MAREKÙT 5:2 - Ala Ane Wene Ket Mene Warogo Wo'ninapike Wene

² Wùlùpukwasik he, at Yesùt i so a'la nen aik oba wùlùpenem atemat, ap aike omoula apùnì warek hisagarek oba nen wùlìbì wìrìk, Yesùt oba wagaike. Ap atì mokareke oabùt weak mene a'la kìlìk,

MAREKÙT 5:2 ပူးပေါင်းရင်းမြစ်များ

MAREKÙT 1:23

Atì'nogo hogoratì lagaukwa atì sat he, ap aike mokareke oabùt weak mene a'la kisikomo welagaike mene, it apùnì Yahuri mene sapan egarek oba inoba kisike. Kìlìk he, ane hùkorogo mel isike:

MAREKÙT 1:26

mokareke oabùt weak mene a'nogo ap a'nogo a'la nen Wùlìbigìlùk ìkì logolìk, ap a'nogo oak lei'leigethìkì logolìk ane wai ìlìk ìlìk wùlìpike.

MAREKÙT 3:30

Wene atì'nogo yogoisasike atì re, it en he, “Yesùt mokareke oabùt weak mene a'la kikesik werek,” ìlùk isukwa nen, yogoisasike atì.

MAREKÙT 3:9

Atì'nogo atogosukwama re, inebe logolegat ou hagarinapenem he, it ou inoba mene obogat en, apùnì aike hìgìlisìlìk-healisìlìk Yesùt ineki hakùogolùkk oba kìkì lagaukwa atì nen, at Yesùt en, at agoromì ane wanhì lagaukwa mene amanogo mel yogoisasike: “Apùnì apigat ma re, an nera'lu kerelek-hoporek asinogo nen he, i so hamùlùk mene aike hanìlìk logoni o,” ìlùk yogoisasike.

MAREKÙT 4:1

Hobuk he, at Yesùt i Kalilea yekelek a'nogo esakoma logolìk wene yakùlisasike. Yakùlisikenem apùnì inebe apik esa hùkoat oba atogosi wagaukwama re, it inebe i aik oba hisalùk he, at ebe ima i so ba hù'lasi kisike.

MAREKÙT 4:36

It en he, i so Yesùt welagaike ba a'nogo were'ma oba kìlìk he, apùnì logolek amanogo atoma hisalùk, at ebe wolok wùlùpukwa. It wùlùpo kolek he, apùnì aike i so aike ba apìne wùlùpukwaat.

MAREKÙT 5:21

Atì'nogo haga'lùk he, Yesùt i yekelek a'nogo aik yì bakwe so warogo wùlìbi wagaike. Wùlìbi waganem, apùnì esa apik logolegat at oba i esakoma atogosi wagaukwa.

MAREKÙT 5:3

apùnì warek hisagarek oba motok were'ma, apùnì aike nen ninhùp-nanhùp hele posie omaken hele ba eki hele homatìk, esok hele homatìk, homatì lagaukwa meneat he, eki hele tek hogo laksìgìk, esok hele sagalogo tegethìgìk, ikenem he, hobuk yì hele tì hele posie omaken hele inomat walhasukwasik en, nena mene hele ba homasu heat haga'lagaikomo, ebe hakhìlìk oabùt sa nen hebelu heat mea agaike.

MAREKÙT 7:25

Atì'nogo haga'lagaikomo were'ma, at he aike eak mokareke oabùt weak mene a'la kìlìk were'ma, Yesùt abok aremnogoat asuk holìlùk, oba wagaike. He atì re, ebe Yahuri mene lek, we awì ero Siro-Penisia atoma mene, Yesùt awe a'ma eitep awì yagasogo hù'lasi wagaikesik he, mel yogosike: “An neak mokareke oabùt weak mene a'la kìlìk werek en, hat en henogo wulaksanogolùk hayoko wagì o,” ìlùk yogosike.

LUKAT 8:27

Wùlùpukwasik, aik oba wùlìbi lagaukwa hak, ap aike awì sili kota atì mene mokareke oabùt weak mene a'la kisikomo welagaike mene, at Yesùt oba wagaike. Ap atì hageat en mokareke oabùt weak mene ninhùp-nanhùp a'la kikenem, it apùnì aike nen eki esok posie omaken oba homatì lagaukwa meneat he, hele tilip-telap hogo laksìlìk, mokareke a'nogo nen wolok o leimo apùnì le'ma atoma laga lagaikesik he, hobuk su labere'lek alulukwaat, at aua loporogo welagì'lek omoula warek mene hisagarekkwe atoma motok logolìk Yesùt ebe waganem eileken lakhasikesik awe a'ma hù'lasi kìlìk ane hùkorogoat mel yogosike: “Yesùt. Hat Ala Etagepogot aput yì, an nìkì'nogo haga'nabigìlùk wagen,” ìlùk yogotenem, at Yesùt en mokareke a'nogo wùlùbuagalùk yogosikomo, at a'nogo nen: “Noe. Weaga'napùn o,” ìlùk ane lìok hogo yogosike.

LUKAT 9:42

Yogasikomo, yekerek a'nogo Yesùt oba horok hago wolok waga kolek aremnogoat mokareko oabùt weak mene a'nogo nen yekerek a'nogo kweangma tukwak hogo potsikenem he, eki esok senep pùk-pùk hagasike. Atì'nogo hagasikomo, at Yesùt en mokareke oabùt weak mene a'nogo wenagasikesik he, yekerek a'nogo hano hagarogo opase wogosike.