MAREKÙT 4:11 - Ala Ane Wene Ket Mene Warogo Wo'ninapike Wene

^11-12 Hinok wanhukwama re, at an he, mel yogoisasike: “Ala nen awe a'ma hisikerek wene atì, at a'la hinago welagaike mene, wene hit enek he, hinelu asuageip ìlùk pak hogo yogohisasak akasike meneat he, it apùnì etakwe mene atì nek he at Ala nen he: It atì weak hagarì'lùgì mene atì heraksìlìk inoabùt hebelasumo re, an nen sagalogo legetsanogo ìlùk he, it ineileken hìkì logogun meneat he, tùkùm hogo hìkì logogun lek o. Nen, inasuk holhì logogun meneat he, tùkùm hogo hùthìkì logogun legat o, ìlùk isike atì higit asuagalùk, wene yì mene tì mene ba lìthìgìk, yogoisìkì lagì atì o,” ìlùk yogoisasike.

MAREKÙT 4:11 ပူးပေါင်းရင်းမြစ်များ

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

LUKAT 8:10

at Yesùt en he, mel yogoisasike: “Ala nen awe a'ma hisikerek wene atì, at a'la hinago welagaike mene atì, hit enek he, wene atì hinelu asuageip ìlùk pak hogo yogohisasak ìlùk, akasike meneat he, it apùnì aike atì re, at Ala nen he, Ineileken hìkì logogun meneat he, tùkùm hogo hìkì logogun lek o. Nen, inasuk holhì logogun meneat he, tùkùm hogo hùthìkì logogun legat o, ìlùk isike atì higit asuagalùk wene atì oba lìthìgìgat yogoisìkì lagì o,” ìlùk yogoisasike.

1 YOHANET 5:20

At Ala aput ninoba pi wagaikesik, Ala ebe mene ninelu asuagalùk ninetaùken kagalogo yogonisasike. Atì'nogo yogonisasikomo, nit he, Ala ebe mene aput Yesùt Karìsùt eperak ninom hutik motok welago. Nen, at Yesùt he, ebe Ala ebe mene logolìk nabùlal-habùlal ero arat welagarek o.

1 TESALONIKA 4:12

Atiat esinethìlìk he, it aike nen waganekkwe nìlìk negarek atì hak hagatì'lek logolìk, apùnì etakwe mene nen, “It hano,” ìlùk uagalùk ineilhanem hinoabùt higit hogo hagatì logoino.

KOLOSE 4:5

It apùnì Ala ane inokot mene hesik he, hit hina'la motok kagalek logolìk, “Nit Ala againapùrì hagasusak mene hanoasuak ya baat hagatì logouok,” ìlùk atì meneat hagatì logoino.

1 TIMOTÌÙT 3:7

Nen, ap Ala againapùrì serisek logousak mene atì, it apùnì etakwe mene nen abok weak palì'lùgì mene menhogoin halok, at ebe ina'la meathìlìk inabìreileken kelakhìgìk, paik hele hìlì'mo kerelagarek hak, Ibilit en a'la kagalìk ebe hakhìgìk inogo ìlùk, abok hano ìlì'lùgì mene halok menhousak o.

EPESÙT 1:9

At okawerek, atì'nogo haga'ninabu walok en: “Tì'nogo hagarinabigin atì ebe at Karisùt en hagarinabuak,” ìlùk, wene at a'la akasike mene hinago welagaikesik hukalogo yogonisasike atì.

2 KORÌTÙT 4:6

At Ala nen ìkì logolìk he: “O mum atì a'la nen lìa a'nìk,” ìlùk isike atì hak, at enat nit nina'la mùm mene atì lìa'ninapikomo welago. Atì'nogo logolìk, at Karìsùt elokoken apipin yatenem nineileken lakhìlìk he, at Ala hogoratarek mene a'nogo ebe atìgìnìk ìlùk hùthìkì logouagalùk atì'nogo lìa'ninapike atì.

MATÌÙT 16:17

Atì'nogo yogosikomo, at Yesùt en he, “Simon Yùnùt aput nagot e. Apùnì nen yogohetama egen lek o. We, an nopase pogot oba mene nen yogohetomo egen hìgì o. Halok he, ha'la hai hakìkì logoino.

MATÌÙT 13:16

Meneat he, hit enek he, hineileken hìgìk, hinasuk holhìk, egesep atì nen he, hina'la hai hakìkì logoni o.

1 KORÌTÙT 4:7

“It aike atì mea mene re, aike atì nek he, esin motok, ìlùk ìkì logoino,” ìlùk sa nen yakùlhisasikomo ìkì lagep. Hit hinagarok yì mene tì mene helìkì lagep atì, Ala nenat wokhisikerek lek nogo? At enat wokhisikerek o. Atì'nogo wokhisikenem helìkì lagep meneat he, hit en elalhep mene salek hinokawerek en hogorakìkì lagep atì nenahalok.

MAREKÙT 3:23

Atì'nogo isukwama, at Yesùt en apùnì logolek amanogo waisìlìk he, wene oba lìrogo mel yogoisasike: “Ibilit apùnì ina'la kìlìk he, okawerek en henogo elok wulakhakasak nogo? Motok mea o.

MAREKÙT 4:2

Hù'lasi kìlìk he, wene yì mene tì mene ba lìthìgìk, wene apik yakùlisasike. Yakùlisìkì logolìk, aike mel yogoisasike:

MAREKÙT 4:10

Atì'nogo yogoisasikesik, at Yesùt aligat were'ma, hobuk it inebe 12 nen amanogo mel, it aike Yesùt wene yogoisikenem inasuk holhukwa mene mel, oba wagaukwasik he, mel yogosukwa: “Hat en wene oba lìthìgìk yogonisegen a'nogo, ebe ki'nogo mene hesik yogonisegen,” ìlùk oba hinok wanhukwa.