MAREKÙT 4:17 - Ala Ane Wene Ket Mene Warogo Wo'ninapike Wene

¹⁷ Atì'nogo hepogat wanharek meneat he, wene atì inetaùkenma omaken yatì'lek en hamùlùgat were'ma nen, apùnì aike nen Ala ane atì hesik, yì aik tì aik inoba hìgìk, weagarinapìk, ikenem he, ina'la hageat pùk agaikaresik he, wene atì heraksalùk wùlùparek atìat o.

MAREKÙT 4:17 ပူးပေါင်းရင်းမြစ်များ

MATÌÙT 11:6

Yogorìk he, sa nen etaùken pìre arìk herakhanhì'lek logogin halok he, a'la hai hakìkì logogin o, ìlùk yogosi lano,” ìlùk laksasike.

MATÌÙT 12:31

Atì'nogo yogoisasikesik wene aike mel yogoisasike: “Wene atì'nogo egep atì nen, an wene yì yogohisak. Apùnì nen yì weak tì weak hagarì'lùgì mene mel, ina'la nen it aike meatsìlìk inane ba nen inabok palì'lùgì mene mel, at Ala nen elok sagalogo legetsasak meneat he, Ala Areagùn atì nek ina'la nen meathìlìk abok palho halok he, elok sagalogo legetsasak motok lek o.

MATÌÙT 13:21

wene atì inetaùkenma omaken yatì'lek en he, hamùlùgat were'ma nen, apùnì aike nen Ala ane atì hesik yì aik tì aik inoba hìgìk, weagarìnapik, ikenem he, ina'la hageat pak agaresik, wene atì heraksalùk wùlùparek atìat o.

MAREKÙT 4:16

Nen, awì heik aike helep oba lakhesike atì ebe re, it apùnì aike nen Ala ane atì inasuk holharesik he, ina'la hai hakìkì logolìk he, hepogat wanharek.

MAREKÙT 4:18

Nen, awì heik aike pakì api'mo lakhesike atì ebe re, it apùnì aike Ala ane atì inasuk holharesik enat he,

LUKAT 12:10

An abat ta'lasi wagagi a'nogo nabok weak palho halok he, weak hagasugun mene atì inebe lopok Ala nen sagalogo legetsegein meneat he, Ala Areagùn atì abok weak palho halok he, weak hagasugun mene atì Ala nen legetsegein motok lek o.

YOHANET 8:31

Inetaùken atì'nogo hìpìrethesukwama, at Yesùt en he, it ap Yahuri mene inetaùken at oba hìpìrethesukwa mene mel yogoisasike: “Hit en, an nane hologo hagato logogun halok he, hinebe an nagoromì ebe mene nawe a'ma logolìk he,

KALATIA 6:12

It apùnì aike nen he, “Hinogat hinekalìma mene palini o,” ìlùk, ning hogo yogohisìlì'lùgì mene atì, it apùnì aike nen ineileken isìlìk, “Hano hagarì'lùgì,” ìlùk akoagalùk hagarì'lùgì atì. Yesùt ebe e ba menhìlìk wasukwa wene a'nogo yogoisikenem he, apùnì Yahuri mene nen weagarinabinogo ìlùk, wene hùnogo mene ning hogo yogohisìlì'lùgì atì.

2 TIMOTÌÙT 1:15

It apùnì o propinsi Asia ya ta mene amanogo inebe obogat an herakhanìlùk pùgùlogo wùlìpì logolìk, at Pìgelùt ho, Heremogenet ho, inomat pùgùlha atì, hat heluat welagen o.

2 TIMOTÌÙT 4:16

Apùnì nen ùkùm noba hìlìk, nanema emakum wanhenem, an nen he, “An noba le'maat o,” ìlùk ùkùm noba korikenem, it obogat an nera'lilu aike welagì'legat herakhanìlùk wùlùpa atì hesik, Ala nen ùkùm inoba hìgì'lek logouak, ìlùk sapan ìkì lagi.

IBERANI 10:29

Atì hak, it apùnì nen Ala aput meneat he, inesok en sagalogo heraksìgìk, Ala nen nit ninom hùnesuogolùk Karìsùt wa'lagaike atì ba amep oba hano horinapike meneat he, hobuk ina'la meathìgìk, Ala oabùt hano mene Areagùn a'nogo inane sagan wokhìgìk, iko halok he, ùkùm motok ekin mene inoba hìlìk weagarinabigin o.

1 YOHANET 2:19

It apùnì atì inebe re, nit mene palek meneat he, it inebe eberogoat nit werekwe mene lek o. It inebe eberogoat nit werekwe mene logoilepma re, inebe nit ninom motogat logoilo o. Mene re, Ala a'la nen, “It atì, inebe obogat hit mene lek, hunigat mene werek, ìlùk, enagat asuak,” ìlùk akasike ba it atì'nogo wùlùpukwa atì.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.

ABÌKAKAN 2:13

Hit he, Ibilit ebe kain logolìk apùnì aike awe a'ma hagisek welagarok oba welagasep atì an nelu o. Atì'nogo Ibilit auaat logolìk, an naput Anitipat en nabok aberalì agì'lek, oabùt hùpùn hogo yogoisìlìk nikenem, it aike nen ebe hina'la nen watenem, hit en he, Nit ninetaùken Yesùt oba hìpìrìk welagorek atì lek, ninabìt, ìlùk kopologo herakhanhì'lek, ninom hutigat motok welagasep atì, hinoabùt an nelu o.