MAREKÙT 4:38 - Ala Ane Wene Ket Mene Warogo Wo'ninapike Wene

³⁸ Ati'nogo iko kolek he, Yesùt ebe so alakoma ùkùloak legesogo su inùkùloak legesogo nogo egarek mene ba nogo ikenem agoromì amanogo nen eluguthesukwa. Eluguthìkì logolìk he, mel yogosukwa: “Noe. Nit i logoin yoma ninebe hetawì lek?” ìlùk yogosukwa.

MAREKÙT 4:38 ပူးပေါင်းရင်းမြစ်များ

MATÌÙT 22:16

Abok palhì lagaukwasik he, ap it inagoromì inane wanhì lagaukwa mene mel, it ap Herotet werekwe mene mel, Yesùt oba wene hinok wanuagalùk laksa wagaukwama it atì wagaukwasik he, mel yogosukwa: “Yesùt noe. Hat hoabùt he, wene eberogoat enek ìkì logolìk, Ala a'la nen, Apùnì tì'nogo hagatì logouak, ìlùk akikerek mene eberogoat yakùlnisìkì lagen atì nit ninelu o. Apùnì inebe hayù'legat logolìk inelokoken oba nek isìlìk he, aike helokoma hisìgìk, aike hapotma hisìgìk, egetek lek hììkì lago.

MATÌÙT 8:25

Nogo ikenem, agoromì era'lu wìrìk eluguthìkì logolìk he, mel yogosukwa: “Yesùt. Nit i logoin yoma re, telninabumo re,” ìlùk yogosukwa.

MAREKÙT 4:37

Atì'nogo wùlùpenem, sogoi aninirogo hunha wagaikomo re, i ha'labu hunalogo lìapì logolìk, kesalogo so a'la kisikomo apem hesok igìlùk isike.

MAREKÙT 4:39

Yogosukwama, at eluk agaikesik he, sogoi a'nogo wenagatì logolìk, “Habolo'lek ame,” isikesik, i a'nogo yogosikesik, “Hane lek ame,” ìlùk yogosikomo re, sogoi palagìk, i ha'labu motok hapuk ìgìk, isike.

LUKAT 8:24

Atì'nogo hagasikomo, it amanogo nen, at Yesùt nogo ikenem eluguthìkì logolìk he, mel yogosukwa: “Ninoe! Ninoe! Nit arat i logoin yoma,” ìlùk yogosukwama, at Yesùt eluk agaikesik he, sogoi mel, i ha'labu mel, wenagasikomo palarìk he, motok hapuk isike.

YOHANET 4:6

O like pùlem jam 12 oba lagai wagaikesik, at Yesùt kwe nen warek nogo nen he, i ap Yakùp agei poge habuli'mo hinatì lagaukwa ba atì hù'lagaikesik welagaike.

IBERANI 2:17

Atì'nogo hagasike atì re, yì'nogo ìlùk. Nit apùnì weak hagatorek mene, at en legetsagalùk, at ebe Ala esewerek kain logolìk, oabùt Ala hesik hùpùn hogo hagatìk, nit apùnì etawì'ninapìk, elogat ìkì logoigìlùk, at ebe nit apùnì erùgì agaiya'lak hakeat arìk, nit hagatorek mene obogat ninoabùt wanusak meneat wanhike atì.

IBERANI 4:15

Nit ninoe kain Ala esewerek welagarek atì re, nit ninomame lek mea atì, at okot hùk o. At nit ninoabùt wanhikesik were'ma, nit weak hagasuagalùk nina'la kagalherek atì hak, at atì'nogoat yì hesik tì hesik a'la kagali waga lagaike meneat he, at weak aike hagatì'lek logolìk ninoabùt elu o.

1 PETERÙT 5:7

Ala hinebe etawì atì nen, hit yì mene tì mene hesik hina'la wenesùgì uan horo ebetì lagep atì heraksìlìk he, hinetaùken at oba hìpìrethìlìk logoino o.