MAREKÙT 4:7 - Ala Ane Wene Ket Mene Warogo Wo'ninapike Wene

⁷ Nen, eken, aike re, pakì were'ma pìlìk lagaike mene re, pakì atì mene hùko aga logolìk he, awì hano mene yago a'nogo palogo pelapikomo kakil arìk he, eken ìtì'lek kamo isike.

MAREKÙT 4:7 ပူးပေါင်းရင်းမြစ်များ

MATÌÙT 13:22

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he, ina'la nen, Yogotak ya hesik nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la eberìk inokawerek en lalìgìk, egarek atì nen he, wene atì ero kakil arìk he, eken ìterek lek atìat o.

MATÌÙT 13:7

Nen, eken aike re, pakì were'ma pìlìk lagaike mene re, pakì atì mene hùko aga logolìk he, awì hano mene yago a'nogo palogo pelapikomo kakil agaike.

MATÌÙT 13:8

Nen, eken aike re, kweang hanoma pìlìk lagaike mene re, hulelhikesik ebe hùko agaikesik eken apik isike. Ero aike eken 100 nen isike. Ero aike eken 60 nen isike. Nen, ero aike eken 30 nen isike.

MAREKÙT 4:6

Hulelhike meneat he, a mo lakhei wagaikomo re omaken yasu lek en he, sawet arìk pùk agaike.

MAREKÙT 4:8

Nen, eken aike re, kweang hanoma pìlìk lagaike mene re, hulelhikesik ebe hùko agaikesik he, eken isike. Ero aike eken 30 nen isike. Ero aike eken 60 nen isike. Ero aike eken 100 nen isike,” ìlùk yogoisasikesik he,

LUKAT 12:15

apùnì apik amanogo mel yogoisasike: “Apùnì inagarok apik welagarek atì ba ineluk welagaikarek lek o. Yì mene tì mene an mene nek logoilep, ìlùk ina'la akìkì logoinogo ìlùk hinepe hebelogo logoino o,” ìlùk atì'nogo yogoisasikesik he,

LUKAT 21:34

At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,

LUKAT 8:14

Nen, pakì api'mo pisike atì ebe re, it apùnì aike Ala ane atì inasuk holharesik enat ina'la nen he, Eige. Nìkì'nogo hagasigin he, ìlùk, wenesùgì ebetìk, Nagarok apik logoilep e, ìlùk ina'la ebetìk, kweangma mene ina'la hai hakasak mene oba ebetìk, egarek atì nen he, ina'la Ala ane atì eken wurik agì'lek lologo lek agarek atìat o.

LUKAT 8:7

Nen, eken aike re, pakì ekele'ma pisike mene re, paki atì inom omakìkwe hulelhikesik, awì hano mene a'nogo pakì atì nen palogo pelapikomo kakil agaike.