agaukwa. Hano agaukwama re, at Yesùt ane keirogoat yogoisìkì logolìk he, “An hagathinapì mene yi, apùnì inelu asinogo nen he, aike motok yogoisagùp o,” ìlùk yogoisasike.

YOHANET 5:41

“Atì'nogo hagatesep meneat he, an enek he, apùnì nen hogo'nabuagalùk hagatìrek lek.

LUKAT 8:56

Atì'nogo yogoisasikomo, at helekerek a'nogo opase agosa nen he, “Nayùk e!” ìlùk, hogorasukwa meneat he, at Yesùt en he, mel yogoisasike: “Hagatenem hineileken neegep mene atì, apùnì aike motok yogoisagùp o,” ìlùk, inasuk wasike.

LUKAT 5:14

Lek agaikomo, at Yesùt en he, mel yogosike: “Hat en he, Yesùt en atì'nogo haga'nape, ìlùk he, apùnì aike motok yogoisagùn o. We, ap Ala esewerek mene nen eileken heoak en he, oba lìlìk, mel haga'no. At Musa nen ìkì logolìk, Apùnì inoba hallo arìk, Ala hesik tì'nogo hisasak, ìlùk isike a'nogo higit hogoat, Noba henako hake a'nogo lek arìk hano agì, ìlùk, Ala hesik aike hisikenem hùtheoak en he, aike hisa lano,” ìlùk asuk warogo lakhesike.

MAREKÙT 3:12

Atì'nogo yogosukwa meneat he, at Yesùt en mel isike: “At Ala aput, ìlùk nabok yogoisasak motok lek o,” ìlùk ane keirogo wenagisasike.

MATÌÙT 17:9

Atì'nogo haga'lùk he, tom oba a'nogo nen pi waga logolìk, at Yesùt en mel yogoisasike: “An abat ta'lasi wagagi a'nogo re, nebe noatenem wa'larìk were'ma, Ala nen nelugu'napì'lek werek kolek, an haga'laganem hineileken neegep a'nogo apùnì aike motok yogoisagùp o. We, hobuk Ala nen nelugu'nape halok en, yogoisasak o,” ìlùk inasuk warìk warìk pi wagaike.

LAKSASIKE 10:41

Atì'nogo weinamethesike meneat he, apùnì obogat ineileken hìgì'lek. We, alebat at Ala nen, It inebe atemat ineileken hoak o, ìlùk wena'ninapike mene nek, at Yesùt ebe warek were'ma Ala nen eluguthesikomo, nit at ninom logolìk sùpùrùk mel, i mel, ninomat nasugu.

LUKAT 24:30

Kisukwasik inom sùpùrùk nùogolùk he, hù'lagaikesik sùpùrùk horoti mene ekim wanhikesik he, Ala hai warogo kùrogo it aremnogo sùpùrisasike.

MAREKÙT 5:42

Atì'nogo yogoto kolek aremnogoat, helekerek a'nogo ebe ta'lagaikesik oba nen, mo lagagìk, pìgìk, iko kolek, 12 tahun haga'lagaikesi'mo nogo nen he, ebe melarìk, o hùlùkwe lagìk, wagìk, isike. Atì'nogo hagasikomo, it apùnì amanogo ineileken hasukwasik, “Egi! Nayùk e,” ìlùk apik hogorasukwa.

MAREKÙT 9:9

Atì'nogo haga'lùk he, tom oba nen pi waga logolìk, at Yesùt en he, mel yogoisasike: “An abat ta'lasi wagagi a'nogo nebe noatenem wa'larìk en, hobuk neluk agì'lek werek kolek, an nebe haga'laganem hineileken neegep a'nogo, apùnì aike motok yogoisagùp o. We, hobuk neluk agì halok en, yogoisasak o,” ìlùk inasuk warìk warìk, wogisek pi wagaike.