MAREKÙT 4:26 - Ala Ane Wene Ket Mene Warogo Wo'ninapike Wene

²⁶ Yesùt en wene atì'nogo yogoisasikesik, aike mel yogoisasike: “Ala awe a'ma hisikerek atì re, ap aike nen eyabumo eken awì heik lakhikerek hake o.

MAREKÙT 4:26 ပူးပေါင်းရင်းမြစ်များ

MATÌÙT 13:24

At Yesùt en wene atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikere'ma atì ebe re, ap aike awì hano mene yasike atì hakeat o.

LUKAT 8:11

Atì'nogo yogoisasikesik he, hobuk aike mel yogoisasike: “Wene oba lìrogo yogohisìgì a'nogo ebe yì. Heik lakhìlìk lagaike ìgì a'nogo re, ebe Ala ane atìat o.

LUKAT 8:5

“Ap aike yabu waganogo awì yaterek mene awì heik lakheigìlùk wùlìpike. Wùlìpikesik, heik lakhìlìk laganem he, eken aike kwe ebekalem pìlìk lagaike. Atì'nogo pikenem apùnì laga logolìk he, inesok en al lebelogo hìlìk lagaukwama re, sùe purogo nikerek mene wìrìk heleleng hogo nasike.

YAKOBÙT 3:18

E hano mene awì yatenem, eken hano ìterek atì hak, apùnì inoabùt lìoksek logolìk, it aike inom lìok hogo logouagalùk lapulinapenem inoabùt higit hogo hano hagatarek atì.

YOHANET 12:24

Nen, apùnì nen, gandum eken awì kweangma yatì'le'ma, apùnì wa'lagaikarek atì hak, ogat alep mene hili arìk ket mene hulelhì'lek halok he, eken omakeat awì yasugun mene atìat logogin o. Meneat he, eken atì kweangma yarì'mo, apùnì wa'lagaikarek hak, ogat alep mene atì hili arìk enek he, hobuk ket mene hulelìk eken apik ìterek o,” ìlùk yogoisasike.

LUKAT 13:18

Atì'nogo akasukwama, at Yesùt en he, mel yogoisasike: “Ala nen awe a'ma hisikerek atì, nena hake. An nen nena mene oba lìrogo yogohisak,” ìlùk yogoisasikesik he, aike mel yogoisasike:

MATÌÙT 13:33

Atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikerek atì ebe re, eken sùpùrùk horotì mene a'la hikenem hìterek atì hakeat o. He aike nen gandum sagalek tepung wul hake mene 40 liter yalelogo wìlìk, eken horotì hisuagalùk a'la pelakhìlìk ìpìkwe-apìkwe hagasikomo re, ebe obogat motok hisike atì hakeat o,” ìlùk yogoisasike.

MATÌÙT 13:31

At Yesùt en atì'nogo yogoisasikesik he, hobuk wene aike oba lìrogo mel yogoisasike: “At Ala nen awe a'ma hisikerek atì ebe re, kìbì-kìbì eken hake o. Ap aike nen kìbì-kìbì eyabumo heik lakhesike. Yì mene tì mene awì atì hamùlùtegat meneat he, kìbì-kìbì awì atì nek motok hamùlùtegat o. Mene re, kìbì, wùtat mel, aike mene mel, hulelheresik he, oake hamùlùgat negen lagaikerek. Meneat he, kìbì-kìbì awì atì nek he, motok hùkoat lagaikeresik, e hake haga'laganem he, sùe purogo nikerek mene wìrìk he, kìbì-kìbì atì eki bakwe awì wusi wagarek atì hùkeat o,” ìlùk yogoisasike.

MATÌÙT 13:11

at Yesùt en he, “Ala nen awe a'ma hisikerek wene atì, at a'la hinago welagaike mene, hit enek he, hinelu asuageip ìlùk, pak hogo yogohisasak akasike meneat he, it apùnì aike atì nek he, pak hogo yogoisasak lek akasike.

MATÌÙT 13:3

Hù'lasi kisikesik, yì mene tì mene ba lìthìgìk wene apik yogoisìkì lagaike. Aike mel yogoisasike: “Ap aike yabu waganogo awì yaterek mene awì heik lakheigìlùk wùlìpike.

MATÌÙT 4:17

Lagai wagaikesik logolìk, hùlì atì hùlì nen, apùnì atoma yogoisìkì logolìk he, “Kain pogot oba mene nen awe a'ma hikegein a'nogo yogotak arat awe a'ma hikegein o. Halok he, weak hagatì lagep mene heraksìlìk hinoabùt hebela'ni o,” ìlùk yogoisìlìk nìkì lagaike.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

MAREKÙT 4:27

Eyabumo heik lakhìlìk he, o hi ikenem nogo ìgìk, we ikenem eluk agìk, iko kolek he, awì a'nogo hulelheresik he, hùko agarek. Atì'nogo hùko arì'logo meneat he, nìkì'nogo huko arì'logo he, wonogat welagarek.