MAREKÙT 4:2 - Ala Ane Wene Ket Mene Warogo Wo'ninapike Wene

² Hù'lasi kìlìk he, wene yì mene tì mene ba lìthìgìk, wene apik yakùlisasike. Yakùlisìkì logolìk, aike mel yogoisasike:

MAREKÙT 4:2 ပူးပေါင်းရင်းမြစ်များ

MATÌÙT 13:10

At Yesùt en atì'nogo yogoisasikomo re, at agoromì ane wanhì lagaukwa mene amanogo oba wagaukwasik he, mel yogosukwa: “Hat en apùnì yoma wene yì mene tì mene ba lìthìgìk yogoisegen a'nogo nenahalok,” ìlùk yogosukwama re,

MATÌÙT 13:3

Hù'lasi kisikesik, yì mene tì mene ba lìthìgìk wene apik yogoisìkì lagaike. Aike mel yogoisasike: “Ap aike yabu waganogo awì yaterek mene awì heik lakheigìlùk wùlìpike.

MATÌÙT 7:28

Yesùt en wene atì'nogo ìlìk waga lagaikesik wene elùgùn warogo isikomo re, it apùnì apik amanogo nen he, “Egi! Wene ike atì, it ap Ala ane helal waganek esewerek mene nen yogonisagarek hake ìlì'logo lek o. We, at en he, wene ebe esewerek mene nen u hak ike atì, nayùk e!” ìlùk hogorasukwa.

MAREKÙT 10:1

At Yesùt en wene atì'nogo yogoisalùk, o atoma hebùlùk, o Yurea pisikesik, i Yoretan aik ìlì bakwe wùlìpike. Wùlìpikomo re, apùnì logolegat hobuk at oba atogosi wagaukwama re, wene ninhùp-nanhùp yakùlisìkì lagaike hagat yakùlisasike.

MAREKÙT 12:1

At Yesùt en wene atì'nogo yogoisasikesik he, hobuk wene aike oba lìrogo mel yogoisasike: “Ap aike eyabumo anggur awì yasike. Yasikesik he, leget wùtìk, eken sagalogo amusu keralhì logogun oba kweang habulhìk, ineileken logogun oba laleka pelatìk, isike. Isikesik he, ap aike serogo logouagalùk hisalùk he, ebe o wele'ma atoma lagaike.

MAREKÙT 12:38

Apùnì apik amanogo ina'la hai hakiko kolek he, at Yesùt en wene mel yogoisasike: “It Ala ane helal waganek esewerek mene atì nen weagathinabinogo ìlùk, hit hinoabùt hebelogo logoino o. It ina'la walok en hagatarek he, yì. Inasu uatek mene laberalùk pasar oko wanhare'ma atoma apùnì nen inane agauk hogo hai warinabuagalùk lagìk,

MAREKÙT 3:23

Atì'nogo isukwama, at Yesùt en apùnì logolek amanogo waisìlìk he, wene oba lìrogo mel yogoisasike: “Ibilit apùnì ina'la kìlìk he, okawerek en henogo elok wulakhakasak nogo? Motok mea o.

MAREKÙT 4:11

Hinok wanhukwama re, at an he, mel yogoisasike: “Ala nen awe a'ma hisikerek wene atì, at a'la hinago welagaike mene, wene hit enek he, hinelu asuageip ìlùk pak hogo yogohisasak akasike meneat he, it apùnì etakwe mene atì nek he at Ala nen he: It atì weak hagarì'lùgì mene atì heraksìlìk inoabùt hebelasumo re, an nen sagalogo legetsanogo ìlùk he, it ineileken hìkì logogun meneat he, tùkùm hogo hìkì logogun lek o. Nen, inasuk holhì logogun meneat he, tùkùm hogo hùthìkì logogun legat o, ìlùk isike atì higit asuagalùk, wene yì mene tì mene ba lìthìgìk, yogoisìkì lagì atì o,” ìlùk yogoisasike.

MAREKÙT 4:3

“Hinasuk holini. Ap aike yabu waganogo awì yaterek mene awì heik lakheigìlùk wùlìpike.

YOHANET 18:19

Atì'nogo sogoi sakiko kolek, ap Ala esewerek mene inoe kain a'nogo nen, at Yesùt oba hinok wokhìkì logolìk he, “Hat hagoromì hane wìlì'lùgì mene atì sanì. Nen, hat hane yakùlisìkì lagen atì, kì'nogo nogo,” ìlùk oba hinok wokhasikomo,