MAREKÙT 5:23 - Ala Ane Wene Ket Mene Warogo Wo'ninapike Wene

²³ “Yesùt noe. An na'logo ebe oan mene oba ou en wa'lasigìlùk iko kolek wagì. Hat en heki hakamo ebe hano arìk eluk logouak en, neperak lùogolùk hayoko wagì o,” ìlùk ane elageik ane yogosike.

MAREKÙT 5:23 ပူးပေါင်းရင်းမြစ်များ

LUKAT 13:13

eki sebelho kolek aremnogoat he, he a'nogo aporoak higit agaikomo, melagaikesik he, Ala hogorasike.

LUKAT 4:40

Leberisiko were'ma, o mo eileken kopok hogo kiko kolek, apùnì nen it aike inoba yì ou tì ou werek mene obogat wogisek Yesùt oba wagaukwama, at en inebe lopok eki hagisìlìk hagarinapike.

MAREKÙT 16:18

Atì'nogo ìkì logolìk, walo apùnì inoaterek mene inekimo wanhìk, it inebe wa'lasuagalùk apùnì wa'lagaikarek mene isoak a'la kelagasogo wogisikenem nìkìk, ugun meneat he, atì nen weagarinapì logogin lek o. Nen, apùnì aike ou wanhenem, it en ineki hagisamo, se aga logogunat o,” ìlùk yogoisasike.

LAKSASIKE 28:8

O at were'ma atoma, at opase oba agaken agaikesik, a'ma horok laga logolìk he, weitek motok welagaike. Weitegat were'ma, at Paùlùt oba kisikesik he, eki hakìlìk, Ala ayoko hesikomo, oba hano agaike.

LUKAT 4:38

Abok atì'nogo wolok wùlùpukwama, at Yesùt o sapan egare'ma a'nogo hebùlù he, ap Simon aua lagaike. Lagaikomo, at Simon atì eamal ou oba agaken apik werek en Yesùt en hagasuagalùk he, ayoko hesukwama,

MAREKÙT 8:23

Yogosukwama re, at en ap atì eki hagasogo wolok o silimo nen legeta'ma wùlìpike. Wolok wùlìbìk he, wesi eileken oba hìlìk he, eki hakìkì logolìk mel yogosike: “Yogotak heileken yì mene tì mene aike lakhìkì lagen a? Lek a,” ìlùk hinok oba wokhasikomo re,

MAREKÙT 7:32

Pisikomo re, it apùnì atoma mene nen he, ap aike esako togùm ane kut lùgùlùgì mene oba wolok wagaukwasik eki hakoagalùk inane inelageik ane Yesùt yogosukwa.

LUKAT 7:12

Laga lagaukwasik, leget pa'leget kwe ape palek oba asi lagaukwa hak he, yekerek aike ebe aligat tago mene agosa soge were'ma wa'lagaikomo re, apùnì o sili a'nogo mene inebe logolegat yekerek warek e yerogo wolok agosa inom wùlìbi waganem

MAREKÙT 6:13

mokareke inoabùt weak mene apigat apùnì ina'la kìlìk were'ma henogo wulaksìgìk, ou inoba welagaukwa mene inebe logolegat eken amusu inùkùl oba pelagasogo hagarinapìk, ìlùk lagaukwa.

MATÌÙT 8:3

Atì'nogo yogosikomo re, at Yesùt en ap a'nogo eki hakìlìk he, “An nen hano hagathabigìlùk ìkì lagì. Halok he, hoba hano ame o,” ìlùk yogoto kolek aremnogoat oumo henako hake inayùk mene a'nogo motok lek arìk ebe hano agaike.

LAKSASIKE 9:17

Atì'nogo yogosikomo, at Ananiat a'nogo lagaikesik he, ouma kìlìk, eki Saùlùt oba sebelhì logolìk he, mel yogosike: “Saùlùt, nagaiyak. Ninoe Etagepogot Yesùt, hat o yoma wesigìlùk kwe ba waganem, helokoma melagama, heileken hegen mene a'naga nen, hat heileken hekenagìk, Ala Areagùn ha'la peserogo ki wagìk, uagaluk lakhani wagama wagì o,”

LAKSASIKE 6:6

inebe 7 atem heragasogo hisìlik he, it ap Yesùt en inayoko hìlìk laksasike mene amanogo inoba hisa wagaukwa. Hisa wagaukwama, it en ineki inùkùloak sebelogo sapan isukwa.

YOHANET 11:3

it hìmì inebe pìre oe agot eperak inerei oba ou atì nen he, Yesùt yogosi loagalùk, apùnì inoba wene warogo laksìkì logolìk he, mel isukwa: “Noe. Lasarùt hetaùken hutik mene a'nogo oba ou himetesik werek o,” ìlùk wene warogo laksasukwama,

MAREKÙT 5:24

Atì'nogo yogosikomo eperak lagaukwa. Laganem he, apùnì motok apik Yesùt opolik laga logolìk kerelek-hoporek ogat oba yìgìrogo lagaukwa.

LAKSASIKE 8:17

Atì'nogo Ala ayoko hìkì logolìk, ineki inoba sebelhenem he, Ala nen Areagùn wogisasikomo helasukwa.

LAKSASIKE 9:12

Sapan atì'nogo ikenem, at abìkakan mel hikomo. Hat Ananiat hebe re, at oba ki lìlìk en, eileken hekenasuagalùk heki oba sebelhenem abìkakan hikomo a'naga,” ìlùk yogosike.